Deuteronomio 32:6 - Biblia Enxet

⁶ ¿keyaxa kélyaqmagkásekxo mók apteméssessamakxa Wesse' egegkok kéltéma xa ektáha nak? Énxet'ák élyeyhaxma meyke nak kélya'áseyak aqsok, ¿háweya kélyáp kéxegke m'a? ¿Háweya apkelane? ¡Axta apkelane kéxegke m'a tén han apmésso kélyennaqte!

Deuteronomio 32:6 ပူးပေါင်းရင်းမြစ်များ

2 Samuel 7:24

hakte apmenyeyk axta exchep énxet'ák Israel etnehek énxet'ák apagkok meyke néxa, keñe sa' xép etnehek Wesse', Dios apagkok.

Job 10:8

Xép apagko' axta han sélane, ¡keñe apmako kaxwók hemasséssók!

Salmos 100:3

Kólya'asagkoho Wesse' egegkok apteme Dios; cha'a senlane negko'o m'a, tén han apagkok; ¡negko'o nenteme énxet'ák apagkok, tén han nepkések apnaqtósso apkelleykha nak yókxexma apagkok!

Salmos 116:12

¿Háxko atnehek ko'o ayaqmagkásekxak ekyókxoho ektaqmela setnéssessamakxa nak ma'a Wesse' egegkok?

Salmos 149:2

Israelitas, kalpayhekxa kélwáxok, kélteme nak énxet'ák Sión, hakte Dios apteme apkelane kéxegke, tén han Wesse' apwányam kélagkok.

Salmos 74:18

Wesse', kaxénwakxoho apwáxok aplókassama exchep ma'a apkelenmexma nak, tén han apxéneykencha'a chá'a ekmaso m'a énxet'ák élyeyháxma nak.

Salmos 74:2

Kaxénwakxoho apwáxok énxet'ák apagkok, apkelmoma axta m'a sekxók eyeynókxa axta, apkelwagkassama axta teyp yaqwayam etnehek énxet'ák apagkok; kaxénwakxoho apwáxok ma'a egkexe Sión, aphamakxa axta.

Salmos 95:6

Kólxegma', óltekxeyagkok entapnák ólpeykesho'; óltekxeyagkok entapnák nápaqto' Wesse' egegkok, hakte senlane axta negko'o m'a.

Éxodo 15:16

“Wesse' egegkok, ¡elyegwakkas!, ¡yána' yeygkok! ¡tásek exmakha aqsa ektémól'a kaxnagkok ma'a meteymog eñama xa apmopwána ekyennaqte nak, ekwokmoho sa' apkelyeyk'a m'a énxet'ák apagkok, cham'a énxet'ák apteme nak xeyep apagkok!

Éxodo 4:22

Tén sa' etnehek yának faraón se'e: ‘Exchek aptáhak appeywa Wesse' egegkok se'e: Israel apteme hatte átnaha apketkok.

Isaías 1:2

Néten tén han náxop, kóleyxho aptáhakxa nak appeywa Wesse' egegkok: “Éktegkessegkek ko'o kélketchek ekwokmoho aptamhágko apkelwányam, keñe sénmexeykekxo.

Isaías 27:11

Kalekkexaxchek chá'a aktegák xama yámet ekyawe élyamaka enxoho; keñe chá'a kelán'a kalmok katnehek táxa agkok. Énxet meyke apkelya'áséyak aqsok xa. Ékeso éñamakxa peya sa' megkalepyósek elanok ma'a ektáha axta Apkelane.

Isaías 43:1

Aptáhak kaxwók xép apcháneya Wesse' egegkok se'e, Israel, ektáha axta apkelane, Jacob ektáha axta aptekkesso: “Nágyé aqsa, ekwagkassek ko'o exchep teyp; ekwóneyha apwesey, xép apteme ahagkok.

Isaías 43:7

cham'a apyókxoho ekhémo nak chá'a sekwesey ektáha axta ko'o sélane tén han sélántekkesso, sélane axta ko'o yaqwayam kataxchek seyeymáxkoho.’

Isaías 44:2

Ko'o sekteme Wesse' apagkok, ektáha axta apkelane, séláneya axta m'a sekxók apyetnamakxa axta kañe' egken awáxok, tén han sekpasmoma nak chá'a. Jesurún, séláneykha Jacob apteme axta sélyéseykha, nágye aqsa,

Isaías 63:16

¡Xép apteme negko'o egyáp! Mehẽlya'ásegkok eykhe m'a Abraham, megkaxénwakxók nahan negko'o apwáxok ma'a Israel, Wesse', xép apteme negko'o egyáp; nanók xép apteme sẽlwagkasso teyp.

Isaías 64:8

Wesse', xép akke apteme negko'o egyáp; yelpa' negko'o, keñe exchep ma'a senlane nak chá'a; ¡negyókxoho negko'o nenteme senlane apagko' xép!

Jeremías 4:22

“Élyeyháxma m'a énxet'ák ahagkok, mehey'ásegkok nahan —axta aptáhak Wesse' egegkok—. Kélketchek melya'áseyak aqsok, megkalchetámeykha nak apkelwáxok. Apwancha'ak elanagkok ma'a aqsok ekmaso, keñe mopwancha'ak elanagkok ma'a aqsok ektaqmela.”

Jeremías 5:21

‘Kóleyxho sa' se'e, énxet'ák élyeyháxma meyke nak kélya'áseyak, ekha nak eykhe kélaqta'ák, megkólwetyehek eyke, ekha nak eykhe kélheyk'ák, megkóllegyehek eyke.

Oseas 13:13

Wokmek ekhem yaqwánxa etyapok Israel, makke ey'ásegkok ma'a yaqwánxa enxoho etyapok, hakte ekyeyháxma apagko'.

Malaquías 1:6

Aptáhak axta Wesse' egegkok ekha apyennaqte apkeláneya apkelmaxnéssesso Dios énxet'ák apagkok se'e: “Eláwhok chá'a apyapmeyk ma'a kélketchek, keñe m'a kélásenneykha nak, etnehek chá'a apkeláyo wesse' apagkok. Naqsók agkok ko'o kélyáp kéxegke, ¿yaqsa ektéma mehéláyo nak chá'a ko'o? Naqsók agkok ko'o sektéma Wesse' kélagkok, ¿yaqsa ektéma mehelyaheykekxoho nak chá'a? Éltaqnagkamchek aqsa chá'a. Kóltemhek aqsa chá'a kólpaqmétek se'e: ‘¿Háxko ektémakxa nentaqnagkama exchep?’

Deuteronomio 1:31

tén han ma'a yókxexma meykexa nak énxet. Dios Wesse' kélagkok axta chá'a apkelmeykegkok kélmék neyseksa kélxega yókxoho ámay, cham'a kélweynchámeykencha'a axta ekwokmoho kélwa'a s'e yókxexma nak, axta apteméssessók ma'a aptémól'a emha apmek apketche énxet.’

Deuteronomio 14:1

“Kéxegke kélteme apketchek ma'a Dios Wesse' kélagkok. Nágkólpexyekhasha aqsa kélyókxa, nágkólmopaksoho aqsa kélyese ekpayhakxa kélnát apketsapa enxoho kélxama.

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.

Deuteronomio 32:18

“Israel, kelwagqeykmek xeyep ma'a apyáp tén han ma'a apmasma nak chá'a; kelwagqeykmek ma'a Dios ektáha axta apmésso apyennaqte.

Deuteronomio 32:28

“Kelyeyhamchek exma m'a énxet'ák Israel; ¡méko apkelya'áseyak!