Deuteronomio 32:4 - Biblia Enxet

⁴ Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!

Deuteronomio 32:4 ပူးပေါင်းရင်းမြစ်များ

Génesis 1:31

Apwet'ak axta Dios éltaqmela ekyókxoho aqsok apkelane. Cháxa ekwokmo axta ekpenchásamáxche seis ekhem xa.

Génesis 18:25

Mopwanchek xép elának xa, elnápok ma'a meyke nak apkeltémakxa yetlo m'a élmasagcha'a nak apkeltémakxa, hakte máxa katnehek ekhawo enxoho mók apkeláneyak melya'assáxma xa. ¡Ná elána aqsa xa! Xép apteme segyekpelchémo apsawheykekxoho ekyókxoho yókxexma keso náxop. ¿Metnésseseya m'a ekpayhawo nak etnéssesek?

2 Samuel 22:47

“¡Megyetsepek chá'a Wesse' egegkok! ¡Apcheymákpoho sa' chá'a kólteméssesek ma'a setaqmelchesso nak chá'a! ¡Meyke ekhémo sa' chá'a kólteméssesek ma'a Dios sewagkasso nak chá'a teyp, tén han semasma nak chá'a!

2 Samuel 23:3

Appaqmetchek ma'a Dios apagkok nak Israel; aptáhak seyáneya Apmasma nak chá'a Israel se'e: ‘Énxet apkeláneykha nak chá'a énxet'ák yetlo ekpéwomo aptémakxa', apkeláneykha nak chá'a énxet'ák yetlo apcháyo Dios,

2 Crónicas 19:7

Kóláwho sa' chá'a Wesse' egegkok, kóllanagkoho sa' chá'a m'a aqsok kéllanakxa enxoho, hakte mopmenyék agko' Dios Wesse' egegkok ma'a aqsok megkapéwomo nak, tén han apyeykhamap nak anlanok pók egmók, tén han nenxawe nak selyaqye yaqwayam manxének ekpayhawo nak eykhe anxének.”

Nehemías 9:8

Apweteyak axta exchep apteme xama énxet apcháyo m'a, apkeláneyak axta ekhémo mók apkelpaqhetchásamákpoho: apxeyenma egkések aptawán'ák neptámen ma'a cananeos apchókxa', tén han hititas, amorreos, ferezeos, jebuseos, tén han gergeseos; apkeláneyak axta han ma'a aptémakxa axta appeywa, hakte megkatnehek chá'a exchep melane m'a apxénakxa enxoho.

Job 34:10

Kéxegke kélya'áseykegkoho nak aqsok, kóleyxho sa' sekpeywa. ¡Nágkaxén kélwáxok Dios ekha nak Apyennaqte, apkeláneya chá'a m'a aqsok ekmaso tén han megkapayhémo chá'a aptémakxa'!

Job 35:14

Ekyágwánxa agkok xép apxeyenma nak chá'a méteya Dios, eleyx aqsa, hakte yetnegkek xép aptémakxa nak ma'a aphakxa nak.

Job 36:23

méko xama énxet apwanchek eltennaksek eyeyméxchexa elána', tén han exénchásekxohok aptémakxa eyesagko aptáhakxa'.

Job 8:3

Hakte Dios ekha nak Apyennaqte, mopwanchek elának ma'a aqsok megkapéwomo nak, kapéwhok chá'a m'a aqsok apkelanakxa enxoho.

Salmos 100:5

Hakte Wesse' egegkok apteme ektaqmalma apwáxok; megkamassegwomek chá'a segásekhayo, méko néxa m'a ektémakxa mehegyenyaweykha.

Salmos 138:8

¡Elának sa' Wesse' egegkok ekxeyenmakxa axta apwáxok hetnéssesek! Wesse', megkamassegwomek xép segásekhayo; ¡ná eyensem aqsa mepenchesso m'a aqsok apkelane axta!

Salmos 145:17

Péwók ekyókxoho aqsok apkelane nak Wesse' egegkok, kataqmalmakha chá'a apwáxok elanok ma'a aqsok apkelane nak.

Salmos 146:6

apkelane nak néten, xapop, wátsam ekwányam, tén han ekyókxoho aqsok ekhéyak nak kañe'. Mepeynchámekxeyk appeywa m'a.

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Salmos 18:46

¡Megyetsepek chá'a Wesse' egegkok! ¡Apcheymákpoho sa' chá'a kólteméssesek ma'a setaqmelchesso nak chá'a! ¡Meyke ekhémo sa' chá'a kólteméssesek ma'a Dios sewagkasso nak teyp!

Salmos 19:7

Péwók han ma'a Wesse' egegkok nak nélxekmowásamáxche apagkok, hakte hegmeyásekxohok chá'a axnagkok negyennaqte. Mogwanchek agya'ássók ma'a apkeltémókxa nak antéhek Wesse' egegkok, hakte kagkéshok chá'a apmopwána aqsok ma'a énxet meyke nak apya'áseyak.

Salmos 31:5

Éltamhók ko'o emok xép ehagák; ¡hemekxa Wesse', Dios apteme nak apmámnaqsoho!

Salmos 33:4

Wesse' egegkok appeywa ekteme ekmámnaqsoho agko'; payhawók negko'o agásenneykxak aqsok apkelane.

Salmos 78:35

kaxénwakxohok axta han chá'a apkelwáxok apkelmasma m'a Dios Meyke nak Ekhémo, tén han apkelwagkassama teyp.

Salmos 9:16

Apkeltennásamákpek aptémakxa m'a Wesse' egegkok: ¡apkelánekxésso chá'a apheykha énxet'ák ekpéwomo aptémakxa! Kalmekxohok chá'a agkok kelhanma apnegkenéyak ma'a élmasagcha'a nak apkeltémakxa.

Salmos 90:16

¡Yána elwetak apkeláneykha m'a aqsok apkelane, keñe apcheymákpoho m'a aptawán'ák neptámen nak!

Salmos 92:15

elxének sa' chá'a apteme ekpéwomo aptémakxa m'a Wesse' egegkok setaqmelchesso nak, elxének sa' chá'a méko m'a megkapéwomo nak aptáhakxa nak chá'a.

Salmos 97:2

Wakhayak ma'a yaphope ekyentaxno; appekkenmeyk apkelánekxésso ektaqmalma apheykha énxet'ák ma'a aptémakxa nak wesse' apwányam, tén han ekpéwomo agko';

Salmos 98:3

megkalwagqeykmok apkelásekhayo tén han melyenyaweykha m'a énxet'ák Israel. ¡Weykmók néxa xapop apkelwete énxet'ák apmallanma m'a Dios egagkok!

Salmos 99:4

Xép apteme Wesse' Apwányam ekha apyennaqte, apmopmenyého nak nentémakxa ekpéwomo; xép apagko' appekkenma meyke ekyeykhamaxche mók nentémakxa. Appékessessamók axta chá'a exchep apkelánéseykekxa apheykha m'a Jacob énxet'ák apagkok, yetlo ektaqmalma aptémakxa.

Éxodo 34:6

Aptáhak axta appaqmeta ekyennaqte agko' apyeyk'a apmonye' Moisés se'e: —¡Ko'o Wesse'! ¡Ko'o Wesse'! ¡Dios seyemleykekxoho tén han apmopyósa nak alanok énxet, mapekhésamaxche' tén han ekyawe seyásekhayo tén han ekmámnaqsoho agko'!

Eclesiastés 3:14

Ekya'ásegkók nahan ma'a ekyókxoho Dios axta apkelane megkamassegwomek chá'a. Méko han kawának kalánekxoho', tén han kamasseksek; hakte Dios axta apteméssesso xa ektémakxa nak, yaqwayam enxoho chá'a negko'o agáwhok ma'a.

Isaías 17:10

hakte kelwagqámeykegkek ma'a Dios ektáha axta apkelwagkasso teyp, megkaxeyenmak kélwáxok apteme axta apkelmasma apyennaqte m'a. Kélchekhamchek kéxegke s'e namyep étkók éltaqmalma nak, kélchencháseykekxeyk pánaqte exnók ma'a aqsok kéláyókxa éleñama nak mók nekha,

Isaías 25:1

Wesse', xép apteme Dios ahagkok; agkések chá'a ko'o exchep ekpayheykekxa ewáxok, atnéssesek nahan chá'a eyeymáxkoho m'a apwesey, hakte apkeláneyak chá'a m'a aqsok apmáheyo nak chá'a elána' sempelakkasso nak agweta', apxeyenma axta chá'a elának eyeynamo m'a nanók agko' axta.

Isaías 26:4

Kólteme chá'a kéláyo m'a Wesse' egegkok, hakte cha'a apteme segmasma apyennaqte memassegwayam ma'a.

Isaías 28:16

Ékeso éñamakxa, aptáha nak appeywa Wesse' egegkok se'e: “Apekkenek sa' ko'o xama meteymog ma'a Sión, meteymog kélyéseykha tén han ektaqmalma agko', yaqwayam sa' katnehek meteymog kélmámenyého kélagko' kólmaha, katnehek sa' ekyennaqtésso tegma apowhak. Énxet apcháyo enxoho xa, méko sa' katnehek apha.

Isaías 30:18

Apkelhaxneyk kéxegke m'a Wesse' egegkok, yaqwayam sa' elásekhekxohok makham; apmakawók apagkók exekmósek kéxegke m'a ektémakxa nak apkelásekhayo, hakte Wesse' egegkok apteme Dios ekpéwomo aptémakxa. ¡Apkeleñémo apyókxoho ektáha nak apkelhaxanma m'a!

Isaías 32:2

Máxa sa' etnehek chá'a xama m'a negyexánegkesseykekxexal'a éxchahayam, segmasmal'a kawak ma'a éxchahayam ekyennaqte agko', máxa sa' etnahagkok ma'a ektémól'a yegmen atamnek ényél'a m'a neyseksa ekyamáyekxa nak xapop, máxa sa' etnahagkok ma'a ektémól'a meteymog ekyawe agko' pessesse agkok émha m'a meykexa nak énxet.

Jeremías 10:10

Wesse' egegkok apteme Dios apmámnaqsoho, Dios megyetsapma, Wesse' apwányam memassegwayam. Aplókek agkok ma'a, kayawheykha chá'a xapop; mopwanchek elenmaxakpohok aplo m'a pók aptémakxa énxet'ák.

Jeremías 9:24

Apmakók agkok keyxkohok appeywa exénakpekxohok xama énxet, kéméxcheyk keyxkohok appeywa hexének ko'o sey'áseyak, sey'ásegkoho sektáha ko'o, Wesse', séláneyól'a chá'a aqsok keso náxop yetlo seyásekhayo, tén han ektaqmalma, tén han ekpéwomo, hakte cháxa ekleklamo nak chá'a ko'o ewáxok xa. Ko'o sekxeyenma xa, sektáha nak Wesse'.”

Daniel 4:34

“Xama axta ekwokmo néxa ekxénamaxchexa hélteméssesek, énmexawok axta néten, ko'o Nabucodonosor, ekwetágkok axta ekmassa sekteme seyeyháxma; tén axta sekteméssesa apcheymákpoho m'a Dios meyke nak ekhémo, axta ektáhak sekpaqmeta sélpeykásawo m'a memassegwayam nak: “Megkamassegwomek sa' chá'a apmopwána; katnahagkok sa' chá'a aptémakxa nak wesse' apwányam.

Daniel 4:37

“Élpeykessamók ko'o kaxwók ma'a Wesse' Apwányam apha nak néten, ko'o Nabucodonosor, eyáyók han, ekteméssessegkek han apcheymákpoho, hakte naqsók agko' ma'a ekyókxoho aqsok apkelane nak, péwók nahan, apwanchek etnessásekxak mékoho m'a apkenè nak chá'a etnahak ekha kéláyo.”

Habacuc 1:12

Wesse' egegkok, aphegkek xép meyke néxa', Dios ahagkok appagkanamap, apteme nak megyetsapma. Wesse', apteme nak semasma, apméssegkek xép apkelyennaqte caldeos, yaqwayam enxoho ellegássesagkohok énxet'ák eñama apkeltémo exchep.

Habacuc 1:13

Mopwanchek xép yohok aqsa katyapok aqsok ekmaso, hakte cháxña'awók aptémakxa, mopwanchek elanok yetlo ekleklamo apwáxok ma'a aqsok élmasagcha'a, ¿yaqsa ektéma exchep apwanmeyeykencha'a nak aqsa apkeláneykencha'a m'a énxet'ák apkelánéyak nak chá'a aqsok ekmaso agko'? ¿yaqsa ektéma apwanmeyeykencha'a nak apkeláneykencha'a m'a énxet'ák élmasagcha'a nak apkeltémakxa apmassésseykmo m'a énxet'ák megkaxnawo nak apkeltémakxa?

Sofonías 3:5

Aphegkek eyke Wesse' egegkok ma'a tegma apwányam nak; apkeláneyak chá'a aqsok ektaqmela m'a, melaneyk chá'a m'a aqsok ekmaso nak. Yókxoho axto'ók chá'a yának kalanaxchek ma'a aqsok ekpéwomo, meyke kélyeykhasso. Keñe m'a ekmaso nak aptémakxa mey'ásegweykmok ektémakxa m'a negmegqakto.

Deuteronomio 10:18

apkelánekxéssamo nak han chá'a amya'a m'a élyeheykha nak tén han ma'a xentampe'e nak, apkelásekhayo nak han chá'a m'a énxet'ák apkeleñama nak mók apkelókxa apheykha nak kélnepyeseksa kéxegke, apkelmeyáseykegkoho nak chá'a m'a aptéyák tén han ma'a apkelántaxno.

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.

Deuteronomio 32:18

“Israel, kelwagqeykmek xeyep ma'a apyáp tén han ma'a apmasma nak chá'a; kelwagqeykmek ma'a Dios ektáha axta apmésso apyennaqte.

Deuteronomio 7:9

Kólya'asagkoho sa' Dios Wesse' kélagkok apteme Dios apmámnaqsoho apagko', apkelánéssamo nak chá'a meyke apyenseyam ekhémo mók nélpaqhetchásamáxkoho apagkok ma'a apyókxoho énxet ekweykekxoho m'a kaxwe apkektegéyak nak tén han ma'a peya nak elántépekxak makham egmonye', cham'a ektáha nak chá'a apchásekhayo, tén han apkelane nak chá'a m'a apkeltémókxa nak chá'a antéhek;

1 Samuel 2:2

¡Wesse' ahagkok, méko ekhawo exchep ma'a aptémakxa nak appagkanamap! ¡Dios egagkok, méko exchep ekhawo ektémakxa nak segmasma! ¡Méko ekhawo exchep!