Deuteronomio 32:1 - Biblia Enxet

¹ “Néten, keyxho sa' sekmako nak ko'o altennaksek; xapop, kañoho sa' sekpeywa.

Deuteronomio 32:1 ပူးပေါင်းရင်းမြစ်များ

Salmos 49:1

Kóltaqmelchesho sa' kélháxenmo s'e énxet'ák, tén han kélyókxoho kélheykha nak keso náxop,

Salmos 50:4

Apkelwóneyha Dios néten, tén han xapop, apkeltamho katagkohok apmáheyo elyekpelchásseshok ma'a énxet'ák apagkok, cham'a aphamakxa nak netnók agko':

Isaías 1:2

Néten tén han náxop, kóleyxho aptáhakxa nak appeywa Wesse' egegkok: “Éktegkessegkek ko'o kélketchek ekwokmoho aptamhágko apkelwányam, keñe sénmexeykekxo.

Isaías 34:1

Énxet'ák, kólyepetchegwatámho yaqwayam kóleyxho'; kóltaqmelchesho sa' kélháxenmo kélheykha nak ekyókxoho keso náxop. Xapop, keyxho tén han ekyókxoho aqsok ekhéyak nak ma'a awáxok, tén han nélwanmégkaxa ekyókxoho m'a aqsok élántekkesso nak.

Jeremías 2:12

¡Néten, keygwe naqtók xa aqsok nak! ¡Kalpexyennem eyeye! Ko'o sekxeyenma xa, sektáha nak Wesse'.

Jeremías 22:29

¡Xapop; keyxho Wesse' egegkok appeywa!

Jeremías 6:19

Énxet'ák kélheykha nak keso náxop, kóleyxho: Wáphássesek sa' ko'o aqsok ekmaso s'e énxet'ák nak, ekyaqmageykekxa élxéneykha chá'a apkelwáxok elanagkok aqsok ekmaso; hakte melyaheykekxak ma'a sekpeywa nak, aptaqnagkamchek aqsa m'a segánamakxa ahagkok nak.

Deuteronomio 30:19

Ekpekkenchek ko'o sakhem néten tén han náxop yaqwayam katnehek ekweteykegkoho chá'a m'a aqsok kélyéságkaxa enxoho chá'a kéxegke, hakte ekméssek xeyk ko'o yaqwayam kólyésha m'a ekyennaqte nak egnények tén han ma'a nétsapma nak, tén han ma'a ektaqmalma nak negha tén han ma'a ekmaso nak negha. Kólyésha sa' ma'a, ekyennaqtamakxa nak egnények, yaqwayam enxoho kawegqohok kélweynchámeykha kéxegke tén han ma'a kéltawán'ák kélnentámen nak;

Deuteronomio 31:19

“Kóltaxés sa' kaxwók se'e negmeneykmasso nak, kólxekmós sa' ma'a israelitas, yaqwayam sa' elmeneykmaksek chá'a tén han katnehek chá'a ko'o séltennasso aptamheykegkaxa nepyeseksa xa énxet'ák nak.

Deuteronomio 31:28

Kólnaqlanta apyókxoho apkelámha apmonye'e tén han apkelámha apmonye'e apagkok nak chá'a énxet'ák kélagkok se'e, yaqwayam sa' ko'o allegaksek se'e aqsok nak tén han apekkenek ko'o néten tén han náxop yaqwayam katnehek chá'a ekweteykegkoho m'a aqsok apkelánegkaxa enxoho chá'a.

Deuteronomio 31:30

Tén axta Moisés apkelyetseta ekyókxoho s'e negmeneykmasso nak, nápaqta'awók ma'a apyókxoho israelitas apchaqnákxo axta m'a:

Deuteronomio 4:26

ekpekkenchek ko'o sakhem néten tén han náxop yaqwayam katnehek ekweteykegkoho, kaxwók sa' kólmassegwók kéxegke m'a apkelókxa yaqwánxa nak kólmok, cham'a neyp wátsam Jordán nak. Megkawegqók sa' kélheykha m'a xapop nak, kólmasséssók sa' kélyókxoho.