Deuteronomio 3:8 - Biblia Enxet

⁸ “Cháxa negmomakxa axta negko'o xapop apagkok ma'a apqánet kelwesse'e apagkok axta m'a amorreos, apheykencha'a axta m'a ekteyapmakxa ekhem nak neyp wátsam Jordán, eyeynamo m'a wátsam Arnón ekweykekxoho m'a egkexe Hermón nak.

Deuteronomio 3:8 ပူးပေါင်းရင်းမြစ်များ

1 Reyes 4:19

keñe axta Guéber, Urí axta apketche m'a ekpayho nak yókxexma Gad, Sihón axta apchókxa, wesse' apwányam apagkok axta m'a amorreos, tén han Og, wesse' apwányam axta m'a Basán. Yetneyk axta han xama apkemha apmonye' aptamheykha ekyókxoho apchókxa.

1 Crónicas 5:23

Axta apheykha Manasés nápakha énxet'ák apagkok aptawán'ák neptámen ma'a yókxexma ekmahéyak axta m'a Basán, ekweykekxoho m'a Baal-hermón, Senir tén han ma'a egkexe nak Hermón, hakte apxámok apagko' axta m'a.

Salmos 42:6

Awanhók agko' ko'o ekyaqhapweykmoho ewáxok. Cháxa keñamak ekxéna agko' nak ko'o ewáxok xép, cham'a yókxexma wátsam Jordán, tén han egkexe élekhahéyak nak Hermón, tén han Misar.

Salmos 42:7

Anleghok ekpáwà awáxok ekyennaqte élpexyaweykenta yegmen ényé m'a xapop ekweyweykenta apagkok nak; eyapmeyk ko'o m'a yegmen ényé ekyennaqte apcháphasso nak xép.

Salmos 89:12

Xép apkelane nexcheyha tén han nepyeyam; kelmeneykmássek ekmátsa agko' élxéna apwesey m'a egkexe Tabor, tén han Hermón.

Deuteronomio 4:47

Apyementamomchek axta xapop apagkok ma'a israelitas tén han ma'a wesse' apwányam Og aphama axta m'a Basán, apqánet kelwesse'e apkelwányam apagkok axta m'a amorreos apheykencha'a axta m'a teyapmakxa ekhem nak neyp wátsam Jordán.

Deuteronomio 4:48

Axta nahan cheynamók xapop apagkok ma'a yókxexma Aroer, cham'a neyáwa nak wátsam Arnón, ekweykekxoho m'a egkexe Sirión, ekwesey nak han Hermón,

Josué 12:1

Keso apkelwesse'e apkelwányam apkelnapma axta m'a israelitas, apheykencha'a axta m'a teyapmakxa ekhem, teyp nak wátsam Jordán, keñe han xapop apkelmoma axta eyeynamo m'a wátsam Arnón ekweykekxoho m'a egkexe Hermón, tén han ekyókxoho m'a yókxexma ekteyapmakxa ekhem nak, ekyapwátegweykenxa nak xapop ma'a Jordán:

Josué 13:8

Apkelxaweykegkek axta xapop apagkok ma'a Rubén nak énxet'ák apagkok, Gad énxet'ák apagkok, tén han nápakha nak Manasés énxet'ák apagkok, Moisés axta apkelmésso m'a ekpayho nak ekteyapmakxa ekhem neyp nak Jordán.