Deuteronomio 27:2 - Biblia Enxet

² Kélyeykhákxeyk sa' agkok ma'a neyp wátsam Jordán, tén han kélántaxna sa' ma'a xapop yaqwánxa sa' egkések ma'a Dios Wesse' kélagkok, kólánchesagkok sa' meteymog élyawe tén sa' kólmópésagkok kóltéhek lamhatánek égmenek,

Deuteronomio 27:2 ပူးပေါင်းရင်းမြစ်များ

Job 19:24

¡Émenye' nak la'a elqahaksek xama énxet yáma énmaga aktek ekpayhe emha m'a táxésso élánamáxche nak sawo, essenhan meteymog, yaqwayam enxoho megkamassegwome'!

Ezequiel 11:19

Akxakkasek sa' ko'o m'a ektémakxa nak élyennaqte apkelwáxok ekho nak meteymog, agkeyásekxak sa' axnagkok apkelwáxok tén han aphaxnagkok espíritu.

Ezequiel 36:26

agkeyásekxak sa' ko'o kéxegke axnagkok kélwáxok tén han aphaxnagkok espíritu. Ayenyókasek sa' ko'o kéxegke xa élyennaqte kélwáxok ekho nak meteymog, agkeyásekxak sa' ma'a kélwáxok élmomhápa nak.

Deuteronomio 11:31

Peyk kaxwók kéxegke kólyeykhekxak ma'a neyp wátsam Jordán. Peyk kaxwók kólmok ma'a apchókxa yaqwánxa sa' egkések ma'a Dios Wesse' kélagkok. Kélmeyk sa' agkok ma'a tén han kélhakmo enxoho m'a kañe' nak,

Deuteronomio 26:1

“Kélántaxneyk sa' agkok ma'a xapop apmáheyókxa nak egkések ma'a Dios Wesse' kélagkok yaqwayam kóltéhek kélagkok kélagko', kélhakmo sa' ma'a kañe' nak,

Deuteronomio 27:1

Apkeltennásegkokxeyk axta makham apkeltamhókxa chá'a etnahagkok énxet'ák ma'a Moisés tén han ma'a apkelámha apmonye'e nak Israel. Aptáhak axta s'e: “Kóllána sa' ekyókxoho m'a séltamho exchek ko'o kóllának se'e sakhem nak.

Deuteronomio 27:3

yaqwayam sa' kólnaqtáxésagkok ekyókxoho s'e amya'a séltennasa exchek ko'o kéxegke. Kóllána sa' kélántaxna enxoho m'a xapop ényahamakxa nak weyke nagkeygmenek tén han ma'a yányawhéna' apyegmenek ektémól'a kanyehek ma'a yegmen, apmáheyókxa nak egkések ma'a Dios Wesse' kélagkok, ekhawo m'a apkeltennassama axta egkések ma'a kélyapmeyk nanók axta kéxegke.

Deuteronomio 27:4

Kélyeykhákxeyk sa' agkok ma'a neyp wátsam Jordán, kólánchesagkok sa' néten egkexe Ebal ma'a meteymog séltennasa exchek, tén sa' kólmópesagkok ma'a lamhatánek égmenek.

Deuteronomio 6:1

“Keso apkeltémókxa nak antéhek, tén han segánamakxa tén han nélánémaxchexa nak antéhek apkeltamho nak ko'o alxekmósek kéxegke m'a Dios Wesse' kélagkok, yaqwayam sa' kóllánegwók ma'a apkelókxa kélmáheyókxa nak kólmok.

Deuteronomio 9:1

“Israelitas, kóleyxho sa' se'e: wokmek kaxwók kéxegke yaqwánxa kólyeykhekxak ma'a neyp wátsam Jordán tén han kólyementók kaxwók apchókxa m'a énxet'ák apxámokma apagko' nak tén han apkelyennaqte, megkólhawo nak kéxegke, tén han ma'a tegma apkelyawe, apkelyawe apagko' nak, kélhaxtegkesso nak meteymog netna'awók agko' ma'a nepyáwa';

Josué 1:11

“Kólmohók sa' ma'a ekyókxoho apkelpakxeneykegkaxa nak énxet'ák, keñe sa' kólának yánchásekxak aptéyak ma'a apyókxoho nak, hakte ántánxo ekhem kaxwók kéméxche', tén sa' óltámeyekxak ma'a wátsam Jordán, yaqwayam agmok ma'a xapop egagkok apmako nak hegmések Dios Wesse' egegkok.”

Josué 4:1

Xama axta apsawhékpo apkelyeykhe apyókxoho énxet'ák ma'a wátsam Jordán, keñe Wesse' egegkok aptáha apcháneya Josué s'e:

Josué 8:30

Apkelanak axta Josué xama aqsok ekwatnamáxchexa m'a Wesse' egegkok nak apagkok, Dios apagkok nak Israel, axta payhok ma'a egkexe Ebal,

Josué 8:31

apkeltémókxa axta etnahágkok israelitas ma'a Moisés, apteme axta Wesse' egegkok apchásenneykha, ekhawo han ma'a ektémakxa nak eknaqtáxésamaxche weykcha'áhak Moisés segánamakxa apagkok: “Xama aqsok ekwatnamáxchexa meteymog élyókxoho meyke kélpaxqáteykekxa'.” Keñe axta énxet'ák Israel apnegkenágko aqsok apkelwatno m'a néten ekwatnamáxchexa nak aqsok, keñe han apkelsánto m'a aqsok nawha'ák apkelnapma segwetassamo nak sẽlásekheykekxoho.

Josué 8:32

Tén axta Josué aptáxésa m'a meteymog ekwatnamáxchexa nak aqsok, nápaqta'awók ma'a énxet'ák Israel, appekkena m'a segánamakxa Moisés axta appekkencháseykekxa.