Deuteronomio 26:18 - Biblia Enxet

¹⁸ Apxénchek nahan sakhem kéxegke Wesse' egegkok, énxet'ák Israel, apteme énxet apagkok apagko', ekhawo m'a apkeltennassama axta etnéssesek, kóllána sa' chá'a ekyókxoho m'a apkeltémókxa nak chá'a antéhek.

Deuteronomio 26:18 ပူးပေါင်းရင်းမြစ်များ

2 Samuel 7:24

hakte apmenyeyk axta exchep énxet'ák Israel etnehek énxet'ák apagkok meyke néxa, keñe sa' xép etnehek Wesse', Dios apagkok.

Salmos 119:6

Méko katnehek ko'o xama aqsok semegqasso sélana enxoho ekyókxoho m'a apkeltémókxa nak antéhek.

Salmos 135:4

Hakte apkelyéseykha m'a Jacob, cham'a Israel, yaqwayam etnehek apagkok apagko'.

Éxodo 6:7

Almok sa' ko'o kéxegke atnehek énxet'ák ahagkok, tén sa' ko'o kéxegke héltéhek Dios kélagkok. Sa' hélya'ásegwók nahan ko'o sektáha Dios Wesse' kélagkok ma'a sélmallahanchesa sa' ektémakxa ekyentaxno kéltamheykha apmésso chá'a m'a egipcios.

Jeremías 13:11

Ekteméssessók ko'o apyókxoho énxet'ák Israel ma'a aptémól'a xama énxet apyaqhakkassamól'a aptete nepxet ma'a aptétamap, tén han ma'a apyókxoho énxet'ák Judá, épetcheyók apagko' ko'o m'a, yaqwayam enxoho etnahagkok énxet'ák ahagkok, tén han ellegaksek ma'a sekwesey, tén han kañék sélteméssesso ko'o séláyo, tén han seyeymáxkoho. Makke hélyeheykekxoho'. Ko'o sekxeyenma xa, sektáha nak Wesse'.

Levítico 20:26

Kéméxcheyk kéxegke kóltéhek kélpagkanamaxche nahaqtók ko'o. Hakte sekpagkanamaxche ko'o, sektáha nak Wesse', élpagkanmeyk axta ko'o kéxegke nepyeseksa m'a pók énxet'ák nak, yaqwayam atnehek ahagkok.

Sofonías 3:20

Anaqlanták sa' ko'o kéxegke xa ekhem nak, wánchásekxak sa'; wának sa' kayaqmagkasek mók ma'a ektémakxa nak kélheykha, ekha kéláyo sa' atnéssesek tén han kélya'áseykegkoho ekyókxoho yókxexma nepyeseksa m'a apyókxoho énxet'ák nak keso náxop. Ko'o sekxeyenma xa, sektáha nak Wesse'.”

Deuteronomio 14:2

Hakte kéxegke kélteme énxet'ák apkelpagkanma m'a Dios Wesse' kélagkok; axta apkelyéseykha nepyeseksa apyókxoho énxet'ák nak keso náxop yaqwayam kóltéhek énxet'ák apagkok apagko'.

Deuteronomio 27:10

Kólyahakxoho sa' chá'a, kóllána sa' chá'a m'a apkeltémókxa nak chá'a antéhek tén han ma'a segánamakxa apagkok séltamho exchek ko'o kóllának se'e sakhem nak.”

Deuteronomio 28:1

“Naqsók agkok kélyahákxoho kéxegke m'a Dios Wesse' kélagkok, tén han kéllana ekyókxoho m'a apkeltémókxa nak chá'a antéhek séltamho exchek ko'o kóllának se'e sakhem nak, etnéssesek sa' néten agko' kéxegke Wesse' egegkok nepyeseksa m'a apyókxoho énxet'ák apheykha nak keso náxop.

Deuteronomio 28:9

“Etnéssesagkok sa' chá'a énxet'ák kélpagkanamaxche Dios Wesse' kélagkok kélyahákxoho enxoho chá'a m'a apkeltémókxa nak chá'a antéhek tén han kélyetlawa enxoho chá'a m'a ámay apagkok nak, ekhawo apxeyenma axta naqsók etnéssesek.

Deuteronomio 29:13

Sakhem ekpenchásexko kéxegke kélteme énxet'ák apagkok ma'a, keñe kéxegke kéltáha Dios kélagkok ma'a, ekhawo apkeltennassama axta etnéssesek ma'a Abraham, Isaac tén han ma'a Jacob, cham'a kélyapmeyk nanók axta kéxegke.

Deuteronomio 4:20

Keñe kéxegke apkelmoma m'a Wesse' egegkok, apkelhaxyawásseykekxeyk axta m'a kañe' táxa axagkok kélpeykáseykekxa axta chá'a m'a sawo, Egipto xa, keñe apteméssessama ekhawo nak kéltémakxa s'e kaxwo' nak: énxet'ák apagkok apagko'.

Deuteronomio 7:6

Hakte kéxegke kélteme énxet'ák kélpagkanamaxche apagkok ma'a Dios Wesse' kélagkok; apkelyéseykha axta kéxegke Wesse' egegkok nepyeseksa m'a apyókxoho énxet'ák nak keso náxop, yaqwayam enxoho kóltéhek kéxegke énxet'ák apagkok apagko'.