Deuteronomio 26:13 - Biblia Enxet

¹³ sa' kóltéhek chá'a nápaqtók Dios Wesse' kélagkok se'e: ‘Ekyetnakhássek ko'o kaxwók exagkok ma'a nekha aqsok ekyexna séneykekxa yaqwayam nak katnehek élpagkanamaxche', ekmelassek nahan nepyeseksa m'a levitas tén han ma'a énxet'ák apkeleñama nak mók apkelókxa apheykha nak negókxa, tén han ma'a élyeheykha nak tén han ma'a xentampe'e nak, nélanak ekyókxoho m'a apkeltamhókxa axta antéhek xép yetlo nélyeheykekxoho meyke sẽlwagqayam xama enxoho m'a apkeltémókxa nak antéhek.

Deuteronomio 26:13 ပူးပေါင်းရင်းမြစ်များ

Salmos 119:176

Ekxegáneykmek ko'o, aptémól'a nepkések, ¡hey'óta' hektamok! Mehelwagqeykmok ko'o m'a apkeltémókxa nak antéhek.

Salmos 119:153

Elano ektémakxa seklegeykegkoho, hemallahanches, hakte mehelwagqeykmok ko'o m'a nélxekmowásamáxche apagkok nak.

Salmos 119:141

Mékoho ko'o, tén han magwásekhamaxche', makke hélwagqeykmok ma'a apchánamakxa nak antéhek.

Proverbios 3:1

Hatte, nágkalwánaqmágwom aqsa m'a ektémakxa nak sélxekmowáseyak; epekken apwáxok ma'a segánamakxa ahagkok nak,

Salmos 119:139

Alwok ahagko' chá'a ko'o ótak kalwagqamagkok appeywa m'a sélenmexma nak.

Salmos 119:93

Mehelwánaqmeyk sa' chá'a ko'o m'a apchánamakxa nak antéhek, hakte cha'a segkésso ko'o sekyennaqte m'a.

Salmos 26:6

Wesse', émenyeyk ko'o eypetchegwomhok ekwatnamáxchexa nak aqsok apagkok, yetlo sélyenyesso emék, hakte méko táhak may'assáxma,

Deuteronomio 26:12

“Wokmek sa' agkok chá'a apqántánxo apyeyam, eknegkenamaxchexal'a chá'a m'a ekyókxoho aqsok ekwayam nak chá'a diez, kélpenchesa enxoho chá'a kélyetnakhasso ekyókxoho m'a aqsok ekyexna kélcheneykekxa ekwayam nak chá'a diez ekyókxoho, kélméságko enxoho chá'a m'a levitas tén han ma'a énxet'ák apkeleñama nak mók apkelókxa, apheykha nak ma'a kélókxa, tén han ma'a élyeheykha nak, tén han ma'a xentampe'e nak, yaqwayam sa' katawagkok chá'a m'a kélheykegkaxa nak, ekyókxoho ekmakókxa enxoho chá'a katawagkok,

Deuteronomio 14:29

yaqwayam sa' etawagkok ekwokmoho apkelyaqkanakmo apkelwa'akto enxoho m'a levitas, melxaweykegko nak xapop apagkok apagko', essenhan ma'a énxet'ák apkeleñama nak mók apkelókxa apheykha nak chá'a kélnepyeseksa kéxegke, essenhan ma'a élyeheykha nak tén han ma'a xentampe'e nak. Keñe sa' Dios Wesse' kélagkok egkések chá'a ektaqmalma ekteyapma m'a ekyókxoho aqsok kéllanakxa enxoho chá'a.

Deuteronomio 26:14

Matók nahan chá'a ko'o xama enxoho neyseksa sekwete sélapwayam ma'a tén han neyseksa ekmanyása émpehek, malméssók nahan ma'a apkeletsapma nak. Dios Wesse' egegkok, élyeheykekxók ko'o exchep, éláneyak ekyókxoho m'a apkeltémókxa axta atnehek.