Deuteronomio 26:10 - Biblia Enxet

¹⁰ Cháxa keñamak sélsánto nak ko'o kaxwók se'e émha amonye' ekyexna nak aqsok negkeneykekxa ektekkesso nak xapop segmésso axta m'a Wesse' egegkok.’ “Epekkenek sa' hówenaq apxagkok nápaqtók Dios Wesse' apagkok, keñe sa' eltekxók aptapnák nápaqto'.

Deuteronomio 26:10 ပူးပေါင်းရင်းမြစ်များ

1 Crónicas 29:14

¡mowanchek ko'o almések ekxámokma aqsok ahagkok, mopwancha'ak han énxet'ák ahagkok nak! Hakte xép keleñamak xa ekyókxoho aqsok nak, wánxa egwanchek ólmések ma'a xeyep nak chá'a sẽlmésso.

Salmos 22:27

Kaxén sa' kélwáxok kéxegke Wesse' egegkok kélyókxoho pók aptémakxa nak énxet'ák kélheykha keso náxop, kólyo'óta sa' ma'a; ¡kóltekxeyák sa' kéltapnák apmonye' m'a!

Salmos 22:29

Kólháxahák kélyókxoho kélteme nak kelwesse'e, kólpeykesho chá'a wánxa m'a, tén han kélyókxoho peya nak kóltemekxak makham xapop, hakte háwe kélagkok kéxegke kélyennaqte.

Salmos 86:9

Oh Wesse', xép apkelane apyókxoho pók aptémakxa énxet'ák, sa' han xép elyo'ótak yaqwayam elpeykeshok ma'a, tén han elteméssesek eyeymáxkoho apwesey.

Salmos 95:6

Kólxegma', óltekxeyagkok entapnák ólpeykesho'; óltekxeyagkok entapnák nápaqto' Wesse' egegkok, hakte senlane axta negko'o m'a.

Éxodo 22:29

“Hélsantagkas chá'a heykxe ko'o m'a ekyókxoho aqsok sélmésso naqsa aqsok apkeneykekxa nak apnakxo, tén han ma'a ekyókxoho anmen yámet égmenek apagkok nak. “Hegkések sa' ko'o m'a apkemha apmonye' apwete nak apketche,

Éxodo 23:19

“Keñe sa' ma'a émha amonye' ekyexna éltaqmalma nak ma'a apkeneykekxa, elsakxak ma'a Dios Wesse' apagkok nak tegma appagkanamap apagkok. “Nágkólhanchásekxa aqsa yát'ay apketkok egken neme apyegmenek apagkok.

Proverbios 10:22

Ekxákma aqsok egagkok hegwetaksek ma'a ektémakxa nak Wesse' egegkok sempasmo, megkeypetchek ma'a nenlegeykegkoho nak.

Proverbios 3:9

Etne apcháyo Wesse' egegkok elmések aqsok apagkok yetlo m'a émha amonye' ekyexna nak aqsok apkeneykekxa';

Isaías 66:23

Elmeyenták sa' chá'a eltekxekwaták aptapnák emonye' ko'o apyókxoho énxet'ák yókxoho pelten, ekwákxo enxoho chá'a pelten aphaxnagkok, tén han yókxoho sábado. Ko'o sekxeyenma xa, sektáha nak Wesse'.

Deuteronomio 18:4

tén han ma'a apkemha apmonye' apyexna nak ma'a hótáhap apaktek, tén han ma'a vino, pexmok égmenek, tén han ma'a émha amonye' kélyéseséyak nak apwa' m'a nepkések;

Deuteronomio 26:17

Kélxénchek kéxegke sakhem aptáha Wesse' kélagkok ma'a Dios, kéltennássek nahan kélmako kólyetlók ma'a ámay apagkok nak tén han kóllának ma'a segánamakxa apagkok, tén han ma'a apkeltémókxa nak chá'a antéhek tén han kólyahakxohok chá'a.

Deuteronomio 26:2

kólnakxek sa' chá'a m'a émha amonye' ekyexna nak aqsok kélcheneykekxa ektekkesso nak ma'a xapop, keñe sa' kólsakxak chá'a xama hówenaq apxagkok kélxata m'a apkelyeságkaxa sa' Dios Wesse' kélagkok ekyetnamakxa m'a apwesey.

Deuteronomio 26:4

Emok sa' hówenaq apxagkok ma'a apkelmaxnéssesso Dios énxet'ák apagkok kélmésso nak kéxegke, epekkenek sa' ma'a amonye' nak ekwatnamáxchexa aqsok apagkok ma'a Dios Wesse' kélagkok;

Deuteronomio 8:18

Kéméxcheyk kaxének chá'a kélwáxok ma'a Dios Wesse' kélagkok, hakte cha'a apteme apkelmésso kélwasqapma kéxegke yaqwayam kaxek xa aqsok nak, apkeláneya m'a apxeyenma axta chá'a elanaksek kéxegke, cham'a ekhémo mók nélpaqhetchásamáxkoho apkelánéssama axta nahan ma'a kélyapmeyk nanók axta kéxegke.