Deuteronomio 24:7 - Biblia Enxet

⁷ “Kélwetágkok sa' agkok appósakxa xama appeywomo xamo' israelitas yaqwayam etnéssesek apchásenneykha naqsa essenhan yaqwayam eyenyekxak ekha ekyánmaga, yáneykpok sa' ematñekxa', yaqwayam sa' kólmasséssók aqsok ekmaso ekteyapma kélnepyeseksa kéxegke.

Deuteronomio 24:7 ပူးပေါင်းရင်းမြစ်များ

Job 24:3

elyementamok chá'a aqsok eknaqtósso m'a élyeheykha, keñe han ma'a xentampe'e.

Job 24:9

Kólyementamagkok chá'a étchek kaxwe appalleyam ma'a xentampe'e nak, keñe m'a meyke nak aqsok apagkok, kólyementamok chá'a apketchek ekyánmaga aqsok kélmassáseykha.

Éxodo 21:16

“Énxet ektáhakxa enxoho apxegánegkesso xama énxet, essenhan apyenyeykekxo enxoho ekha ekyánmaga, essenhan appósso enxoho aqsa m'a aphakxa nak, yánékpok sa' ematñekxa'.

Ezequiel 27:13

Axta nahan apkelyánmagkásamákpok chá'a exchep ma'a énxet'ák apkeleñama nak Grecia, Tubal tén han ma'a Mésec, eltennaksek axta chá'a eyánmagkasek ma'a énxet'ák kélásenneykha naqsa nak chá'a, tén han ma'a aqsok étkók éltaqmalma élmomnáwa sawo ekyexwase.

Deuteronomio 13:6

“Apyexákpók sa' agkok nahan yának elpeykeshok pók kéláyókxa méteya nak xép tén han melweteya axta m'a apyapmeyk nano', cham'a apyáxeg apagko' nak essenhan ma'a apketche apkenna nak, tén han ma'a kelwána nak, essenhan ma'a aptáwa' apchásekhayo nak, essenhan ma'a pók meyenyaweykha apagko' nak chá'a,

Deuteronomio 17:7

Sa' nahan apmonye'e elyetnak meteymog yaqwayam nak ematñekxak ma'a ektáha nak apkelxeyenma apkelwete, keñe sa' axayók ma'a apyókxoho énxet'ák nak. Keñe sa' kólmasséssók kéxegke aqsok ekmaso ekteyapma m'a kélnepyeseksa.

Deuteronomio 19:19

kólhéshok sa' nahan kólteméssesek kéllegassáseykegkoho m'a apkeltamhókxa enxoho kólteméssesek ma'a pók nak. Keñe sa' kólmasséssók aqsok ekmaso ekteyapma kélnepyeseksa kéxegke.

Deuteronomio 24:6

“Nágkólmaxna chá'a kélmók ekyaqmageykekxa aqsok kélmassáseykha m'a aqsok aktek ektekxekxo kélyeykesso nak chá'a kélmek, essenhan ma'a meteymog kéltekxekxo nak chá'a aqsok, hakte máxa sa' katnehek kélmaxneya enxoho kéxegke ekmésso nak chá'a apto kélmók kéltáha enxoho xa ektáha nak.