Deuteronomio 23:9 - Biblia Enxet

⁹ “Kélyo'ókmek sa' agkok chá'a kéxegke kempakhakma kólempakhak ma'a kélenmexma nak, nágkóllána chá'a xama enxoho m'a aqsok ényetséssamo nak chá'a egyempehek, cham'a kélpakxenwánxa enxoho chá'a.

Deuteronomio 23:9 ပူးပေါင်းရင်းမြစ်များ

2 Crónicas 19:4

Jerusalén axta aphak ma'a Josafat, etnohok axta eyke chá'a meyk'a m'a énxet'ák apagkok, eyeynókxa m'a Beerseba, ekweykekxoho m'a egkexe nak Efraín, yaqwayam yának chá'a elyo'ókxak ma'a Wesse' egegkok, Dios apagkok axta m'a apyapmeyk nano'.

2 Crónicas 31:20

Apteméssessegkek axta Ezequías ekyókxoho kañe' Judá xa ektáha nak. Leklamók axta apwáxok ektémakxa aqsok apkelane m'a Dios Wesse' apagkok, péwók axta, ekmámnaqso' axta han.

Isaías 56:3

Apya'aweykxeyk agkok Wesse' egegkok xama énxet apkeñama nak mók nekha, megkeyméxchek etnehek appeywa s'e: “Hétnakhaksek sa' ko'o Wesse' egegkok nepyeseksa m'a énxet'ák apagkok.” Megkeymexchek nahan etnehek appeywa énxet kélteme nak yágkelwána s'e: “Ko'o sekteme xama yámet ekyamaye.”

Deuteronomio 23:10

Yetneyk sa' agkok chá'a kélxama kéxegke ekmanyása apyempehek, eñama apyegkenmo neyseksa apteyenma axta'a, kéméxcheyk etyapok chá'a m'a apkelpakxeneykegkaxa nak, xama ekhem sa' nahan chá'a katnehek metaxnegweykta m'a.

Deuteronomio 23:8

apwanchek sa' chá'a etnahagkok Wesse' egegkok énxet'ák apagkok ma'a aptawán'ák nak.

Josué 6:18

Kóltaqmelchesaxkoho sa' kéxegke, nágkólma aqsa tén han nágkólpaknegwomho m'a aqsok ekhéyak nak ma'a tegma apwányam, hakte appenchessek apkelpagkanma Wesse' egegkok yaqwayam kólmasséssók xa aqsok nak. Sa' agkok kólyahákxak kéxegke xa, kélsexnenagko kélagko' sa' kóltéhek ma'a apkelpakxeneykegkaxa nak énxet'ák Israel, kólhágwakxak sa' ma'a ekmaso agko' nak.

Jueces 20:26

Keñe axta apyókxoho sẽlpextétamo Israel tén han apyókxoho énxet'ák, apkelmeyákxo m'a Betel, peya ellekxagwaha nápaqtók Wesse' egegkok. Axta etókagkok aptéyak xa xama ekhem nak, apkelméssek axta Wesse' egegkok aqsok apkelwatno, tén han aqsok apkelnapma segwetassamo nak nélásekhamaxchekxoho.