Deuteronomio 22:6 - Biblia Enxet

⁶ “Apwet'ak sa' agkok chá'a kélxama ámay apagkok náta étkok axagkok néten ma'a yámet ekyawe essenhan ma'a náxop nak, yetlo enxoho m'a étkók essenhan ma'a appok, tén han élpathetéyak enxoho m'a yapmok, megkeyméxchek emok chá'a m'a yapmok nak tén han ma'a étkók nak;

Deuteronomio 22:6 ပူးပေါင်းရင်းမြစ်များ

Génesis 32:11

¡Nágyoho yaqwánxa hetnéssesek ma'a eyapma Esaú! Tamháha ko'o ewáxok hektámegmak keñe elnápok ma'a kelán'ák, tén han sakcha'áletkók nak.

Génesis 8:17

Elántekkes nahan ekyókxoho aqsok nawha'ák apxata axta kañe', cham'a náta, tén han ma'a aqsok nawha'ák megkalmeymentakcha'a nak, tén han ma'a élpexyaweykegkoho nak xapop, yaqwayam sa' kaxpaqnek kalmahagkok ekyókxoho yókxexma keso náxop, kaxámekxak sa' étkók, kasawhekxohok sa' keso náxop.”

Proverbios 12:10

Ey'asagkohok chá'a aqsok eyeyméxchexa apnaqtósso m'a énxet appéwomo nak, keñe m'a énxet ekmaso nak aptémakxa', mey'ásegkok ektémakxa ekmayósa elanok apnaqtósso.

Oseas 10:14

keñamak peya katyapok ekyennameykha exma kempakhakma nepyeseksa m'a énxet'ák apagkok, kólmasséssók sa' apyókxoho tegma apkelyennaqte apagkok, ektéma axta apmassésseykmo tegma apwányam Bet-arbel ma'a wesse' apwányam Salmán, cham'a apkempakhaya axta, apkelyepetcháseykencha'a axta xapop chána yetlo étchek yaqwayam elnápok.

Levítico 22:28

“Nágkólaqha aqsa chá'a xama weyke yetlo étkok xama ekhem, essenhan nepkések yetlo apketkok.

Deuteronomio 22:5

“Megkeymexchek chá'a kalmaha kelán'a m'a apkenna nak chá'a apkelnaqta, tén han énxet megkeyméxchek chá'a elmaha m'a kelán'a élnaqta nak, hakte megkalchek apwáxok Wesse' egegkok elanok ekteme nak chá'a xa ektéma nak.