Deuteronomio 22:3 - Biblia Enxet

³ Sa' etnéssesek nahan apwetákxo enxoho m'a yámelyeheykok, essenhan kélaqlamaxche, essenhan ma'a mók aqsok apagkok ekxegányam nak chá'a m'a xama énxet, tén han apwetákxo enxoho chá'a kélxama kéxegke. Nágkólteme chá'a hó magya'asagke' kélwet'a enxoho chá'a aqsok.

Deuteronomio 22:3 ပူးပေါင်းရင်းမြစ်များ

Deuteronomio 22:1

“Kélwet'ak sa' agkok chá'a kélxama kéxegke weyke aptósso ekxegányam ma'a kélókxa xamo' nak essenhan ma'a nepkések aptósso, nágkólteme aqsa chá'a hó magya'asagke', kólyentemekxés sa' chá'a m'a kélókxa xamo' nak.

Deuteronomio 22:2

Háwe sa' agkok apkeñama ketók aphakxa m'a ótep essenhan megkatnaha enxoho apweteykxa, éntemekxak sa' apxagkok ma'a aqsok kéltósso nak, eyáqkasek sa' nahan ma'a ekwokmoho apketama m'a apchókxa xamo' nak; keñe sa' egkeyásekxak makham.

Deuteronomio 22:4

“Kélwet'ak sa' agkok chá'a kélxama kéxegke yámelyeheykok ekyaqnenma m'a ámay essenhan weyke aptósso m'a kélókxa xamo' nak, nágkólyeykha aqsa chá'a, kólpásem chá'a kólheyásekxak néten.