Deuteronomio 2:36 - Biblia Enxet

³⁶ Méko axta xama enxoho tegma apwányam magmomakxa negko'o, axta eyeynamókxa m'a tegma apwányam Aroer, apyetnama nak ma'a nekha wátsam Arnón, tén han ma'a tegma apwányam apyetnama nak ma'a ekyapwátegweykenxa xapop, ekweykekxoho m'a Galaad; hakte Dios Wesse' egegkok axta apkeltémo ólmok negko'o m'a apyókxoho nak.

Deuteronomio 2:36 ပူးပေါင်းရင်းမြစ်များ

2 Samuel 24:5

Apkeltámeyákxeyk axta wátsam Jordán, keñe apkelpakxenwokmo m'a Aroer, tegma apwányam apyetnama nak ma'a neyseksa ekyapwátegweykenxa xapop, ekmahéyak nak Gad tén han Jazer.

2 Reyes 10:33

eyeynamo m'a ekteyapmakxa ekhem teyp nak Jordán, ekweykekxoho m'a ekyókxoho yókxexma nak Galaad, Gad, Rubén tén han ma'a Manasés, keñe han eyeynmo m'a Aroer, ekyetnama nak nekha m'a alwáta' Arnón, tén axta han ma'a Galaad tén han Basán.

Salmos 44:3

Háwe axta apmék, tén han sókwenaqte élmallahanchesso m'a ẽlyapmeyk; háwe axta apma xapop ma'a. ¡Xeyep apmopwána axta keñamak tén han apyennaqte! ¡Xeyep apha nepyeseksa axta keñamak, hakte apkelásekhayók axta!

Éxodo 23:31

Keso sélqahássesso yaqwánxa chá'a katnehek néxa xapop kélagkok se'e, eyeynamo sekxók ma'a Wátsam Ekyexwase nak ekweykmoho m'a wátsam ekwányam apagkok nak ma'a filisteos, tén han eyeynamo m'a yókxexma meykexa nak énxet ekweykmoho m'a wátsam Éufrates. Ekméssek ko'o yaqwayam kólmok énxet'ák apheykha nak xa apkelókxa nak, emenxenek sa' xeyep ma'a apwánxa enxoho.

Isaías 17:2

Etaqmopagkohok apagko' sa', pa'at émhakxa sa' katnekxa'; katawagkok sa' pa'at kélnaqtósso meyke kélmenxeneykha m'a.

Jeremías 48:19

Énxet'ák kélheykha nak tegma apwányam Aroer, kólchaqnágwom nekha ámay, kóllano; kólmaxneyha m'a énxet'ák meletsapa nak makham, yaqsa ektáha.

Números 32:34

Apnaqxétekhásegkokxeyk axta makham Gad énxet'ák apagkok ma'a tegma apkelyawe nak Dibón, Atarot, Aroer,

Deuteronomio 3:12

“Ekméssegkek axta ko'o Rubén tén han Gad énxet'ák apagkok ma'a xapop negmá axta, cham'a xapop eyeynamo nak ma'a yókxexma Aroer, neyáwa nak ma'a wátsam Arnón, ekweykekxoho m'a náxet neyseksa nak ma'a egkexe Galaad yetlo m'a tegma apkelyawe apheykegko nak ma'a.

Deuteronomio 4:48

Axta nahan cheynamók xapop apagkok ma'a yókxexma Aroer, cham'a neyáwa nak wátsam Arnón, ekweykekxoho m'a egkexe Sirión, ekwesey nak han Hermón,

Josué 1:5

Méko sa' kaxhok ekwánxa nak xép apyennaqte neyseksók apha makham se'e náxop, hakte ko'o sa' atnehek sekxegexma ekhawo sekteméssessamakxa axta m'a Moisés, meyke sekyenyaweykha, mayenseykmok han xama ekhem enxoho.

Josué 12:2

Sihón, wesse' apwányam apagkok axta m'a amorreos aphama axta m'a Hesbón. Weykmók axta han apteme wesse' apwányam eyeynókxa m'a Aroer, neyáwa nak wátsam Arnón, keñe han ma'a nekha nak neyseksa m'a ekyapwátegweykenxa xapop, ekweykekxoho m'a wátsam Jaboc, eyeynókxa nak xapop apagkok ma'a amonitas (nekha nak ma'a Galaad),

Josué 13:16

Axta cheynamók xapop apagkok ma'a Aroer, neyáwa nak ma'a wátsam Arnón, keñe han ma'a tegma apwányam apyetnama nak ma'a neyseksa ekyapwate, tén han ma'a ekyókxoho egkexe ekpayhéyak nak néten ma'a yókxexma Medebá,

Josué 13:9

Axta kelpeheweykmok apkelxawéyak apheykegkaxa m'a ekmahéyak nak eyeynókxa m'a yókxexma Aroer, neyáwa nak wátsam Arnón, keñe han ma'a tegma apwányam apyetnama nak neyseksa m'a ekyapwátegweykenxa xapop, kenhan ma'a ekyókxoho egkexe ekpayhéyak nak ma'a yókxexma Medebá, ekweykekxoho m'a yókxexma Dibón,

Josué 21:44

Apkelánéyak axta Wesse' egegkok ma'a apxeyenma axta elána', aptaqmelchessáseykekxeyk axta han apheykha m'a ekyókxoho apheykegkaxa nak. Mopwanchek axta apmáheyo elenmexekxak chá'a m'a apkelenmexma nak, hakte apkelmallanchessegkek axta Wesse' egegkok nepyeseksa m'a apkelenmexma.

Jueces 11:22

Negmomchek axta ekyókxoho xapop apagkok nak amorreos, eyeynmo m'a wátsam Arnón ekweykekxoho m'a wátsam Jaboc, keñe han eyeynmo m'a meykexa nak énxet, ekweykekxoho m'a Jordán.

Jueces 11:26

Trescientos apyeyam negko'o táhak negheykha s'e Hesbón, Aroer keñe han ma'a tegma apketkók aphéyak nak negyáwa', tén han ma'a apyókxoho tegma apkelyawe aphéyak nak neyáwa Arnón; ¿yaqsa eyke ektéma megkólmeykekxo makham kéxegke xa xapop nak, cham'a nanók axta?