Deuteronomio 2:31 - Biblia Enxet

³¹ “Tén axta Wesse' egegkok aptéma seyenagkama s'e: ‘Ekméssek ko'o kéxegke Sihón se'e kaxwo' nak ekweykekxoho m'a ekyókxoho apchókxa nak; kólántex sa' kaxwók ma'a xapop apagkok nak, kólteme sa' kélagkok.’

Deuteronomio 2:31 ပူးပေါင်းရင်းမြစ်များ

Deuteronomio 1:8

Ekméssek ko'o kaxwók ma'a apkelókxa nak, axta aptemék Wesse' egegkok; kólxeg, kólteme kélagkok ma'a xapop séltennassama axta ko'o, sektáha nak Wesse' egegkok, agkések ma'a kélyapmeyk nano' axta kéxegke, cham'a Abraham, Isaac, Jacob tén han ma'a aptawán'ák neptámen nak, ko'o sektáha nak Wesse' egegkok.’

Deuteronomio 2:24

‘¡Kólchempekxa néten —axta aptemék Wesse' egegkok—, kólxegekxa makham, kólyeykhekxa sa' ma'a wátsam Arnón! Agkések sa' ko'o kéxegke yaqwayam kólmok ma'a Sihón, apteme nak amorreos, wesse' apwányam nak ma'a Hesbón, ekweykekxoho m'a apchókxa nak. ¡Kólántex sa' ma'a xapop apagkok nak, kólempakha sa'!

Deuteronomio 2:30

“Axta eyke yahayók negko'o ólyeykhak xapop apagkok ma'a wesse' apwányam Sihón, hakte Dios Wesse' kélagkok nak kéxegke axta apkeltémo melyahakxeyk ma'a énxet'ák nak, yaqwayam enxoho yának kólmok kéxegke m'a, ekhawo nak makham ektémakxa s'e kaxwo' nak.

Deuteronomio 2:32

“Apteyepmeyk axta eyke egmonye' m'a Sihón yetlo apyókxoho sẽlpextétamo apagkok, yaqwayam enxoho hẽmpakhak negko'o m'a yókxexma Jahas;