Deuteronomio 17:1 - Biblia Enxet

¹ “Nágkólaqhásses chá'a Dios Wesse' kélagkok xama enxoho m'a weyke kennawók kéltósso ekha nak chá'a eyesagkexa m'a ekyókxa essenhan ma'a nepkések, hakte megkalchek agko' apwáxok elanok xa ektéma nak.

Deuteronomio 17:1 ပူးပေါင်းရင်းမြစ်များ

Génesis 41:19

Keñe natámen élántepa han siete weyke élmaso, tén han élyamhagko. ¡Mateyk ko'o makham xama enxoho weyke ekmaso ekyókxoho m'a kañe' nak Egipto!

Éxodo 12:5

Xama apyeyam agkok sa' nahan chá'a katnehek ma'a kéltósso nak, tén han kennawo', meyke enxoho ekmaso m'a ekyókxa, xama nepkések essenhan yát'ay apketkok.

Proverbios 11:1

Etaqnawhok Wesse' egegkok ma'a kelyetsáteyak ekmenyexmo nak, kalkohok eyke apwáxok ma'a kelyetsáteyak megkamenyexma nak.

Proverbios 15:8

Etaqnawhok Wesse' egegkok aqsok apchaqhássesso m'a énxet élmasagcha'a nak apkeltémakxa', yetlo ektaqmeleykha apwáxok eyke chá'a emok takha' nempeywa nélmaxnagko apagkok ma'a énxet apkelpéwomo nak.

Proverbios 20:10

Ánet aqsok aptaqnagkamakxa nak ma'a Wesse' egegkok, cham'a kelyetsáteyak megkaxnémo nak chá'a ekwánxa ektegkesso, tén han ma'a kelyetsáteyak ekmenyexmo nak.

Proverbios 6:16

Yetneyk siete aqsok aptaqnagkamakxa apagko' nak ma'a Wesse' egegkok:

Levítico 1:3

“Ekwatnamáxche sa' agkok apmeyásak ma'a aptósso nak weyke, kéméxcheyk katnehek ma'a xama weyke kennawo' meyke nak ektemegweykmohóxma ekyókxa, éntemegmak sa' ma'a nápaqto' nak Wesse' egegkok, cham'a átog nak kélpakxanma apchaqneykekxexa nak chá'a énxet'ák, yaqwayam enxoho kamaxchek takha'.

Malaquías 1:8

tén han méko ekmaso chá'a hélmések ma'a kélnaqtósso meyke aqta'ák nak, tén han ma'a élmasagcha'a ayay'ák nak, tén han ma'a élháxamáxche nak.” ¡Kólsakxés hana m'a apkelwesse'e kélagkok nak! ¡Elmok sa' kexa takha' kélmésso naqsa aqsok kélagkok ma'a!

Números 29:8

Kólmések sa' xama weyke étkok kennawo' tén han xama nepkések apkennawo' tén han siete nepkések apketkók xama apyeyam apagkok, meyke nak ektemegweykmohóxma apyempehek, yaqwayam kólwatnek kólteméssesek ekmátsa nak ekpaqneyam etekhánek ma'a Wesse' egegkok.

Deuteronomio 15:21

Yetneyk sa' agkok chá'a xama ektemegweykmohoxma m'a ekyókxa, ektáha enxoho chá'a ekyaqteyeykha essenhan meyke aqta'ák, essenhan ekyetnakxa enxoho chá'a ekmaso m'a ekyókxa nak, mesakxések sa' chá'a apchaqhe m'a Wesse' egegkok.

Deuteronomio 23:18

Nágkólsakxa aqsa kéxegke kólyánmagkasek kañe' Dios Wesse' kélagkok tegma appagkanamap apagkok ma'a aqsok ekxénamaxche nak yaqwayam kalanaxchek ma'a selyaqye eñama nak ekwetamaxche xa ektéma nak élánamáxche nentémakxa ekmaso mansexta, hakte megkalchek agko' apwáxok elanok Wesse' egegkok élánamáxche nak xa ektéma nak aqsok.

Deuteronomio 24:4

keñe sa' ma'a apkemha apmonye' atáwa' axta, mopwanchek sa' emekxak makham, hakte ekmanyása agko' émpehek kaxwók entáhak ma'a; katnehek sa' xama aqsok ekmanyása agko' élánamáxche nápaqtók ma'a Wesse' egegkok, megkeymexchek kéxegke kóltawasha m'a apchókxa apméssamakxa nak Dios Wesse' kélagkok yaqwayam kóltéhek kélagkok kélagko'.

Deuteronomio 25:16

Hakte megkalchek agko' apwáxok Wesse' egegkok elanok apyókxoho énxet apkelane nak chá'a xa ektéma nak aqsok tén han apkelane nak chá'a aqsok megkapéwomo.

Deuteronomio 7:25

Kólwatneyásekxak sa' kéxegke m'a aqsok kéleykmássesso apagkok apkeláyókxa nak chá'a, nágkalána' aqsa kélwáxok kólmekxak ma'a sawo ekyátekto élmomnáwa nak tén han ma'a sawo ekmope élmomnáwa apkelyepetchesso nak chá'a m'a émpe'ék; nágkáhapwa ekyekkónma kólámenyéhok xa aqsok nak, kóllának katnehek xama aqsok megkaleklamakxa agko' nak apwáxok nápaqtók ma'a Wesse' egegkok.