Deuteronomio 15:9 - Biblia Enxet

⁹ Nágyoho chá'a katnehek élchetamso apwáxok ekmaso s'e: ‘Chágketwokmek siete apyeyam, kélmasséssamakxa nak aqsa chá'a negméyak aqsok’, melanók sa' chá'a exchep étak ma'a apchókxa xamo' nak, meyke nak aqsok apagkok, memássesha sa' nahan chá'a xama aqsok enxoho; apwóneyha sa' agkok Wesse' egegkok eltennaksek aptáhakxa exchep xa énxet nak, keñe sa' xép kaphemmok apkelane mey'assáxma.

Deuteronomio 15:9 ပူးပေါင်းရင်းမြစ်များ

Job 34:28

Apwagkassessegkek élpayheykha apatña'ák meyke nak aqsok apagkok ma'a aphakxa nak Dios, tén han ektémakxa nak apnaqtawáseykegkoho, aplegayak han ma'a Dios.

Salmos 101:3

magwohok sa' ko'o keytek nahaqtók xama aqsok ekmaso. Altaqnaweygkohok chá'a ko'o m'a apkelyenseyam nak chá'a apkelyetleykha Dios; ¡magwohók sa' chá'a hépetchegwohok xama enxoho!

Salmos 12:5

Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”

Salmos 9:12

Kaxénhok chá'a apwáxok Dios ma'a ekyentaxnamo nak apheykha, megkalwagqámhek ma'a ektémakxa nak apkellekxagweykha; ellegássesagkohok chá'a m'a apkelyennaqteyáseykha nak chá'a apyempe'ék apnaqtawáseykegkoho.

Éxodo 22:22

“Nágkólnaqtawasagkoho m'a kelán'ák xentampe'e nak tén han ma'a élyéheykha nak,

Éxodo 22:23

hakte kélnaqtawásegkok sa' agkok ma'a, keñe sa' sélmaxneya enxoho ko'o kának apasmok, apasmok sa' nahan,

Éxodo 3:7

Apkelenxanakmók axta eyke aptáha apcháneya Wesse' egegkok se'e: —Naqsók agko' ko'o sekweteya ektémakxa apkellegeykegkoho énxet'ák ahagkok ma'a apheykencha'a nak Egipto. Eklegayak nahan ko'o ektémakxa apkelpaqméteykha apkelxeyenma élleklámeykegko aptamheykegkaxa m'a apkelámha apmonye'e apxegkessesso nak chá'a apkeltamheykha, ekya'ásegkók ektémakxa apkellegeykegkoho.

Proverbios 14:21

Aptaqnókek agkok chá'a pók énxet, cháxa apkelana mey'assáxma xa, ¡apkeleñémo eyke m'a énxet apmopyósa nak chá'a elanok ma'a meyke nak aqsok apagkok!

Proverbios 21:13

Énxet melyeheykekxa nak eltamhok epasmok ma'a meyke nak aqsok apagkok, méko sa' nahan keyxhok apkeltamho sa' nahan kólpasmok xa énxet nak.

Proverbios 23:6

Ná etwoho chá'a xamo' apto m'a énxet apmasma nak chá'a aqsok, nágkatsep apnények ma'a apto élmátsa nak,

Proverbios 24:9

Magya'assáxma m'a ekxéneykha nak chá'a apwáxok elának ma'a énxet ekyeyháxma; ¡apyókxoho énxet'ák chá'a etaqnawhok ma'a énxet ekyenneykha nak chá'a appeywa!

Proverbios 28:22

Kapekhaksek chá'a etnehek ekxákma aqsok apagkok ma'a énxet étsapeykha nak chá'a apnények elanok aqsok, mey'asagkehek peya káhapwak ma'a senteme nak meyke aqsok egagkok.

Proverbios 4:23

Elanagkoho chá'a élchetámeykha apwáxok, hakte cháxa éñamakxa ekyennaqte nak egnények xa.

Jeremías 17:10

Ko'o sélányo chá'a apwáxok énxet, sektáha nak Wesse', tén han sekya'áseykegkoho chá'a m'a kañók agko' nak élchetámeykegkaxa apwáxok; tén han sekméssamól'a chá'a xama m'a ekpayhawo nak chá'a atnéssesek sellegassáseykegkoho, cham'a ektémakxa nak chá'a aqsok apkeláneyak.”

Jeremías 34:14

ekwokmo enxoho chá'a siete apyeyam, ekxeykxak ma'a hebreo kélyamasma axta chá'a kélmésso ekha ekyánmaga m'a, tén han ekwokmo enxoho chá'a seis apyeyam apkeltemessáseykha. Axta eyke ko'o heháxenmók ma'a kélyapmeyk nano' axta, axta nahan hélyeheykekxoho'.

Deuteronomio 15:1

“Yókxoho siete apyeyam sa' chá'a exchep emasséssesek aqsa chá'a apméyak aqsok ma'a pók.

Deuteronomio 24:15

Kólyánmagkas chá'a apkeltamheykha yókxoho ekhem, amonye' enxoho chá'a yaqwayam kayaqtések, hakte énxet meyke aqsok apagkok ma'a, apmenyeyk chá'a xa selyaqye nak yaqwayam enxoho emha chá'a. Ewónmakha katnehek Wesse' egegkok eltennaksek kélteméssesakxa kéxegke megkólmésa enxoho chá'a ekyánmaga apkeltamheykha, keñe sa' kéxegke kalpehemmok kéllánéyak megkólya'assáxma.

Deuteronomio 31:10

apkeltennásegkoho nahan se'e apkeltamhókxa axta chá'a etnahagkok: “Yókxoho siete apyeyam, ekwákxo enxoho chá'a m'a apyeyam ekmasséssamaxchexa nak aqsa chá'a negméyak aqsok, neyseksa élánamáxche m'a kélessawássessamo kélpakxeneykegkaxal'a yenta'a aktegák étkók,