Deuteronomio 15:7 - Biblia Enxet

⁷ “Yetneyk sa' agkok énxet meyke aqsok apagkok apha nepyeseksa m'a apchókxa xamo', cham'a pók xam'a nak tegma apkelyawe apagkok apméssamakxa axta m'a Dios Wesse' apagkok, ná etne aqsa chá'a melányo, egkes sa' chá'a aqsok apagkok ma'a apchókxa xamo' ekyetnakxa nak chá'a eyeyméxchexa aqsok ma'a aphakxa;

Deuteronomio 15:7 ပူးပေါင်းရင်းမြစ်များ

Nehemías 5:1

Wenaqtémók axta han natámen xa, apkelpaqmeteykha axta énxet'ák tén han apnaqteyegka'a, apkelxéneykencha'a m'a apchókxa xamo', aptémo xamo' nak judíos,

Ester 9:19

Axta keñamak judíos apheykha nak ma'a mók yókxexma, cham'a tegma apketkók meykexa nak kélhaxtegkesso meteymog ma'a nepyáwa, apkeláneykegko chá'a ekhem catorce, pelten Adar yetlo élpayheykekxa apkelwáxok tén han apkelsawássessamo, egkések axta nahan chá'a aqsok pók apmésso naqsa.

Ester 9:22

hakte cháxa ekhem apmassessámxa axta apkelenmexma m'a judíos, tén han pelten ekyaqmagákxexa axta élpayheykekxa apkelwáxok ma'a éllapwáméyak, ekyaqmagákxexa axta apkellekxagweykha m'a apkelsawássessamo. Cháxa ekhem apkeláneyákpexa axta chá'a elanagkok ektámaxche ekyawe yetlo élpayheykekxa apkelwáxok, egkések nahan chá'a aqsok apmésso naqsa m'a pók, tén han elmésagkok chá'a aqsok ma'a énxet'ák apmopyóseka nak.

Éxodo 22:25

“Kélmassáseyha sa' agkok selyaqye kélagkok xama énxet meyke nak aqsok apagkok énxet ahagkok, apha nak kélnepyeseksa kéxegke, nágkóltemésses aqsa m'a aptémakxal'a elának pók ma'a énxet apmassáseykencha'awól'a chá'a pók selyaqye apagkok, nágkóllána eyánmagkásekxohok mók néten.

Proverbios 19:17

Negmésso aqsok apmeykha naqsa m'a énxet meyke nak aqsok apagkok, cháxa negmésa han Wesse' egegkok ma'a aqsok negmésso naqsa, Wesse' egegkok sa' han eyaqmagkásekxak mók aqsok ektaqmela nenlane.

Proverbios 21:13

Énxet melyeheykekxa nak eltamhok epasmok ma'a meyke nak aqsok apagkok, méko sa' nahan keyxhok apkeltamho sa' nahan kólpasmok xa énxet nak.

Isaías 58:10

kélmésa enxoho chá'a aptéyak ma'a meyk át'ák nak, kélpasma enxoho chá'a aqsok apkelmopmenyého m'a énxet'ák élyaqhápeykha nak apkelwáxok eñama ekyentaxnamo apheykha, kápogwátek sa' cháléwasso kélagkok ma'a ekyáqtésakxaxma nak, élseyéxma sa' katnekxak ma'a ekyaqtéssóxma kélagkok, kaxhok sa' ma'a ektémól'a élseyéxma yetseksók ekhem.

Levítico 25:35

“Yetneyk sa' agkok apchókxa xamo' ektamhéyak meyke aqsok apagkok, keñe ey'óták xép, epásem sa', apteméssessamól'a m'a énxet apkeñama nak mók nekha apwe nak yaqwatakxoho, exnés sa' apxagkok.

Deuteronomio 15:11

Megkameykkehek sa' chá'a énxet meyke nak aqsok apagkok keso náxop, cháxa keñamak séltamho nak ko'o elmésagkok chá'a aqsok xép meyke apmeyágweykekxa m'a apchókxa xamo' nak apkellegeykegkoho meyke aqsok apagkok, tén han ma'a meyke agko' nak aqsok apagkok apheykha m'a apchókxa.

Deuteronomio 15:9

Nágyoho chá'a katnehek élchetamso apwáxok ekmaso s'e: ‘Chágketwokmek siete apyeyam, kélmasséssamakxa nak aqsa chá'a negméyak aqsok’, melanók sa' chá'a exchep étak ma'a apchókxa xamo' nak, meyke nak aqsok apagkok, memássesha sa' nahan chá'a xama aqsok enxoho; apwóneyha sa' agkok Wesse' egegkok eltennaksek aptáhakxa exchep xa énxet nak, keñe sa' xép kaphemmok apkelane mey'assáxma.

Deuteronomio 24:14

“Nágkólnaqtawasagkoho chá'a m'a énxet'ák meyke agko' nak chá'a aqsok apagkok, kólyánmagkas chá'a heykxe m'a ekyánmaga apkeltamheykha, cham'a xama kélókxa xamo' nak kéxegke essenhan ma'a énxet apkeñama nak mók apkelókxa apheykha nak chá'a pók xam'a m'a tegma apkelyawe kélagkok.