Deuteronomio 15:4 - Biblia Enxet

⁴ Keñe sa' méko etnehek xama énxet enxoho meyke aqsok apagkok kélnepyeseksa kéxegke, hakte egkések sa' ektaqmalma apha Dios Wesse' apagkok ma'a apkelókxa apmáheyókxa nak egkések ekpayhémo nak yaqwayam egkeyásekxa',

Deuteronomio 15:4 ပူးပေါင်းရင်းမြစ်များ

Proverbios 14:21

Aptaqnókek agkok chá'a pók énxet, cháxa apkelana mey'assáxma xa, ¡apkeleñémo eyke m'a énxet apmopyósa nak chá'a elanok ma'a meyke nak aqsok apagkok!

Proverbios 28:27

Méko katnehek eyeyméxchexa aqsok apagkok ma'a énxet appasmo nak chá'a m'a meyke nak aqsok apagkok; keñe sa' ma'a memáheyo nak chá'a epasmok, etaqnaweykpohok apagko' sa' chá'a.

Deuteronomio 14:29

yaqwayam sa' etawagkok ekwokmoho apkelyaqkanakmo apkelwa'akto enxoho m'a levitas, melxaweykegko nak xapop apagkok apagko', essenhan ma'a énxet'ák apkeleñama nak mók apkelókxa apheykha nak chá'a kélnepyeseksa kéxegke, essenhan ma'a élyeheykha nak tén han ma'a xentampe'e nak. Keñe sa' Dios Wesse' kélagkok egkések chá'a ektaqmalma ekteyapma m'a ekyókxoho aqsok kéllanakxa enxoho chá'a.

Deuteronomio 15:5

apkelyahákxoho enxoho chá'a, apkelana enxoho chá'a ekyókxoho s'e apkeltémókxa nak chá'a antéhek sekmésa exchek ko'o exchep se'e sakhem nak.

Deuteronomio 28:11

Exekmósek sa' apkelásekhayo kéxegke Wesse' egegkok elmések ekxámokma agko' ma'a kélketchek, tén han ekxámokma étkók ma'a weyke kélnaqtósso tén han ekxámokma agko' ma'a aqsok ekyexna kélcheneykekxa kélnakxo eñama m'a xapop apxeyenma axta naqsók egkések kéxegke m'a kélyapmeyk nano'.

Deuteronomio 3:18

“Tén axta sekméssama ko'o kéxegke s'e séltémókxa axta chá'a kóltéhek sektéma sélanagkama s'e: ‘Dios Wesse' kélagkok apméssók kéxegke yaqwayam kóltéhek kélagkok kélagko' se'e apchókxa nak. Kélyókxoho kélya'áseykegkoho nak ektémakxa nélnápomáxche', kólmekxa sa' kélmeykha, kólxeg sa' apmonye'e m'a kélenyémeyo xamók israelitas.

Deuteronomio 4:21

Etaqnagkamchek axta eyke ko'o m'a Wesse' egegkok eñama kéltémakxa kéxegke, naqsók axta nahan apteméssessók peya mayeykhekxeyk ko'o m'a neyp wátsam Jordán nak, tén han matxek ma'a xapop ektaqmalma apmáheyókxa nak egkések kéxegke yaqwayam kóltéhek kélagkok kélagko'.