Deuteronomio 15:10 - Biblia Enxet

¹⁰ Kéméxcheyk epasmok chá'a, meyke apyetlókasso eklo apwáxok, hakte aptemék sa' agkok xép xa ektáha nak, etaqmelchessesek sa' chá'a ekteyapma Dios Wesse' apagkok ma'a ekyókxoho aqsok apkelanakxa enxoho chá'a, tén han ma'a apcheynókxa enxoho chá'a apkelane.

Deuteronomio 15:10 ပူးပေါင်းရင်းမြစ်များ

Proverbios 22:9

Dios sa' epasmok ma'a énxet ektaqmeleykha nak chá'a apwáxok elanok apnámakkok, eñama apkelmésso chá'a aptéyak ma'a énxet'ák meyke nak aqsok apagkok.

Isaías 58:10

kélmésa enxoho chá'a aptéyak ma'a meyk át'ák nak, kélpasma enxoho chá'a aqsok apkelmopmenyého m'a énxet'ák élyaqhápeykha nak apkelwáxok eñama ekyentaxnamo apheykha, kápogwátek sa' cháléwasso kélagkok ma'a ekyáqtésakxaxma nak, élseyéxma sa' katnekxak ma'a ekyaqtéssóxma kélagkok, kaxhok sa' ma'a ektémól'a élseyéxma yetseksók ekhem.

Deuteronomio 14:29

yaqwayam sa' etawagkok ekwokmoho apkelyaqkanakmo apkelwa'akto enxoho m'a levitas, melxaweykegko nak xapop apagkok apagko', essenhan ma'a énxet'ák apkeleñama nak mók apkelókxa apheykha nak chá'a kélnepyeseksa kéxegke, essenhan ma'a élyeheykha nak tén han ma'a xentampe'e nak. Keñe sa' Dios Wesse' kélagkok egkések chá'a ektaqmalma ekteyapma m'a ekyókxoho aqsok kéllanakxa enxoho chá'a.

Deuteronomio 24:19

“Kéleykmók sa' agkok kéxegke xama kéltete kélyaqtónma hótáhap apaktek kélyekhámeykxo enxoho aqsok kélnakxo kélcheneykekxa m'a namyep kélagkok, nágkóltaqhoho aqsa kólwakxa'; kólnegkenekxa sa' aqsa chá'a yaqwayam elmok ma'a énxet'ák apkeleñama nak mók apkelókxa apheykha nak kélnepyeseksa kéxegke, essenhan ma'a élyeheykha nak, essenhan ma'a xentampe'e nak, yaqwayam sa' etaqmelchessesek chá'a Dios Wesse' kélagkok ma'a ekyókxoho aqsok kéllanakxa enxoho chá'a kéxegke.

Isaías 32:8

Keñe m'a énxet ektaqmalma nak aptémakxa tásek chá'a katnehek élchetámeykha apwáxok aqsok apmáheyo elána', meyensemek nahan chá'a aqsok apmáheyo elána'.

Deuteronomio 15:4

Keñe sa' méko etnehek xama énxet enxoho meyke aqsok apagkok kélnepyeseksa kéxegke, hakte egkések sa' ektaqmalma apha Dios Wesse' apagkok ma'a apkelókxa apmáheyókxa nak egkések ekpayhémo nak yaqwayam egkeyásekxa',

Deuteronomio 14:19

“Ekyókxoho askok ekha nak chá'a axempenák, élmanyása sa' chá'a kólteméssesek. Megkóltewek sa'.

Deuteronomio 23:20

Sa' eyke kélwanchek kólának eyánmagkásekxohok mók néten xama aqsok kélmassáseykha m'a énxet apkeñama nak mók apchókxa, eyke nágkóltemésses ma'a kélókxa xamo' nak. Keñe sa' etaqmelchessesek chá'a Dios Wesse' kélagkok ekyókxoho aqsok kéllanakxa enxoho chá'a m'a apchókxa kélmaheyókxa nak kólhamok.

Deuteronomio 28:8

“Etaqmelchessesek sa' Wesse' egegkok ma'a kélxátamakxa nak chá'a aqsok aktek ekyexna kélcheneykekxa tén han ma'a ekyókxoho aqsok kéllanakxa enxoho chá'a, yának sa' kalpayhekxak kélwáxok neyseksa kélheykha m'a apchókxa yaqweykenxa nak egkések.

Eclesiastés 11:1

Eyenyow neygmen apto; keñe sa' natámen étekxak makham.

Deuteronomio 15:18

Nágkasagkoho chá'a apwáxok ekxeykxak ma'a apkelásenneykha naqsa nak, hakte seis apyeyam chá'a weykmok apkeltemessáseykha exchep ma'a, náxet ma'a ekweykenxal'a chá'a kélyánmagkasso aptamheykha xama énxet ekha nak chá'a kélyánmagkasso aptamheykha; egkések sa' chá'a ektaqmalma ekteyapma ekyókxoho aqsok apkelanakxa enxoho chá'a exchep ma'a Dios Wesse' apagkok.