Deuteronomio 14:8 - Biblia Enxet

⁸ “Tén han ma'a yátapomap, naqso' eykhe énnayha neyseksa apophék ma'a, háwe eyke m'a aptaqhésseykmoho nak chá'a apyespok apto. Kéméxcheyk chá'a kólteméssesek aqsok ekmanyása xa. Nágkóltow chá'a aphápetek xa aqsok nak, nágkólpaknegwomho nahan chá'a m'a aphápak nak.

Deuteronomio 14:8 ပူးပေါင်းရင်းမြစ်များ

Isaías 65:4

apheykencha'a nak chá'a m'a neyseksa takhaxpop, apnaqteyenma nak chá'a axta'a m'a kañe' ekyaqtéssamakxa nak exma; apteykegko nak chá'a m'a yátapomap aphápetek, apkelyetmeykegko nak chá'a yegmenáta ekmanyása m'a weygke apagkok.

Isaías 66:17

Aptáhak Wesse' egegkok se'e: “Énxet ektáhakxa enxoho appagkanchásamap apcháxñáseykekxa chá'a apyempehek yaqwayam elpeykeshok kéleykmássesso m'a namyep éltaqmalma nak apyetlo nak chá'a pók apmahéyak ma'a neyseksa nak, aptéyak nak chá'a yátapomap aphápetek, tén han ma'a pomo'o, tén han ma'a mók aqsok nawha'ák élmanyása nak, kólmasséssók sa' ekmanyehe agko', hakte ekya'ásegkók ko'o m'a aqsok apkelánéyak nak tén han ma'a élchetamso nak chá'a apkelwáxok. “Ko'o ahagko' sa' nahan eyxyamok wánchásekxak apyókxoho m'a énxet'ák tén han ma'a pók aptémakxa nak chá'a énxet'ák, elchexyamok sa', elwetak sa' ma'a seyeymáxkoho.

Isaías 66:3

Yetneyk eyke nahan ma'a apkelnapma nak chá'a weyke kelennay'a, tén han ma'a apkelnapma nak chá'a énxet; apyaqténchesso nak chá'a apyespok ma'a nepkések tén han apwápakhe nak chá'a m'a semheg; tén han apkelmésso nak chá'a aqsok aktek kélcheneykekxa tén han yátapomap éma apagkok; tén han apkelwatno nak chá'a aqsok ekmátsa nak ekpaqneyam éten agkok, apkelpeykessamo nak chá'a m'a kéleykmássesso. Apmenyeyk elanagkok ekyókxoho apkelyéseykha nak chá'a xa ektéma nak élánamáxche aqsok ekmaso agko'.

Levítico 11:3

cham'a ektaqhesseykmoho nak chá'a ayespok ekto, tén han ma'a ánet aphék nak;

Levítico 5:2

“Appaknegwokmók sa' agkok xama aqsok ekmanyása kélxama, cham'a xama aqsok kéltósso ekmanyása nak, élmeymentakcha'a nak, essenhan ma'a megkalmeymentakcha'a nak, essenhan xama ekpexyaweykegkoho nak xapop kaxog ekmanyása nak, ekmanyása apyempehek sa' han etnehek, esexnánékpok sa' nahan, megkeyxek sa' mey'áseyak.

Deuteronomio 14:7

eyke megkeyméxchek kóltók se'e aqsok kélnaqtósso nak, éltaqhésseyam ayespok ektéyak eykhe nahan ma'a tén han énnayha neyseksa aphék: “Yányátnáxeg, tómhag tén han ma'a sógkog; kéméxcheyk kólteméssesek chá'a aqsok nawha'ák élmanyása xa, kaltaqhéssamhok eykhe nahan chá'a ayespa'ák ektéyak xa, méko eyke m'a énnayhakxa nak chá'a neyseksa aphék.

Deuteronomio 14:9

“Keñe m'a aqsok élleykha nak neygmen kélwanchek kóltók ma'a ekha nak amék étkók tén han ma'a émpe'ék,