Deuteronomio 12:9 - Biblia Enxet

⁹ Makke kólwokmok makham kéxegke m'a yókxexma meykexa nak ektemegweykmohóxma apmáheyókxa nak egkések ma'a Dios Wesse' kélagkok.

Deuteronomio 12:9 ပူးပေါင်းရင်းမြစ်များ

1 Reyes 8:56

“¡Apcheymákpoho sa' kólteméssesek Wesse' egegkok, apmésso axta meyke ektáhakxa apheykha m'a énxet'ák apagkok Israel, ekhawo ekyókxoho apkeltennassamakxa axta etnéssesek! Hakte apsawhomók apkeláneya m'a ekyókxoho appeywa ektaqmela apmésso axta, eñama apchásenneykekxa m'a apkeláneykha Moisés.

1 Crónicas 23:25

Axta aptemék David se'e: “Dios Wesse' apagkok nak Israel, apmeyásak ektaqmalma apheykha m'a énxet'ák apagkok nak, apkelyésáha han ekyetnamakxa apwesey meyke néxa m'a Jerusalén.

Salmos 95:11

Axta keñamak ko'o sekxeyenma naqso' yetlo seklo peya melántexek ma'a sekmáheyókxa nak allókassesek apkelyampe énxet'ák.”

Jeremías 31:2

Aptáhak Wesse' egegkok se'e: “Ekxekmóssegkek axta ko'o ektaqmeleykha ewáxok énxet'ák metekyawa axta, cham'a yókxexma meykexa nak énxet. Xama axta aptegyeykencha'a yaqweykenxa ellókasek apyampe m'a Israel,

Miqueas 2:10

¡Kólchempekxa néten! ¡Kólxeg! Háwe néllókassamakxa negyampe s'e; kólmasséssók sa' meyke eyeymomáxche eñama ekyetno élánamáxche aqsok ekmaso m'a kañe'.

Deuteronomio 12:8

“Sa' eyke megkólwanchek kóltemegwók ma'a nentémakxa nak chá'a s'e, cham'a nenlane nak chá'a enxama m'a negmakókxa enxoho chá'a anlána'.

Deuteronomio 25:19

Apmasséssessek sa' agkok kéxegke Dios Wesse' kélagkok apkelya'assóxma apyókxoho m'a kélenmexma apheykencha'a nak neyáwa m'a apchókxa apméssamakxa axta yaqwayam kóltéhek kélagkok kélagko', kólmasséssók sa' apyókxoho m'a énxet'ák Amalec. ¡Nágkalwagqamák chá'a!

Deuteronomio 3:20

Agkok ko'o agkeyásak makham ektaqmalma apheykha m'a kélyáxeg'a nak kéxegke, ekhawo sekméssama nak kéxegke, ko'o sektáha nak Wesse' egegkok, tén han melma enxoho makham ma'a apkelókxa sekmáheyókxa nak ko'o agkések ma'a neyp wátsam Jordán, megkólwanchek kéxegkáxa kólmeyekxak makham ma'a xapop sekméssamakxa axta.’

Deuteronomio 4:21

Etaqnagkamchek axta eyke ko'o m'a Wesse' egegkok eñama kéltémakxa kéxegke, naqsók axta nahan apteméssessók peya mayeykhekxeyk ko'o m'a neyp wátsam Jordán nak, tén han matxek ma'a xapop ektaqmalma apmáheyókxa nak egkések kéxegke yaqwayam kóltéhek kélagkok kélagko'.

Josué 11:23

Apkelmomchek axta Josué m'a ekyókxoho xapop nak, apkeltémókxa axta etnehek Wesse' egegkok ma'a Moisés. Keñe axta apkelmeyáseykegko m'a énxet'ák nak Israel, yaqwayam etnahagkok apagkok. Keñe axta natámen xa ekmassama kempakhakma m'a yókxexma ektaqmeleykekxo apheykha m'a énxet'ák.