Deuteronomio 11:18 - Biblia Enxet

¹⁸ “Kólpekken kélwáxok se'e amya'a nak tén han ma'a élchetámeykegkaxa nak chá'a kélwáxok; kólnaqtehet sa' chá'a kélmék yaqwayam sa' katnehek chá'a ekxénchesseykekxoho kélwáxok. Kólmakhésha sa' nahan chá'a m'a ekpayhakxa kélnát.

Deuteronomio 11:18 ပူးပေါင်းရင်းမြစ်များ

Salmos 119:11

Ekpekkenmeyk ko'o ewáxok ma'a appeywa nak xép, yaqwayam enxoho malanyek may'assáxma nápaqto' xép.

Éxodo 13:16

Máxa sa' eyke katnehek kélqahassól'a kélaktog essenhan ma'a ekpayhakxa kélnát. Cháxa yaqwayam sa' katnehek chá'a ekxénchesseykekxoho kélwáxok kéxegke sẽlántekkesa axta negko'o Wesse' egegkok ekyetlómo ekwányam agko' apmopwána m'a Egipto.”

Éxodo 13:9

Máxa sa' eyke katnehek kéxegke kélqahassól'a kélaktog essenhan ma'a ekpayhakxa kélnát nak. Sa' katnehek chá'a ekxénchesseykekxoho kélwáxok kéxegke eyéméxko chá'a kólxének ma'a segánamakxa eñama nak ma'a Wesse' egegkok, hakte axta apkelántekkesso Egipto ekyetlómo ekwányam agko' apmopwána m'a.

Proverbios 3:1

Hatte, nágkalwánaqmágwom aqsa m'a ektémakxa nak sélxekmowáseyak; epekken apwáxok ma'a segánamakxa ahagkok nak,

Proverbios 3:3

Ná eyensem ektémakxa negásekhayo egmók tén han ekmámnaqso' agko'; eswoho chá'a apmahágkaxa enxoho, ektémól'a agkexnek egyespok ma'a nennatanma. Elqahés apwáxok,

Jeremías 32:39

Wának sa' ko'o etnahagkok wánxa apkelmopmenyého etnehek seyáyo neyseksa apheykha, yaqwayam sa' kataqmelek apheykha, yetlo aptawán'ák neptámen.

Deuteronomio 32:46

Tén axta aptáha apkeláneya israelitas se'e: “Kóltaqmelchesho sa' kalchetmok kélwáxok se'e sektáhakxa nak séláneya s'e sakhem nak, kólána' sa' elanagkok kélketchek ekyókxoho ektémakxa nak ekxeyenma s'e segánamakxa nak.