Deuteronomio 10:2 - Biblia Enxet

² Anaqtáxésagkok sa' ko'o ekhawo ektémakxa axta ekpeywa eknaqtáxésamaxche émha amonye' axta xa meteymog nak, cham'a apkelpaxqáteykekxo axta exchep, keñe sa' exatmok ma'a kañe' yántéseksek axagkok nak.’

Deuteronomio 10:2 ပူးပေါင်းရင်းမြစ်များ

1 Reyes 8:9

Méko axta aqsok ma'a kañe' nak yántéseksek, wánxa axta aqsa m'a ánet meteymog élpayhe, Moisés axta apxata m'a yókxexma Horeb, cham'a meteymog élpayhe apkelánesso axta Wesse' egegkok israelitas ekhémo mók apkelpaqhetchásamákpoho, apkelánteyapma axta m'a Egipto.

2 Crónicas 5:10

Méko axta aqsok ma'a kañe' nak yántéseksek, wánxa axta aqsa m'a ánet meteymog élpayhe, Moisés axta apxata m'a yókxexma Horeb, cham'a meteymog élpayhe apkelánesso axta Wesse' egegkok israelitas ekhémo mók apkelpaqhetchásamákpoho, apkelánteyapma axta m'a Egipto.

Éxodo 32:19

Xama axta apwákxo ketók apkelpakxeneykegkaxa axta énxet'ák ma'a Moisés, apwet'ak axta weyke kennawók étkok kéleykmássesso tén han ma'a ekneywomáxche', aplókók apagko' axta, apkexeynteyk axta m'a meteymog apkelseykenta axta, nekha'a étkók axta aptemessásékxak ma'a awhak egkexe nak.

Éxodo 34:1

Aptáhak axta apcháneya Wesse' egegkok Moisés se'e: —Elyaqtennoho sa' apagko' kaxwók xeyep ánet meteymog ekhémo m'a émha amonye' axta, yaqwayam sa' anaqtáxésagkok ko'o ekhawo ektémakxa axta ekpeywa seknaqtáxésso m'a émha amonye' meteymog axta, cham'a aptemessásekxo axta nekha'a étkók.

Éxodo 40:20

Keñe axta Moisés apkelwákxo m'a meteymog eknaqtáxésamaxche axta segánamakxa, apxatmeyk axta m'a kañe' yántéseksek ekhémo mók nélpaqhetchásamáxkoho; tén axta apkelatchessesa nahan yámet élwenaqte agkok ma'a yántéseksek nak, tén han ma'a átog nak yaqwayam keytek ma'a néten, apsókek axta m'a kañe' kélpakxanma appagkanamap; apmakheyáseyha axta nahan ma'a apáwa kélapma nak, apcháhakkassek axta m'a yántéseksek, ekhawo m'a apkeltémókxa axta etnehek ma'a Wesse' egegkok.

Deuteronomio 10:5

tén axta sekteyapma ko'o m'a néten egkexe nak; ekxatamchek axta kañe' yántéseksek ma'a meteymog élpayhe nak, ekhawo m'a apkeltémókxa axta atnehek ma'a Wesse' egegkok, hágkek makham ma'a kañe' nak.”

Deuteronomio 4:13

Apkelya'ássásegweykmek axta kéxegke Wesse' egegkok ma'a ekhémo mók nélpaqhetchásamáxkoho apagkok, cham'a diez apkeltémókxa nak antéhek, apnaqtáxésso axta ánet meteymog élpayhe, apkeltémók axta nahan kóllanagkok.