Deuteronomio 10:18 - Biblia Enxet

¹⁸ apkelánekxéssamo nak han chá'a amya'a m'a élyeheykha nak tén han ma'a xentampe'e nak, apkelásekhayo nak han chá'a m'a énxet'ák apkeleñama nak mók apkelókxa apheykha nak kélnepyeseksa kéxegke, apkelmeyáseykegkoho nak chá'a m'a aptéyák tén han ma'a apkelántaxno.

Deuteronomio 10:18 ပူးပေါင်းရင်းမြစ်များ

2 Crónicas 19:7

Kóláwho sa' chá'a Wesse' egegkok, kóllanagkoho sa' chá'a m'a aqsok kéllanakxa enxoho, hakte mopmenyék agko' Dios Wesse' egegkok ma'a aqsok megkapéwomo nak, tén han apyeykhamap nak anlanok pók egmók, tén han nenxawe nak selyaqye yaqwayam manxének ekpayhawo nak eykhe anxének.”

Salmos 10:18

Etaqmelchessásekxa ekheykha m'a élyéheykha nak, tén han ma'a kélnaqtawáseykegkoho nak: ¡kamaskok sa' aptekkesso élmeneymáxche m'a énxet apkeñama nak apkelánamap xapop!

Salmos 103:6

Elyekpelkohok chá'a Wesse' egegkok yetlo ekmámnaqsoho apkelánéseykekxa apheykha m'a kélnaqtawáseykegkoho nak chá'a.

Salmos 145:9

Kataqmalmakha chá'a apwáxok Wesse' egegkok elanok ma'a apyókxoho énxet'ák nak, eláhapmakha chá'a elanha m'a aqsok apkelane nak.

Salmos 146:9

eltaqmelcheshok chá'a Wesse' egegkok ma'a énxet'ák apkeleñama nak mók nekha, epasmok chá'a m'a élyeyheykha nak, tén han xentampe'e nak, yetsagkasseshok eyke chá'a ámay apagkok ma'a élmasagcha'a nak apkeltémakxa.

Salmos 68:5

Dios, aphama nak cha'a m'a tegma appagkanamap apagkok, cha'a apteme chá'a apyapmeyk ma'a apkelyéheykha nak, tén han apkeltaqmelchesso m'a xentampe'e nak.

Salmos 68:6

Egkések chá'a aphamakxa Dios ma'a aptaqmópeyak nak chá'a, elántekkesek chá'a m'a apkelmomap nak, egkeyásekxa chá'a ektaqmalma apheykha; exmakha sa' eyke chá'a xapop ekmaso nak ma'a élmasagcha'a nak apkeltémakxa.

Éxodo 22:20

“Énxet apkelnáhakkasso enxoho chá'a aqsok kélnaqtósso m'a mók aqsok kéláyókxa nak, ekpayhawo nak eykhe wánxa elmések ma'a Wesse' egegkok, yáneykpok sa' ematñekxa'.

Éxodo 22:21

“Nágkóltawasagkoho chá'a énxet apkeñama nak mók apkelókxa, nágkólyentaxnésses nahan apha, hakte kéxegke axta nahan kélteme kéleñama mók apkelókxa m'a kélheykencha'a axta Egipto.

Éxodo 22:22

“Nágkólnaqtawasagkoho m'a kelán'ák xentampe'e nak tén han ma'a élyéheykha nak,

Éxodo 22:23

hakte kélnaqtawásegkok sa' agkok ma'a, keñe sa' sélmaxneya enxoho ko'o kának apasmok, apasmok sa' nahan,

Isaías 1:17

¡Kóltámesaxche kéllánéyak aqsok ektaqmela, kólwasqápekxoho kóllának ma'a aqsok ekpéwomo nak, kólpásem ma'a énxet'ák kélnaqtawáseykegkoho nak, kóltaqmelchessásekxa ekheykha m'a élyeheykha nak, kólmeyókas nahan ektémakxa nak chá'a ekha m'a kelán'a tampe nak!”

Jeremías 49:11

‘Henegkenchásekxa ko'o xa apkelyeheykha kélagkok nak, ko'o sa' altaqmelchesek. Tásek mehey'ássemek ko'o m'a xentampe'e apagkok nak.’”

Oseas 14:3

Mopwanchek negko'o hẽlwagkasek teyp ma'a Asiria, mogwanchek nahan ólxeganmok ólchántek yátnáxeg. Kamaskok sa' kaxwók óltéhek negko'o ‘Dios egagkok’ ma'a aqsok nenlánéyak egagko' nak, hakte xép apwánxa apagkok kóteyágwók ekmayósa kóllanok ma'a élyeheykha nak, xép Wesse'.”

Levítico 25:35

“Yetneyk sa' agkok apchókxa xamo' ektamhéyak meyke aqsok apagkok, keñe ey'óták xép, epásem sa', apteméssessamól'a m'a énxet apkeñama nak mók nekha apwe nak yaqwatakxoho, exnés sa' apxagkok.

Números 10:32

Ẽlyetlókek sa' agkok negko'o exchep, ólmések sa' nekha m'a ekyókxoho aqsok éltaqmalma sẽlmésso nak chá'a m'a Wesse' egegkok.

Deuteronomio 27:19

‘Exkak sa' Dios aplo énxet apteméssesso nak chá'a megkapayhawo nak chá'a anteméssesek ma'a énxet apkeñama nak mók apkelókxa, tén han ma'a kelán'a tampe nak essenhan ma'a ekyéheykha nak.’ Apyókxoho énxet sa' etnehek apkelpeywa s'e: ‘Katnahagkok sa'.’