Deuteronomio 1:7 - Biblia Enxet

⁷ Kólmekxa sa' aqsok kélagkok, kólmohók sa' ma'a egkexe élekhahéyak apagkok nak amorreos, tén han ma'a ekyókxoho yókxexma nekhaw'ék nak: cham'a Arabá, tén han ma'a yókxexma ekxámokmakxa nak meteymog élekhahéyak, tén han ma'a eyáxñeyo meyke nak élekhahéyak xapop, tén han ma'a Négueb, tén han ma'a neyáwa wátsam ekwányam nak, tén han ma'a cananeos apchókxa tén han ma'a Líbano, ekweykmoho m'a wátsam ekyawe nak Éufrates.

Deuteronomio 1:7 ပူးပေါင်းရင်းမြစ်များ

Génesis 12:9

Keñe axta apxegákxo makham, aptaqmelcháseykegkók axta apchágketchesseykmo m'a yókxexma Négueb.

2 Samuel 8:3

Apyaqmassegkek axta han David ma'a Hadad-ézer, Rehob axta apketche, wesse' apwányam axta m'a Sobá, apmeyeykekxo axta apmáheyo eykhe etnekxak makham aptaqmelchesso m'a yókxexma, ekyetnama nak nekha wátsam Éufrates.

1 Crónicas 18:3

Apyaqmassegkek axta han David ma'a Hadad-ézer, wesse' apwányam axta m'a Sobá, ekpayho nak Hamat, apmeyeykekxo axta apmáheyo eykhe etnekxak makham aptaqmelchesso m'a yókxexma, ekyetnama nak nekha wátsam Éufrates.

1 Crónicas 27:29

Sitrai, apkeñama axta Sarón, axta apkeltaqmelchesso weyke kélyáqkasseykmo nak kéleykegko pa'at ma'a Sarón agko' nak. Keñe Safat, Adlai axta apketche, apteme apkeltaqmelchesso m'a weyke kélágwayam axta pa'at ma'a ekyapwátegweykenxa nak xapop.

1 Crónicas 5:9

Axta maheykegkok han ma'a ekpayho nak ekteyapmakxa ekhem, ekweykekxoho m'a neyáwa nak yókxexma meykexa énxet, ekmahéyak axta m'a wátsam Éufrates, hakte xámeykekxók agko' axta apnaqtósso weyke m'a yókxexma nak Galaad.

Éxodo 23:31

Keso sélqahássesso yaqwánxa chá'a katnehek néxa xapop kélagkok se'e, eyeynamo sekxók ma'a Wátsam Ekyexwase nak ekweykmoho m'a wátsam ekwányam apagkok nak ma'a filisteos, tén han eyeynamo m'a yókxexma meykexa nak énxet ekweykmoho m'a wátsam Éufrates. Ekméssek ko'o yaqwayam kólmok énxet'ák apheykha nak xa apkelókxa nak, emenxenek sa' xeyep ma'a apwánxa enxoho.

Amós 2:9

Ekmassesseykmek axta eyke ko'o kélmonye'e kéxegke m'a amorreos; ekmassesseykmek axta apyókxoho, aphawók axta eykhe apkelwenaqte yámet cedros ma'a, aphawók axta eykhe apkelyennaqte m'a yámet robles.

Números 10:12

Apkelxegákxeyk axta makham ma'a israelitas, apkelántekkek axta m'a yókxexma meykexa nak énxet Sinaí. Yetnakmek axta yaphope m'a yókxexma meykexa nak énxet Parán.

Deuteronomio 1:19

“Xama axta nélánteyapma m'a Horeb, nélmaheykegkek axta m'a ekxámokmakxa nak meteymog élekhahéyak apagkok ma'a amorreos, nélyeheykekxoho m'a apkeltémókxa axta antéhek ma'a Dios Wesse' egegkok. Nélyeykheykekxeyk axta m'a ekyawakxa nak yókxexma meykexa énxet, eyesagkexa nak, kélweteya nak kéxegke, ekwokmoho nélweykmo m'a Cadés-barnea.

Deuteronomio 11:11

kaxnók ma'a apchókxa yaqweykenxa nak kólmok, yetneyk ma'a meteymog élekhahéyak tén han ma'a xapop élyapwátéyak, ekmámeye chá'a élexpaqhéyak ma'a aqsok.

Deuteronomio 11:24

Sa' kóltéhek chá'a kélagkok kéxegke m'a kélwánxa enxoho chá'a yókxexma. Sa' keynhok néxa xapop kélagkok ma'a yókxexma meykexa nak énxet ekweykekxoho m'a Líbano, tén han eyeynamo m'a wátsam Éufrates ekweykekxoho m'a wátsam ekwányam Mediterráneo.

Josué 1:4

Agkések sa' kéxegke xapop kélagkok eyeynókxa nak ma'a yókxexma meykexa énxet, ektemegwánxa nak néxa yókxexma élekhahéyak ma'a Líbano, ekweykmoho wátsam ekwányam Éufrates, tén han ma'a ekyókxoho xapop apheykegkaxa nak énxet'ák Hititas, néxa m'a wátsam ekwányam nak Mediterráneo.

Josué 10:40

Apkelmomchek axta Josué m'a ekyókxoho apheykegkaxa nak. Apmallanegkek axta apkelnapma m'a apkelwesse'e apheykencha'a axta neyseksa nak meteymog élekhahéyak, keñe han ma'a yókxexma nak Négueb, tén han ma'a ekpayhegweykenxa nak xapop, keñe han ma'a egkexe étkók neyáwa nak. Apmassésseykmek axta ekyókxoho aqsok, apkelnapmeyk axta han ma'a apyókxoho énxet'ák; méko axta apcháyam xama enxoho, méko axta han xama énxet apkeymomap, apkeltémókxa axta etnehek ma'a Dios Wesse' apagkok nak ma'a Israel.

Josué 24:15

Sa' agkok kólmakók kólyahakxohok Wesse' egegkok, Kólyésha sa' sakhem yaqwánxa kólyetlók: kélmakók sa' agkok kólyetlakxak aqsok kéláyókxa apkelpeykessamo axta chá'a kélyapmeyk nanók ma'a neyáwa nak wátsam Éufrates, essenhan ma'a apkelpeykessamo axta chá'a amorreos apheykencha'a nak se'e yókxexma nak. Wesse' egegkok sa' eyke negko'o agyetlakxa', ko'o tén han sekhawóxama.

Josué 9:1

Apkelleg'ak axta amya'a ektáhakxa m'a apkelwesse'e apagkok nak hititas, amorreos, cananeos, ferezeos, heveos, tén han ma'a jebuseos. (Cháxa apkelwesse'e nak, axta apheykha m'a neyáwa wátsam Jordán ekpayho nak ektaxnegwánxa ekhem, ekxámakxa nak meteymog élekhahéyak, tén han ma'a ekpayhegweykenxa nak xapop, apyetleykekxeyk axta han apheykha m'a neyáwa wátsam ekyawe Mediterráneo ekweykekxoho m'a yókxexma Líbano.)