Daniel 9:9 - Biblia Enxet

⁹ Dios egagkok, aptémakxa apagko' eyke exchep apmopyósa henlano', tén han meyaqmagkáseykekxa nentémakxa. Nénmexeykekxeyk negko'o exchep

Daniel 9:9 ပူးပေါင်းရင်းမြစ်များ

2 Samuel 24:14

Keñe axta David aptáha apcháneya m'a Gad: —Asagkók agko' ko'o setnahakxa'. Wesse' egegkok akke tásek negko'o hẽllegássesagkoho', hakte awanhek ektémakxa apmopyósa henlanok ma'a, kaxnók hẽllegássesagkohok ma'a énxetók xamo' nak.

1 Reyes 8:30

Yeyxho sélmaxnagko, tén han apkelmaxneyéyak nak énxet'ák apagkok Israel, apkelpayhentámho enxoho chá'a s'e. Yeyxho sa' ma'a aphakxa nak néten, ná eyaqmagkásekxa aqsa nentémakxa mólya'assáxma.

Nehemías 9:31

Apkelásekhayo ekyawe axta eyke keñamak memassésseykmo apyókxoho, tén han mekxakhama; hakte xép apteme Dios ektaqmeleykha apwáxok, tén han apmopyósa henlano'.

Salmos 130:4

Meyaqmagkásekxeyk eyke exchep nentémakxa, yaqwayam enxoho agáwhok chá'a.

Salmos 130:7

etne exchepxa xa Israel, eleyxek ma'a Wesse' egegkok, hakte yetnegkek segásekhayo m'a, tén han ekxámokma apmopwána hegmallahanchesek.

Salmos 86:15

Wesse', xép akke apteme Dios ektaqmeleykha apwáxok, tén han apmopyósa henlano', mepekhésamap, tén han ekyawe segásekhayo, apteme apmámnaqsoho.

Salmos 86:5

Wesse', tásek xép awáxok, meyaqmagkásekxeyk nahan nentémakxa; elásekhohok chá'a exchep ma'a apwóneykha nak chá'a.

Isaías 55:7

Tásek eyenyekxak apkeltémakxa nak chá'a m'a énxet'ák élmasagcha'a nak apkeltémakxa, tásek elwátésagkok ektémakxa nak chá'a élchetámeykha apkelwáxok ma'a énxet'ák ekyentaxno nak chá'a apkeltémakxa; kólyo'ókxa Wesse' egegkok, kélyósekak sa' elanok kéxegke m'a; kólyo'ókxa m'a Dios egagkok, apmopmenyého nak chá'a hempasmok yaqwayam hegásekhekxoho'.

Isaías 63:7

Peyk ko'o axének Wesse' egegkok segásekhayo, peyk alpeykeshok eñama m'a ekyókxoho sekteméssessamakxa axta negko'o, eñama apkelásekhayo ekwányam agko' ma'a énxet'ák Israel, eñama m'a apteméssessamakxa axta chá'a ektaqmeleykencha'a apwáxok apkelányo tén han apkelásekhayo ekwányam agko'.

Jeremías 14:7

Wesse', ẽlsexnenagkamchek eykhe negko'o m'a mólya'assáxma nak, eyke elána sa' aqsa aqsok, eñama apkelmeyeykha m'a apwesey! Xámokmeyk negko'o negyenseyam negyetleykha exchep, nenláneykegkek mólya'assáxma nenmexeykekxo.

Ezequiel 20:13

Élmexeykekxeyk axta eyke ko'o m'a yókxexma meykexa nak énxet, axta elyaheykekxohok ma'a segánamakxa ahagkok; aptaqnagkamchek axta m'a séltémókxa axta chá'a etnahagkok sekmésso axta, yaqwayam axta kalyennaqtéssesek chá'a apnénya'ák ma'a apkelánegko enxoho chá'a, aptawáseykha axta ekyókxoho m'a ekhem ahagkok sábado. Tén axta ekxéna ewáxok ategkesek seklo nepyeseksa m'a tén han amasséssók apyókxoho m'a yókxexma meykexa nak énxet.

Daniel 9:5

nenláneykegkek negko'o mólya'assáxma; tén han nentémakxa ekmaso; nenláneykegkek ma'a aqsok ekmaso; manlányók negko'o exchep; negyamasmeyk ma'a apkeltémókxa nak antéhek tén han segánamakxa apagkok.

Daniel 9:6

Mólyaheykekxak ma'a apkeláneykha apkellegasso nak appeywa, apkelpaqhetchessama axta chá'a yetlo apxeyenma apwesey exchep ma'a apkelwesse'e apkelwányam egagkok nak, tén han ma'a apkelámha apmonye'e, tén han ma'a ẽlyapmeyk nano', keñe han ma'a apyókxoho énxet'ák nak Israel.

Daniel 9:7

Wesse' egegkok, xép apteme appéwomo, keñe negko'o nenteme nak énxet'ák judíos, nélmegqaktegkek kaxwo'; weykekxók ma'a apheykha nak Jerusalén tén han ma'a pók énxet'ák nak Israel, tén han ma'a apheykha nak keto' keñe han ma'a apheykha nak makhawo', apheykha nak ma'a apkelókxa apkexakhagweykenxa axta exchep eñama apkenmexeykekxa'.

Daniel 9:8

Wesse' egegkok, nélmegqaktegkek negko'o, ekhawo nak ma'a apkelwesse'e apkelwányam egagkok, apkelámha apmonye'e, tén han ma'a ẽlyapmeyk nano' axta, hakte nenlánegkek negko'o mólya'assáxma nénmexeykekxo exchep.

Jonás 4:2

Tén axta appaqhetchesa Wesse' egegkok aptáha apkelmaxnagko s'e: —Wesse', cháxa sekxeyenma axta chá'a ko'o katnehek xa, sekhamakxa axta makham ma'a seyókxa. Axta keñamak sekmáheyo heykxe ko'o axyenmok amhagkok ma'a Tarsis, hakte ekya'ásegkók ko'o exchep apteme Dios ektaqmeleykha apwáxok henlano', tén han apmopyósa henlano', mepekhésamap elwok, awanhek nahan segásekhayo, exének chá'a ellegássesagkohok énxet'ák, keñe elwátessók chá'a.