Daniel 9:8 - Biblia Enxet

⁸ Wesse' egegkok, nélmegqaktegkek negko'o, ekhawo nak ma'a apkelwesse'e apkelwányam egagkok, apkelámha apmonye'e, tén han ma'a ẽlyapmeyk nano' axta, hakte nenlánegkek negko'o mólya'assáxma nénmexeykekxo exchep.

Daniel 9:8 ပူးပေါင်းရင်းမြစ်များ

2 Reyes 21:15

Hakte asagkók aqsok apkeláneyak nahaqtók ko'o m'a, axta cheynamók selókasso sekxók axta apkelánteyapma apyapmeyk nano' ma'a Egipto, ekwokmoho makham se'e kaxwo' nak.”

2 Crónicas 6:37

xénwokmek sa' agkok apkelwáxok elyo'ótak makham xép neyseksa apheykha m'a yókxexma kélya'assamakxa axta, apwónéncha'a enxoho tén han apkelya'ásegwokmo enxoho apkeláneyak melya'assáxma, tén han apkeláneyak apkeltémakxa ekmaso,

Nehemías 1:6

éltamhók ko'o yeyxhok sélmaxnagko, sélmaxnéssesso nak chá'a yókxoho ekhem tén han yókxoho axta'a m'a apkeláneykha, cham'a israelitas. Ekya'ásegkók ko'o nenláneykegko mólya'assáxma nápaqtók xép, negko'o nentáha nak israelitas; ¡weykmok han ekheykha nak exagkok éláneyak megkalya'assáxma!

Isaías 64:4

Axta kañamaxchek xama enxoho amya'a; axta nahan kóteyamaxchek xama enxoho mók aqsok kéláyókxa élane xa ektéma nak aqsok, élánésso m'a ektáha nak chá'a apcháyo.

Jeremías 14:20

Wesse', nélya'asegwákxók negko'o m'a néltémakxa ekmaso, tén han apkeltémakxa melya'assáxma axta m'a ẽlyapmeyk nano'; nenláneykegkek negko'o mólya'assáxma nenmexeykekxo exchep.

Jeremías 32:32

apyókxoho selókáséyak nak chá'a eñama aqsok ekmaso apkeláneyak ma'a énxet'ák Israel, tén han ma'a Judá, ekhawo han ma'a kelwesse'e apkelwányam apagkok nak, tén han ma'a apkelámha apmonye'e apagkok, tén han ma'a apkelmaxnéssesso nak chá'a énxet'ák apagkok, tén han apkellegasso nak chá'a amya'a, tén han ma'a apyókxoho apheykha nak Judá, tén han ma'a Jerusalén.

Jeremías 7:19

Háwe eyke ko'o setnéssesseykmohoxma ekmaso xa énxet'ák nak, apnaqtawásamakpekxoho apagko', yaqwayam enxoho elmegqasakpekxohok apagko'. Ko'o sekxeyenma xa, sektáha nak Wesse'.

Lamentaciones 1:18

Apkeláneyak Wesse' egegkok ma'a ekpayhawo nak elána', hakte énmexeykekxeyk ko'o m'a apchánamakxa nak antéhek. ¡Énxet'ák, kóleyxho sekpeywa kélyókxoho nak; kóllano ektémakxa seklegeykegkoho! ¡Apkelmomakpek ma'a wokma'ák ahagkok tén han kelán'a étkók, kélnaqleykekxo megkatnahakxa élókxa'!

Lamentaciones 3:42

Nenláneykegkek negko'o mólya'assáxma, nénmexeykekxeyk han, keñe axta exchep mehẽlásekheykekxoho.

Lamentaciones 5:16

Teyekmek kaxwók ma'a eyaqheykencha'a axta egwáxok; ¡negko'o la'aye, nenláneykegko nak mólya'assáxma!

Ezequiel 16:63

Kaxénwakxohok sa' xeye' awáxok mayaqmagkásekxo sa' ko'o ekyókxoho m'a aqsok élane, kamegqáwhok agko' sa' nahan, megkapaqmétek sa' xama enxoho. Ko'o sekxeyenma xa sektáha nak Wesse'.’”

Ezequiel 5:6

Kenmexeykekxeyk eyke segánamakxa ahagkok xa tén han seyánamakxa nak chá'a katnehek, wetamaxcheyk axta nahan ekyeykhágweykmoho agko' ekmaso ektémakxa nepyeseksa m'a énxet'ák tén han ma'a pók aptémakxa nak chá'a énxet apheykha m'a neyáwa', hakte axta kalyeheykekxak ma'a segánamakxa ahagkok, keñe han megkeytlama m'a seyánamakxa axta chá'a katnehek.

Daniel 9:9

Dios egagkok, aptémakxa apagko' eyke exchep apmopyósa henlano', tén han meyaqmagkáseykekxa nentémakxa. Nénmexeykekxeyk negko'o exchep