Daniel 9:26 - Biblia Enxet

²⁶ Yeyk'ak sa' agkok ma'a sesenta y dos semána nak, emátog sa' ma'a apkemha apmonye' appagkanamap nak. Emasséssók sa' Jerusalén tén han tegma appagkanamap ma'a énxet'ák apagkok nak ma'a wesse' apwányam peya nak ewa', kaxwók sa' kawak néxa ekhem, sa' katnehek ma'a ektémól'a yegmen ekyawe, Kawomhok sa' ektemegwánxa néxa ekhem ma'a kempakhakma, tén han kélmassésseyam aqsok ekxénamaxko nak katnehek.

Daniel 9:26 ပူးပေါင်းရင်းမြစ်များ

2 Samuel 21:5

Apkelátegmowágkek axta xa énxet'ák nak: —Énxet apmáheyo nak hegmasséssók apkeláneykekxa nak aptáhakxa yaqwayam hẽlnápok, yaqwayam mólweynchamha makham se'e ekyókxoho nak kañe' Israel,

Salmos 22:15

Yamáyak ahátog, máxa ektémól'a yelpa' ekyamaye; yepetcheykekxeyk ahaxkok epaqpehek. ¡Epekkenmeyk náxop, máxa sétsapma etnéssessók!

Isaías 28:2

Yetneyk xama énxet apyennaqte aptaqmelchessesso m'a Wesse' egegkok, apyennaqte apagko', máxa m'a yegmen élyennaqte ekyennaqtél'a ektéyam, máxa m'a éxchahayam ekyennaqte ekmassesseykmohol'a aqsok, máxa m'a ekmámeye ekyawel'a, máxa m'a yegmen ekyawe ekmasól'a. Apmek sa' etnehek ekxeynták náxop,

Isaías 28:22

¡Kólwátésák sa' kaxwók sélasmésso!, kayágwomhok katnehek élyaqhapma m'a cadenas kélpextete nak; hakte ekleg'ak ko'o apmako emasséssók Wesse' ekha nak apyennaqte ekyókxoho s'e kélókxa nak.

Isaías 53:8

Kélyentameykekxeyk axta aqsa nahan meyke kéllánekxésso ektaqmela amya'a, méko axta nahan xama enxoho yaqwayam kamyók; méko axta nahan ekyetnakhassamo enxoho awáxok yaqwánxa katnehek. Kélmasséssekmek axta apha keso náxop, apmatñegkek axta eñama melya'assáxma m'a énxet'ák ahagkok.

Isaías 8:7

yáhakkasek sa' yegmen ekyawe ekyennaqte ényé wátsam Éufrates ma'a Wesse' egegkok, (wesse' apwányam Asiria m'a yetlo m'a ektémakxa nak apyennaqte). Kallanagkok sa' ekyókxoho m'a yegmen atamnek apagkok nak, kalántépok sa' ma'a neyáwa',

Jeremías 46:7

¿Yaqsa xa ekhémo nak wátsam Nilo, ektémól'a kayákxak yegmen, ektémól'a wátsam yegmen eklo ekyennaqte?

Jeremías 51:42

Chapchek yegmen eñama wátsam ekwányam ma'a Babilonia, chapchek ma'a élyaqyahayam agkok élyawe nak.

Daniel 11:10

“Elánekxak sa' eyke aptamhágkaxa yaqwayam yempakhak ma'a wesse' apwányam apketchek apha nak nexcheyha, yánchásekxak sa' apxámokma sẽlpextétamo. Ektamagkok sa' yetlo sẽlpextétamo apagkok xama m'a, emok sa' ma'a ekpayho nak nepyeyam, emasséssók sa' ekyókxoho aqsok, ektémól'a m'a yegmen ekyawe ekteyapma wátsam; tén sa' ektamagkokxak makham ekweykmoho m'a tegma apyennaqte apagkok nak wesse' apwányam, apha nak nepyeyam.

Daniel 11:17

Elánekxak sa' nahan aptamhágkaxa yaqwayam emok ma'a ekyókxoho xapop nak nepyeyam; elának sa' ekhémo mók apkelpaqhetchásamákpoho m'a wesse' apwányam nak, egkések sa' han apketche kelwána yaqwayam etnehek aptáwa', ekxeyenma eykhe apwáxok emasséssók ma'a aptémakxa nak wesse' apwányam, megkatyepek sa' eyke yaqwánxa etnehek.

Daniel 11:22

Emasséssók sa' chá'a apyókxoho m'a apkenmexeykekxa nak chá'a, yaqhek sa' nahan ma'a apkemha apmonye' nak apkelmaxnéssesso Dios énxet'ák apagkok.

Daniel 11:36

“Elának sa' chá'a ekyókxoho ekxénakxa enxoho chá'a apwáxok elának ma'a wesse' apwányam apha nak nexcheyha. Keyxkohok agko' sa' apwáxok, yának sa' eyeykhágweykmohok ma'a ekyókxoho aqsok kéláyókxa nak chá'a, exénmakha sa' ekmaso agko' yenmexek ma'a Dios apmámnaqsoho nak; katyapok sa' ekyókxoho m'a aqsok apkelane, ekwokmoho aplegassásegkoho m'a Dios; hakte megkatnehek melane Dios ma'a apmakókxa enxoho elána'.

Daniel 9:27

Elának sa' ekhémo mók apkelpaqhetchásamákpoho apxámokma énxet ekweykmoho makham xama semána, emasséssók sa' eyke aqsok ektekyawa náxet semána, tén han ma'a kélmésso naqsa nak chá'a aqsok. Kalanaxchek sa' aqsok ekmaso agko' ma'a ekpayhókxa nak ekyetnamakxa m'a ekwatnamáxchexa aqsok ektekyawa, ekwokmoho eyápekxo kélmassésseyam ekxénamaxko nak katnehek ma'a ektáha nak apkelane xa aqsok ekmaso agko' nak.’”

Oseas 1:9

Keñe axta Wesse' egegkok aptáha apcháneya Oseas se'e: “Etnésses apwesey sakcha'a Lo-amí, hakte háwe ko'o kaxwók kéxegke énxet'ák ahagkok, háwe han ko'o kaxwók Dios kélagkok.”

Amós 8:8

¿Megkayawheykhaya sa' xapop eñama ekyókxoho s'e aqsok nak? ¿Mellekxagwahaya sa' apyókxoho énxet'ák apheykha nak ma'a kañe'? ¡Kamyekxak sa' chá'a néten ma'a xapop, tén sa' kaweywenták chá'a, ektémól'a kamyekxak néten yegmen ma'a Nilo, tén kaweywenták chá'a!

Amós 9:5

Appaknegwokmók xapop ma'a Wesse' egegkok, Dios ekha nak apyennaqte, keñe élpatyapa, apkellekxagweyha nahan apyókxoho énxet'ák apheykha nak ma'a kañe'. Meyákxeyk chá'a néten ma'a xapop, keñe ekweywento nahan chá'a, ektémól'a kamyekxak néten yegmen ma'a Nilo, tén kaweywenták chá'a.

Nahúm 1:8

Máxa yégayam élsól'a ekyókxoho aqsok akke etnéssesek emasséssók ma'a ektáha nak chá'a apkenmexeykekxa; ekyáqtésso exma chá'a yáhakkasek ma'a apkelenmexma nak.