Daniel 9:17 - Biblia Enxet

¹⁷ Dios egagkok, yeyxho sélmaxnagko, tén han sekwóneykha, ko'o sektáha nak xép apkeláneykha; Wesse' egegkok, elano yetlo apchásekhayo ektémakxa nak ekmaso agko' ma'a tegma appagkanamap apagkok, eñama apchásekhayo apwesey.

Daniel 9:17 ပူးပေါင်းရင်းမြစ်များ

1 Reyes 8:28

Dios Wesse' ahagkok, yeyxho sélmaxnagko; yeyxho sekwóneykha sélmaxneya nak xép sakhem.

Nehemías 1:6

éltamhók ko'o yeyxhok sélmaxnagko, sélmaxnéssesso nak chá'a yókxoho ekhem tén han yókxoho axta'a m'a apkeláneykha, cham'a israelitas. Ekya'ásegkók ko'o nenláneykegko mólya'assáxma nápaqtók xép, negko'o nentáha nak israelitas; ¡weykmok han ekheykha nak exagkok éláneyak megkalya'assáxma!

Salmos 119:135

Kataqmalmakha apwáxok hélanok ko'o, sektáha nak apkeláneykha, hélxekmós segánamakxa apagkok.

Salmos 4:6

Apxámok énxet apteme chá'a apkelpeywa s'e: “¿Yaqsa negko'o hegwetaksek ma'a ektaqmalma nak negheykha?” Wesse', ¡henlano negko'o yetlo ektaqmeleykha apwáxok!

Salmos 67:1

Hẽláhapmakha sa' negko'o Wesse' egegkok, hempasmok sa' nahan, kataqmalmakha sa' apwáxok henlano',

Salmos 67:2

yaqwayam sa' elya'ásegwók apyókxoho énxet'ák apheykha nak keso náxop, cham'a apmopmenyého nak, tén han ektémakxa nak segwagkasso teyp.

Salmos 74:3

Etyánegwatámho s'e tegma appalleyam apxámokma apagko' nak; ¡apmassésseykmek ekyókxoho aqsok tegma appagkanamap ma'a nélenmexma nak!

Salmos 80:1

Apkeláneykha nak chá'a Israel, apyentameykha nak chá'a José aptémól'a nepkések, apteme nak wesse' apha néten apyetseksa'ák ma'a apkeláneykha ekha nak apxempenák. ¡Hegeyxho negko'o! ¡Kataqmalmakha apwáxok elanok Efraín,

Salmos 80:19

Oh Wesse', Dios ekha nak apyennaqte, ¡hentemessásekxa makham negko'o m'a ektémakxa axta negheykha nano'! ¡Kataqmalmakha apwáxok henlano', keñe sa' ólwomok teyp!

Salmos 80:3

Oh Dios, ¡hentemessásekxa makham negko'o m'a ektémakxa axta negheykha nano'! ¡Kataqmalmakha apwáxok henlano', keñe sa' ólwomok teyp!

Salmos 80:4

Wesse' Dios ekha nak apyennaqte, ¿háxko ekwánxa katnégwók néxa eklókasso apkelmaxneyéyak ma'a énxet'ák apagkok?

Salmos 80:7

Dios, ekha nak apyennaqte, ¡hentemessásekxa makham negko'o m'a ektémakxa axta negheykha nano'! ¡Kataqmalmakha apwáxok henlano', keñe sa' ólwomok teyp!

Isaías 48:11

Seyásekhamaxchekxoho agko' axta keñamak sekteméssessama xa ektáha nak, hakte megkólwanchek kóltawasha m'a sekwesey. Magwohok sa' ko'o kólmések xama enxoho seyeymáxkoho m'a mók aqsok.

Lamentaciones 3:56

apháxenmok axta nahan sekpeywa, yahamok axta seyátegmowágko sélmaxnagko.

Lamentaciones 5:18

Meteymog ektaháneykekxa mók tamheykekxak ma'a egkexe Sión; cha'a élweynchámeykegkaxa nak kaxwók yammáleg ma'a.

Daniel 9:19

¡Wesse' egegkok! ¡Yeyxho nélmaxnagko, ná eyaqmagkásekxa nentémakxa! ¡Wesse' egegkok, henlano negko'o, hempásegwata'! ¡Epekhaksoho, eñama apmasma apwesey, Dios ahagkok, tén han ma'a tegma apwányam apagkok nak, keñe han ma'a énxet'ák apagkok apwóneykha nak chá'a exchep apwesey!’