Daniel 9:13 - Biblia Enxet

¹³ Egáhapwa'ak negko'o ekyókxoho aqsok ekmaso, ekhawo ektémakxa nak eknaqtáxésamaxche m'a Moisés segánamakxa apagkok; makke agketamsók negko'o exchep, Dios Wesse' egegkok, magyamasmak han ma'a nentémakxa élmasagcha'a, magyetlók han ma'a aptémakxa nak apmámnaqsoho.

Daniel 9:13 ပူးပေါင်းရင်းမြစ်များ

2 Reyes 22:16

sektáha sekpeywa, ko'o sektáha nak Wesse': Wahak sa' ko'o aqsok ekmaso s'e yókxexma nak, tén han nepyeseksa s'e énxet'ák apheykha nak, ekhawo nak ekyókxoho ekxeyenma s'e weykcha'áhak, apkelyetseta exchek ma'a wesse' apwányam nak Judá.

Job 36:13

Apkellamchek apagko' ma'a élmasagcha'a nak apkeltémakxa, metegyaha han ekpasmo m'a apkelmákpo enxoho.

Salmos 119:18

Hexekmós yaqwayam sa' ko'o ótak ma'a aqsok éltaqmela nélxekmowásamáxche apagkok nak.

Salmos 119:27

Hegkés ko'o sekya'áseyak, yaqwayam enxoho eytlók ma'a apchánamakxa nak antéhek, hakte émenyeyk ko'o altámesaxchek ma'a aqsok éltaqmalma apagkok nak.

Salmos 119:73

Xép apagko' axta sélane, tén han apkelane sekyókxa'; ¡hegkés ko'o sekya'áseyak aqsok, yaqwayam sa' héltamek ma'a apkeltémókxa nak xép antéhek!

Salmos 85:4

Dios, Sẽlwagkasso nak teyp, ¡hẽlwagkas makham negko'o teyp, ná elenxanmagkoho sẽltaqnawéyak!

Isaías 31:1

¡Énxet'ák laye, apkelmeyeykekxa nak chá'a Egipto aptegyeykha ekpasmo, apkeláyo nak chá'a m'a ekha nak yátnáxeg apkelchánte, apkeláyo nak chá'a m'a ekxámokma nak yátnáxeg apkelyenyawasso apagkok, tén han apteme nak apkeláyo m'a énxet apxámokma apkelchánte nak yátnáxeg, keñe melenmexeykekxoho m'a aphakxa nak Dios Aptaqmalma nak Israel, melchetamsók ma'a Wesse' egegkok!

Isaías 42:9

Temék ekyókxoho m'a aqsok seklegassama axta katnehek, axnagkok aqsok sa' kaxwók allegaksek; alya'assásegwók sa' ko'o kéxegke amonye' ekwe xa.”

Isaías 43:22

“Keñe exchep Israel, mehewóneykha chá'a, lekleykmek aqsa chá'a sétleykha exchep, Jacob.

Isaías 64:6

Neghémók negko'o negyókxoho m'a énxet ekmanyásal'a apyempe'ék, máxa apáwa aphápak apmanyásal'a m'a ekyókxoho aqsok éltaqmalma nak chá'a nenlánéyak; nempalleykmek negko'o negyókxoho, ektémól'a m'a yámet áwa' élyamayél'a, máxa éxchahayam entemék sẽlchampassama m'a nentémakxa élmasagcha'a agko' nak.

Isaías 64:7

Méko eyke ekwóneykencha'a exchep, méko nahan ekwasqápeykekxoho enxoho yaqwayam keypetchegwakxak; cháxa keñamak senxegánegkessama nak negko'o exchep tén han segkexakhama eñama m'a nentémakxa élmasagcha'a.

Isaías 9:13

Makke elye'eykekták Dios ma'a énxet'ák, ektáha axta apkellegassáseykegkoho; melchetamsók ma'a Wesse' ekha nak apyennaqte.

Jeremías 2:30

Chaqhémok ko'o séllegassáseykegkoho m'a kélketchek nak kéxegke, mopmenyék elya'ásegwók ma'a séltémókxa nak etnahagkok. Kélhawók kéxegke m'a, yámakméwa éllo, kélnápeykekxeyk ma'a énxet'ák kélagkok apkellegasso nak sekpeywa.

Jeremías 30:14

Massegkek nahan élxeyenma apkelwáxok kéxegke m'a apyókxoho kélásekhayókxa nak; massegkek élyetnakhassamo apkelwáxok kéxegke. Élyensassegkek axta ko'o kéxegke, máxa axta ektemék ma'a apteméssessamól'a elyensaksek ma'a kélenmexma, éllegassáseykegkok axta ekyentaxno agko' eñama ekxámokma kéltémakxa ekmaso, tén han ekxámokma agko' ma'a megkólya'assáxma.

Jeremías 31:18

Ekleg'ak ko'o Efraín énxet'ák apagkok aptáha apkelpaqméteyncha'a apkellekxagweyncha'a yetlo élyentaxnamo apkelwáxok se'e: ‘Negko'o axta nenteme neghémo weyke yágkelwána meyke kéltámésso, ẽltámeseykegkek eyke negko'o exchep; yána agyo'ókxak makham negko'o exchep, hakte xép apteme Wesse', Dios egagkok.

Jeremías 44:23

Cháxa ekmaso kélheykha kélweteya nak kaxwók kéxegke eyáhapwaya, cha'a keñamak kélmésso aqsok ánek ekmátsa nak ekpaqneyam éten agkok ma'a mók aqsok kéláyókxa nak, kélláneykegkek megkólya'assáxma nápaqtók Wesse' egegkok, hakte megkólyaheykekxohok ma'a appeywa, tén han ma'a segánamakxa apagkok, megkólláneykegkok han ma'a apchánamakxa nak kóltéhek.

Jeremías 44:27

Hakte alanha sa' ko'o, yaqwayam wahak ma'a aqsok ekmaso, háwe m'a aqsok ektaqmela nak. Apyókxoho énxet'ák Judá apheykha nak Egipto, kólmasséssók sa' apyókxoho eñama kempakhakma tén han meyk.

Jeremías 5:3

Wesse', wánxa exchep aptegyeykencha'a chá'a m'a énxet apteméssesso nak chá'a ekmámnaqsoho appeywa. Apkellegassáseykegkók axta exchep; axta eyke ellegeykegkok; apmassésseykmek axta eykhe, axta eyke kalyaqwámeykegkok elya'ásegwók. Kalyéha'ak agko' apkelwáxok, yeykhágweykmók ma'a ekweykenxal'a ekyennaqte meteymog, axta emáheyók elyaqmagkasek apkelwáxok.

Lamentaciones 5:21

¡Wesse', yána agyo'ókxak makham xép, keñe sa' agyo'ókxa'! ¡Yána katnekxak makham nélweynchámeykha ektémakxa axta nano'!

Ezequiel 16:43

Kelwagqeykmek xeye' m'a ektémakxa étkok axta, tén han selókassama axta ko'o ekyókxoho m'a ektémakxa ekmaso tén han ekmanyása; añássesagkohok sa' ko'o exche' eñama xa ektémakxa nak. Ko'o sekxeyenma xa, sektáha nak Wesse'.

Daniel 9:11

Apyókxoho énxet'ák Israel melyaheykekxak ma'a nélxekmowásamáxche apagkok, memáheyók elyahakxohok ma'a apkeltémókxa etnahagkok; cháxa keñamak segáhapwa'a nak negko'o m'a aqsok ekmaso, ekyetnama nak eknaqtáxésamaxche m'a Moisés segánamakxa apagkok, apkeláneykha axta exchep, hakte nenláneykegkek negko'o mólya'assáxma nénmexeykekxo exchep.

Oseas 7:10

Apcheymákpoho keñamak Israel eksexnáneya. Neyseksa eykhe ekteme xa ekyókxoho aqsok nak, melye'eykekxak ma'a Dios Wesse' apagkok, melchetamsók nahan.

Oseas 7:14

Elpáxamha eykhe chá'a ekyennaqte neyseksa aphéyak néten apkelyetnamakxa', háwe eyke ekmámnaqsoho chá'a sewóneykha. Elyensasha chá'a apyempe'ék sélmaxneya enxoho chá'a hótáhap tén han vino, ¡énmexeykekxeyk ko'o m'a!

Oseas 7:7

Apkeláléwomchek ma'a, máxa m'a táxa axagkok la'a, apkelwatnegkek ma'a apkelwesse'e apagkok nak. Apsawhomákpók aptekyóma m'a apkelwesse'e apkelwányam apagkok, méko m'a xama enxoho sewóneykha yaqwayam yának apasmok.

Deuteronomio 29:4

Weykmók eyke makham megkésso Wesse' egegkok kélya'áseyak se'e negwánxa nak, meltémók makham kólya'ásegwók ektémakxa ekyókxoho xa aqsok nak.