Daniel 9:12 - Biblia Enxet

¹² Apkeláneyak xeyep ma'a apxeyenmakxa axta henteméssesek, segaphássesa m'a néllegeykegkoho ekmaso agko', ekweykekxoho m'a senláneykha nak chá'a negko'o; hakte axta kótémaxchek chá'a katnehek xama enxoho ekhawo ektémakxa axta kéllegassásegkoho eyáhapwe m'a Jerusalén.

Daniel 9:12 ပူးပေါင်းရင်းမြစ်များ

1 Reyes 3:9

Hegkés ko'o ekya'áseykegkoho ewáxok yaqwayam alanha m'a énxet'ák apagkok, yaqwayam enxoho eykpelkohok ma'a ektaqmela tén han ma'a ekmaso nak; ¡hakte méko awanchek kaltaqmelchesek se'e énxet'ák apagkok apxámokma nak!”

2 Reyes 22:16

sektáha sekpeywa, ko'o sektáha nak Wesse': Wahak sa' ko'o aqsok ekmaso s'e yókxexma nak, tén han nepyeseksa s'e énxet'ák apheykha nak, ekhawo nak ekyókxoho ekxeyenma s'e weykcha'áhak, apkelyetseta exchek ma'a wesse' apwányam nak Judá.

Job 12:17

Emassésseshok nahan chá'a apkelya'áseykegkoho aqsok ma'a apmopwancha'a nak aqsok, élyeyháxma chá'a etnéssesek ma'a énxet'ák segyekpelchémo.

Salmos 148:11

¡Kelwesse'e apkelwányam nak nélwanmeygkaxa, tén han apyókxoho énxet'ák! ¡Apyókxoho apkelámha apmonye'e, tén han apkeltaqmelchesso nak chá'a apkelókxa keso náxop!

Salmos 2:10

Kelwesse'e apkelwányam, tén han apkelámha apmonye'e nak keso náxop, kóltaqmelchesho kélháxenmo s'e, ¡kalestegák se'e, kóláwho han!

Proverbios 8:16

Ko'o chá'a sektemessáseyak apkelámha apmonye'e m'a apkelwesse'e nak, ko'o han keñamak sekteméssesso chá'a apxeyenma yaqwánxa kólteméssesek énxet.

Isaías 43:28

aptawáseykha axta tegma appagkanamap ahagkok ma'a kelwesse'e apagkok axta exchep; axta keñamak seyhayo ko'o kélmassésseykmo m'a Israel, cham'a Jacob, eyhayók axta kélxéneykencha'a ekmaso.

Isaías 44:26

Wánhok eyke chá'a ko'o katyapok aptáhakxa enxoho apkelpeywa m'a séláneykha nak, wánhok nahan kataqmelek chá'a ekteyapma aqsok apmáheyo elanagkok ma'a sélápháseykha nak chá'a. Ekxénchek ko'o peya exnekxak makham énxet ma'a Jerusalén tén han peya kóllánekxak makham ma'a tegma apkelyawe nak Judá. Wának sa' ko'o kólnaqxétekhasagkokxak makham ma'a appalleyam nak.

Jeremías 30:7

¡Chágketwa'ak ekhem ekmaso, xama ekhem megkaxnémo nak ma'a mók ekhem nak! Katnehek sa' ekhem éllegeykegkaxa apkelwáxok ma'a Jacob énxet'ák apagkok, alwagkasek sa' eyke ko'o teyp.

Jeremías 32:23

Xama axta apkelántaxnama m'a apchókxa nak, apmoma aptéma apagkok, axta elyeheykekxohok xép, axta nahan elyetlókassók ma'a nélxekmowásamáxche apmésso axta exchep, axta han eláneykegkok ma'a apkeltémókxa axta chá'a elanagkok xép. Axta keñamak apcháphássessama exchep ekyókxoho s'e nenlegeykegkoho nak.

Jeremías 39:16

“Exeg, etne sa' yának Ébed-mélec etiope s'e: ‘Aptáhak Wesse' ekha apyennaqte, Dios apagkok nak Israel: Alának sa' ko'o séltennassama axta s'e tegma apwányam nak, yaqwayam kasók apheykha, háwe yaqwayam kataqmelek apheykha. Temék sa' agkok xa, etagkohok sa' xép.

Jeremías 44:23

Cháxa ekmaso kélheykha kélweteya nak kaxwók kéxegke eyáhapwaya, cha'a keñamak kélmésso aqsok ánek ekmátsa nak ekpaqneyam éten agkok ma'a mók aqsok kéláyókxa nak, kélláneykegkek megkólya'assáxma nápaqtók Wesse' egegkok, hakte megkólyaheykekxohok ma'a appeywa, tén han ma'a segánamakxa apagkok, megkólláneykegkok han ma'a apchánamakxa nak kóltéhek.

Lamentaciones 1:12

¡Kéxegke ektáha nak kélxega ámay, kólchaqnágwom sekxo', kalchetam kélwáxok yetneyk agkok kéllegeykegkoho ekhawo nak ko'o, señassáseykegkoho agko' nak! ¡Wesse' egegkok seyhe ko'o xa ektémakxa nak ekyentaxno ewáxok eñama setaqnagko!

Lamentaciones 2:13

¿Yaqsa ko'o ewanchek axnésho essenhan eytchásekxohok xeye' Jerusalén ektaqmalma? ¿Yaqsa ewanchek eytchásekxohok yaqwayam ataqmelchessásekxak awáxok xeye' Sión ektaqmalma meyke nak kélteméssesseykmoho exma'? Awanhók agko' ektémakxa kélmassésseyam, máxa m'a wátsam ekwányam; ¿yaqsa awanchek kataqmelchessók?

Lamentaciones 2:17

Appenchessek apkelane Wesse' egegkok ma'a aqsok apxeyenma axta elána'. Apmasséssekmek meyke apmopyósa apkelányo m'a nanók apxeyenma axta emasséssók, apchahayók yesmaksek ma'a élenmexma nak, apkelyennaqtéssek ma'a élenmexma nak.

Lamentaciones 4:6

Awanhók agko' apkeltémakxa ekmaso m'a énxet'ák apheykha nak tegma apwányam ahagkok, megkaxnawok ma'a ektémakxa axta melya'assáxma m'a apheykha nak Sodoma, kélmassésseykmo axta ekmanyehe agko', meyke xama enxoho kélchetámeyak.

Ezequiel 13:6

Háwe naqsók ma'a apkelxeyenma nak chá'a apkelwete aqsok, wanchek amya'a m'a apkelxeyenma nak chá'a yaqwánxa katnehek egmonye'. Apkelxeyenmeyk chá'a apkellegassama sekpeywa, háwe eyke ko'o séláphasso. ¡Apkelhaxanmeyk eykhe chá'a katnehek ma'a aptémakxa nak chá'a apkelpeywa!

Ezequiel 5:9

cham'a maláneya axta m'a nanók axta, malánekxók sa' nahan chá'a. Asagkók agkók ekyókxoho m'a aqsok élane.

Daniel 12:1

“Ewaták sa' Miguel, apteme nak Dios apchásenneykha apyennaqte, apkelmasma nak xép énxet'ák apagkok. “Yentexek sa' katnehek xa ekhem nak, megkótémaxko axta katnehek ma'a sekxók axta eyeynamókxa ekteyapma m'a apheykegkaxa énxet. Wokmek sa' agkok xa ekhem nak, elwagkasakpok sa' teyp apyókxoho énxet'ák apagkok eknaqtáxésamaxche nak apkelwesey weykcha'áhak.

Joel 2:2

ekhem ekyáqtésso exma tén han ekho axta'a, yaphope ekyentaxno ekho pessesse. Apsawhawók sẽlpextétamo apkelyennaqte, tén han apxámokma m'a néten egkexe nak, máxa aptáhak ma'a ektémól'a ekyetcheyam la'a amonye' élseye. Megkótémaxchek chá'a katnehek nanók axta xa ektéma nak, megkólwetekxók sa' nahan chá'a katnekxa'.

Amós 3:2

“Kéxegke axta kélwánxa kélagkok sélyéseykencha'a ko'o nepyeseksa m'a apyókxoho énxet'ák nak keso náxop. Cháxa keñamak peya nak ko'o ayaqmagkásekxak ma'a ekyókxoho aqsok élmasagcha'a nak kélláneyák.”

Zacarías 1:6

Cham'a sekpeywa tén han seyánamakxa axta chá'a etnahagkok, séltémo axta ko'o eltennasagkok ma'a séláneykha apkellegasso axta sekpeywa, apwagkassegkek axta apheykegkaxa m'a kélyapmeyk nano' axta kéxegke. Tén axta sey'eykekto ko'o m'a, apkelya'ásegweykmo m'a sekteméssessamakxa axta chá'a ko'o sektáha nak Wesse' ekha sekyennaqte eñama m'a apkeltémakxa tén han aqsok ekmaso apkeláneyak.’”

Zacarías 1:8

Xama axta'a axta ko'o sekwet'a s'e aqsok sélxekmósso nak: Ekwet'ak axta xama énxet apchánte yátnáxeg apyexwase. Apkenmáha axta neyseksa yámet élmope exnók arrayán, ekyapwátegweykenxa nak xapop, keñe axta nahan ma'a neptámen nak apkelyagqa yátnáxeg, apkelyexwase axta nahan ma'a, tén han yáma apkelpésyam tén han apkelmope.

Zacarías 7:12

Apkelyennaqtéssek axta apkelwáxok ektémól'a meteymog ekyennaqte agko' la'a, yaqwayam enxoho megyeyxók ma'a kélxekmósso tén han nélánémaxchexa antéhek apkeltennasso axta Wesse' ekha nak apyennaqte m'a espíritu apagkok, apchásenneykekxo axta eñeksek ma'a nanók apkellegasso axta Dios appeywa. Axta keñamak aplama apagko' ma'a Wesse' egegkok.