Daniel 8:27 - Biblia Enxet

²⁷ “Ko'o Daniel, eklegágkok axta ekmassa sekyennaqte, yáma wenaqtémók axta han sekháxamáxche'. Tén axta sekhákxo néten sekmákxo makham sektamheykha axta segkésso m'a wesse' apwányam. Temessáseyha agko' axta eyke ko'o ewáxok ma'a aqsok sekwete, hakte axta ay'ásegwokmok.

Daniel 8:27 ပူးပေါင်းရင်းမြစ်များ

Daniel 10:16

Tén axta appaknegwa'awo ahátog aphémo énxet. Axta ektáhak seyáneya m'a apkenmeykha axta emonye': ‘Wesse', eñassásegkók ko'o m'a aqsok sekwete nak, meyke sekyennaqte etnessásak.

Daniel 10:8

Exakkók axta ko'o ektamhákxak sekwet'a xa aqsok sélxekmósso magweteya nak. Mopeykxók agko' axta nahát, ekyekpelcheyk axta han ekmassa sekyennaqte.

Daniel 4:19

“Keñe axta Daniel, kéltéma nak han Beltsasar, apwanmeya sekxo', ekyegwakkasa m'a ektáhakxa axta apwáxok. Ektáhak axta ko'o seyáneya, sektáha nak wesse' apwányam: ‘Beltsasar, nágkatnéssesha aqsa apwáxok sekwanmagko, sekwete exchek ko'o, keñe han yaqwayam nak héltennaksek.’ Aptáhak axta Beltsasar apchátegmowágkokxo: ‘¡Hay, wesse' apwányam, kalpehewakxoho annal'a apkelenmexma xa ektáhakxa nak apwanmagko!

Daniel 5:14

Eklegayak ko'o exchep apha apwáxok Dios espíritu apagkok, tén han ektaqmalma apyekpelchémo, keñe han apmopwána aqsok, tén han apyekpelchémo aqsok.

Daniel 7:28

“Cháxa néxa ekxénamaxche'. Tamháha agko' axta ko'o ewáxok, ko'o Daniel, mopékxeyk axta nahát sekyegwakto; axta eyke altennásak xama énxet enxoho xa aqsok nak.”

Daniel 8:17

“Keñe axta sey'awa ko'o m'a. Égwakkassek axta, ekháxahánteyk axta ekwokmoho sektekxeya ekpayhakxa nahát xapop, aptáhak axta seyáneya s'e: ‘Énxet, ey'asagkoho sa' se'e aqsok apwete nak, ekteme m'a ektemegwánxa sa' néxa ekhem.’

Daniel 8:2

Neyseksa sekwete axta xa aqsok nak, máxa axta entáhak sekha enxoho m'a tegma apwányam Susa, yókxexma nak Elam, neyáwa nak wátsam Ulai.

Daniel 8:7

apkelekkexchásawók axta ánet apkepet'ák, axta énnák peya yenmexekxak ma'a nepkések apkennawo nak. Tén axta yát'ay apkennawók apyaqnegkesa náxop ma'a nepkések apkennawo', apkelteyammeyha axta, méko axta yaqwayam enxoho kawagkasek teyp.

Habacuc 3:16

Xama axta ko'o sekleg'a xa, eyekak axta. Kelpexyennamágkok axta sekpeywa, kelyelqáxchek axta exchakkok, massék axta ekyenna ekyókxoho émpehek. Aleyxek sa' eyke aqsa ko'o meyke sekpekhésamaxche m'a ekhem yaqwánxa sa' ellegássesagkohok Dios ma'a sẽlpextétamo sennaqtawáseykegkoho nak.

1 Samuel 3:15

Tén axta Samuel apyetnákxo makham ekwokmoho élsaka, natámen xa, yetlókok axta han apkelmeykáseyak atña'ák nak Wesse' egegkok tegma appagkanamap apagkok. Apkekak axta han Samuel eltennasha Elí m'a aqsok kélxekmósso,