Daniel 7:9 - Biblia Enxet

⁹ “Axta alwáteyásak ko'o sélányo ekwokmoho kélnegkenágko taháno éltaqmalma apha'akteyk axta han énxet Apkemha Apmonye' ekyawe kéláyo, apkelmope axta apkelnaqta ektémól'a yeyam appok, máxa axta nepkések apwa' ekmópeyól'a m'a apwa' nak. Máxa axta táxa eyáléwe m'a aptaháno ekweykekxoho m'a amagkok nak,

Daniel 7:9 ပူးပေါင်းရင်းမြစ်များ

1 Reyes 22:19

Aptáhak axta Micaías: —Yeyxho sa' aptáhakxa appeywa Wesse' egegkok: Ekwet'ak xeyk Wesse' egegkok apha m'a néten aptaháno eyeymáxkoho, keñe han apchaqnáncha'a apyókxoho apkelásenneykha m'a nápakha, ekpayho nak apkelya'assamakxa', tén han ma'a ekpayho nak nepsagqalwa.

2 Crónicas 18:18

Aptáhak axta Micaías: —Kóleyxho sa' aptáhakxa appeywa Wesse' egegkok: Ekwet'ak xeyk Wesse' egegkok apha m'a néten aptaháno eyeymáxkoho, keñe han apchaqnáncha'a apyókxoho apkelásenneykha m'a nápakha, ekpayho nak apkelya'assamakxa', tén han ma'a ekpayho nak nepsagqalwa.

Salmos 45:8

Apkelpaqneykmók apkelnaqta m'a aqsok ánek ekmátsa nak ekpaqneyam, tén han áloe, tén han canela; kélpeykessáseykekxeyk apwáxok kélpáwássessama yát'axpog ma'a apxagkok apkelyawe nak, kélnáxegkáseykha nak yánnapóxeg apma'ák.

Salmos 90:2

Xép apteme Dios eyeynamo m'a nanók agko' axta, meláneykxa axta makham ma'a egkexe, tén han xapop, tén han keso nélwanmeygkaxa, etnehek sa' eyke chá'a Dios meyke néxa.

Salmos 93:2

Wesse', nanók agko' xép apteme wesse' apwányam, eyeynamo m'a sekxók axta, ¡Memassegwomek xép!

Isaías 6:1

Ekwet'ak axta ko'o Wesse' egegkok apha néten taháno ekyawe ektaqmalma netnók agko' ma'a apyeyam apketsapa axta m'a wesse' apwányam Ozías; apsawhékxók axta nahan napwe'ék apchaqlamap ma'a kañe' tegma appagkanamap.

Isaías 9:6

Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.

Jeremías 49:38

Apekkenwók sa' ko'o sektaháno m'a Elam yaqwayam sa' atnehek séláneykha, alnáhakkasek sa' ma'a kelwesse'e apkelwányam apagkok, tén han ma'a apkelámha apmonye'e apagkok. Ko'o sekxeyenma xa, sektáha nak Wesse'.

Ezequiel 1:26

Ekwet'ak axta nahan ekho taháno ekyawe ektaqmalma m'a néten nak aqsok élyaqye élyenma, hawók axta m'a meteymog élpaxqamáxchel'a élyápaqmate élyenma ektáxama, keñe axta m'a néten nak ekho taháno ekyawe sekwet'a apha xama aphémo énxet.

Daniel 7:13

“Éláneyha axta aqsa ko'o axta'a xa aqsok sélxekmósso nak: “Ekwet'ak axta apxegakmo neyseksa yaphope xama aphémo énxet, apmahágko m'a aphakxa axta Apkemha Apmonye' ekha kéláyo; kélya'ágkassek axta m'a aphakxa.

Daniel 7:22

ekwokmoho apwa'a m'a Apkemha Apmonye' ekha kéláyo aptaqmelchessásekxo apheykha m'a Dios meyke nak ekhémo énxet'ák apagkok, hakte wokmek axta ekhem kélpekkenchessamakxa yaqwayam etnahagkok apagkok aptamheykegkaxa nak kelwesse'e apkelwányam ma'a Dios énxet'ák apagkok.

Miqueas 5:2

Keñe exchep, Belén Efrata, apteme nak ketchetsek nepyeseksa m'a Judá apnámakkok, xép sa' yenyék etyapok xama wesse' apwányam apagkok Israel, aptáwen neptámen nak ma'a nanók énxet.”

Habacuc 1:12

Wesse' egegkok, aphegkek xép meyke néxa', Dios ahagkok appagkanamap, apteme nak megyetsapma. Wesse', apteme nak semasma, apméssegkek xép apkelyennaqte caldeos, yaqwayam enxoho ellegássesagkohok énxet'ák eñama apkeltémo exchep.