Daniel 7:6 - Biblia Enxet

⁶ “Keñe axta m'a ektáhakxa ántánxo, ekhawo m'a yám neptána, cuatro axta eyke axempenák ma'a akpok nak; ekwet'ak axta han ekyetna cuatro apqatkok, xakak axta han ekmowána éláneykha aqsok.

Daniel 7:6 ပူးပေါင်းရင်းမြစ်များ

Ezequiel 17:3

Etne sa' elának se'e: “Keso aptáhakxa exchek appeywa Wesse' egegkok se'e: Wa'ak xama náta ekyawe agko' ma'a Líbano; élwányam ma'a axempenák, ahóxekche'ék agko' nahan, sawheykekxók nahan ektáxama éltaqmalma m'a axempenák nak. Kelmeyk naw'ék ma'a yámet cedro,

Daniel 10:20

Keñe axta aptáha seyáneya s'e: ‘¿Apya'ásegkoya ektáhakxa sekya'awa exchep? Alnapaxchekxak sa' ko'o makham ma'a aqsok éláneykha nak apchókxa Persia. Ekpenchessek sa' agkok sélnápomáxche m'a, keñe sa' kawak han aqsok éláneykha nak apchókxa Grecia.

Daniel 2:39

Etyepekxak sa' makham pók wesse' apwányam neptámen xép wesse', mexók sa' eyke exchep, keñe sa' etépekxak makham pók wesse' apwányam aptáhakxa nak apqántánxo, aphémo sawo ekyexwase sa' etnehek, esawhekxohok sa' apkeláneykha ekyókxoho keso náxop.

Daniel 7:4

Máxa axta yámakméwa m'a émha amonye' nak, axempenák axta eyke eghak, máxa axta m'a náta ekyawel'a. Kélhexyawássessek axta han axempenák neyseksa sélányo ko'o, kélchampásekxeyk axta néten, kélteyágkassek axta xapop ma'a ataqla amagkok, kélchenegkáseyha axta ektémól'a énxet, kélméssek axta ekya'áséyak ektémól'a énxet.

Daniel 7:5

“Keñe m'a ektétéyak nak, ekhawo m'a óso, yáma énmeykha axta táhak, ántánxo aqsok akhák axta han éltakxeykha; ekleg'ak axta han ektáha eyáneyáxko s'e: ‘¡Katnemekxa néten, kataw ápetek ekwánxa enxoho ekleklakmo!’

Oseas 13:7

Cháxa keñamak peya nak ko'o atnehek ma'a ektémól'a méwa tén neptána apyexánegkessól'a nekha ámay yaqwayam ethánek.