Daniel 7:4 - Biblia Enxet

⁴ Máxa axta yámakméwa m'a émha amonye' nak, axempenák axta eyke eghak, máxa axta m'a náta ekyawel'a. Kélhexyawássessek axta han axempenák neyseksa sélányo ko'o, kélchampásekxeyk axta néten, kélteyágkassek axta xapop ma'a ataqla amagkok, kélchenegkáseyha axta ektémól'a énxet, kélméssek axta ekya'áséyak ektémól'a énxet.

Daniel 7:4 ပူးပေါင်းရင်းမြစ်များ

2 Samuel 1:23

“Apkelásekhamakpók axta han xa apqánet nak Saúl tén han Jonatán, mekxeykpók axta chá'a, ekwokmoho apkeletsapa. ¡Apmelyeyha'ak axta yenyahagkok, apyeykhásseykmók axta m'a náta ekyawe nak! ¡Apmelyeyha'ak axta, apyeykhásseykmók axta yámakméwa!

Job 25:6

¡ekyágwánxa agkok ma'a énxet aphémo nak askok!

Salmos 9:20

Wesse', elyegwakkas xép, ¡yána elya'asagkohok aptamhéyak aqsa énxet!

Jeremías 25:38

Máxa aptáhak aptepa m'a yámakméwa ekteyapmal'a axagkok, meyke xama aqsok tamhákxak ma'a apkelókxa nak, hakte aplókók apagko' ma'a Wesse' egegkok, apcha'ak kempakhakma ekmaso agko'.

Jeremías 4:13

Kóllano, máxa yaphope élxegayam aptamhágkok apkelxegakmo m'a kélenmexma, máxa éxchahayam ekyennaqte agko' la'a m'a yátnáxeg apkelyenyawasso apagkok apkenchesso nak kempakhakma, apmelyeyha'awók apagko' han apkenyehéyak ma'a yátnáxeg apkelchánte, apyeykhásseykmok ma'a ekweykenxal'a ekyennaqte émpé m'a náta élyawe. ¡Negko'o laye, peyk agmassegwók!

Jeremías 4:7

Tekkek yámakméwa m'a ekyáqtamakxa nak, xegakmek ma'a ekmassésseykmoho nak pók aptémakxa énxet'ák; tekkek ma'a eyókxa nak, peyk kamasséssak kélókxa, yaqwayam kamasséssessók ma'a apchókxa tén han katnéssásekxak yókxexma meykexa énxet, tén han nápakha'a apketkók ma'a tegma apkelyawe kélagkok nak.

Jeremías 48:40

Aptáhak Wesse' egegkok se'e: “Apketámegkek apkenmexma Moab, ektémól'a náta ekyawe élpeykessól'a axempenák kaktamagkok ekyógkexma.

Jeremías 49:19

Katlakkasek sa' ko'o axegma', ektémól'a yámakméwa katyapok ma'a naxma ekyentaxno neyáwa Jordán, ekmahéyak la'a chá'a m'a yókxexma ekhakxa nak pa'at axnagcha'ák, sa' ko'o amenxenek énxet'ák Edom ma'a, wának sa' ko'o etnehek apkeláneykha apchókxa m'a énxet sélyéseykha nak ko'o. Hakte ¿yaqsa awanchek ko'o hexnésaxkoho'? ¿Yaqsa awanchek ko'o hélyekkónaxche'? ¿Yaqsa keláneykha nepkések apwanchek hénmexekxak ko'o?

Lamentaciones 4:19

Apmelyeyhawók apagko' apkenyehéyak ma'a segmenxenma nak, apkelyeykhásseykmók ma'a náta élyawél'a; egmenxeneykha m'a neyseksa egkexe nak, ¡egnegkencháseykegkek kelhanma m'a meykexa nak énxet!

Ezequiel 17:3

Etne sa' elának se'e: “Keso aptáhakxa exchek appeywa Wesse' egegkok se'e: Wa'ak xama náta ekyawe agko' ma'a Líbano; élwányam ma'a axempenák, ahóxekche'ék agko' nahan, sawheykekxók nahan ektáxama éltaqmalma m'a axempenák nak. Kelmeyk naw'ék ma'a yámet cedro,

Ezequiel 28:2

“Xép énxet, etne sa' yának wesse' apwányam Tiro s'e: “Keso aptáhakxa exchek appeywa Wesse' egegkok se'e: Awanhók agko' xép eyeymáxkoho apwáxok, apkenagkamchek xép etneyk xama aqsok kéláyókxa ekha ekmowána aphama chá'a m'a néten taháno ekyawe ektaqmalma ekheykegkaxa nak ma'a aqsok kéláyókxa, tén han ekwakhaya m'a wátsam ekwányam. Háwe exchep xama aqsok kéláyókxa ekha nak ekmowána, énxet xeyep apkenagkama chá'a kaxnémók apya'áseyak aqsok ma'a xama aqsok kéláyókxa.

Ezequiel 28:9

¿Melwátéssemeya sa' apkeltemessásamap aphémo xama aqsok kéláyókxa ekha nak ekmowána, apkenmeyncha'a sa' apmonye'e m'a apmáheyo nak yaqhek? ¡Énxet apagko' sa' etnehek ma'a yaqwayam nak yaqhek, cham'a apma nak xép!

Daniel 2:38

keñe han apkeláneykha ekyókxoho yókxexma apheykegkaxa nak énxet'ák, aqsok nawha'ák tén han náta; cha'a apmésso ekyókxoho aqsok yaqwayam elanha wesse', apyetchesamakpoho nak ma'a kéleykmássesso apqátek sawo ekyátekto ekmomnáwa nak.

Daniel 4:36

“Yetlókok axta sekya'ásegwayam exma, tén han sekxaweykekxa seyeymáxkoho sektémakxa nak wesse' apwányam, keñe han ekha séláyo, tén han sekteme wesse'. Élya'aweykteyk axta m'a sepaqhetcháseykha axta chá'a, tén han séláneykha ekyawe axta chá'a kéláyo, ektamhákxeyk axta ko'o makham sémha emonye' m'a seyókxa nak, ekxawákxeyk axta makham sekteme wesse' apwányam ma'a sektémakxa nak wesse', ekyawe agko' séláyo axta eyke táhak, megkaxnémo axta m'a nanók axta.

Daniel 7:12

Kélyementamákxeyk axta han élmowancha'a m'a mók aqsok nawha'ák éllo nak, axta eyke kólnápeykxa', ekwokmoho m'a ekhem kélpekkenchessamakxa axta.

Daniel 7:5

“Keñe m'a ektétéyak nak, ekhawo m'a óso, yáma énmeykha axta táhak, ántánxo aqsok akhák axta han éltakxeykha; ekleg'ak axta han ektáha eyáneyáxko s'e: ‘¡Katnemekxa néten, kataw ápetek ekwánxa enxoho ekleklakmo!’

Deuteronomio 28:49

Ektágkásegmak sa' kéxegke Wesse' egegkok ma'a énxet'ák apkeleñama nak apchókxa makhawók agko' keso náxop, cham'a énxet'ák megkólmowána nak kéxegke m'a apkelpeywa. Máxa sa' etnahagkok ma'a ektémól'a náta meyke ahekhek ekyennaqtél'a kampa';