Daniel 7:18 - Biblia Enxet

¹⁸ Keñe sa' kólmeyásekxak Dios meyke ekhémo énxet'ák apagkok ma'a aptamheykegkaxa nak chá'a kelwesse'e apkelwányam, etnahagkok sa' chá'a apagkok meyke néxa'.’

Daniel 7:18 ပူးပေါင်းရင်းမြစ်များ

Salmos 45:16

Oh wesse' apwányam, etnahagkok sa' chá'a kelwesse'e apkelwányam ma'a apketchek, apkelyaqmagkasso m'a apyapmeyk nano', etnéssesagkok sa' apkeláneykha ekyókxoho apkelókxa'.

Salmos 49:14

Nétsapma chá'a éláneykha xa énxet'ák nak, eknaqleykekxa chá'a m'a takhaxpop nak, máxa aptamheykegkok ma'a nepkések yaqwayam la'a etekyók. Kelsakak sa' agkok, elmallánek sa' ma'a éltaqmalma nak apkeltémakxa, keñe sa' ma'a élmasagcha'a nak apkeltémakxa, kamaskok sa' apkelyennaqte, takhaxpop sa' etnehek apxanák.

Isaías 14:2

Elmok sa' takha' apxámokma apagko' pók aptémakxa énxet'ák ma'a israelitas, elyetlakxak sa' ekweykekxoho m'a apkelókxa, elmok sa' nahan yaqwayam etnéssesagkok apkelásenneykha naqsa m'a israelitas, cham'a Wesse' egegkok nak kañe' xapop apagkok. Elmok sa' israelitas ma'a ektáha axta chá'a apkelma, kóneg sa' etnessásekxak ma'a ektáha axta chá'a apnaqtawáseykegkoho.

Daniel 7:14

Kélméssek axta apmopwána, apcheymákpoho tén han aptémakxa wesse' apwányam. Apyókxoho énxet'ák apheykha nak ekyókxoho apkelókxa tén han mók ektémakxa nak chá'a apkelpeywa axta aptamhágkok chá'a apkeltamhókxa axta etnahagkok. Megkamassegwomek sa' ma'a ektémakxa nak apmopwána, megkólmasséssemek han ma'a aptémakxa nak wesse' apwányam.

Daniel 7:17

‘Cháxa cuatro aqsok nawha'ák éllo nak, ekteme cuatro apkelwesse'e peya sa' etnehek apkeláneykha ekyókxoho nélwanmeygkaxa'.

Daniel 7:22

ekwokmoho apwa'a m'a Apkemha Apmonye' ekha kéláyo aptaqmelchessásekxo apheykha m'a Dios meyke nak ekhémo énxet'ák apagkok, hakte wokmek axta ekhem kélpekkenchessamakxa yaqwayam etnahagkok apagkok aptamheykegkaxa nak kelwesse'e apkelwányam ma'a Dios énxet'ák apagkok.

Daniel 7:25

Kanmexmakha sa' appeywa m'a Dios meyke nak ekhémo enaqtawássesagkohok sa' ma'a énxet'ák apagkok; emáwhok sa' eyaqmagkasek mók ma'a Dios segánamakxa apagkok, tén han ma'a kélessawássessamókxa nak chá'a ekhem apagkok, elmok sa' ma'a Dios énxet'ák apagkok ekweykmoho apqántánxo apyeyam nepxet pók.

Daniel 7:27

Kólmeyásekxak sa' Dios meyke nak ekhémo énxet'ák apagkok ma'a aptémakxa nak wesse' apwányam, ekha apmopwána ekha apcheymákpoho, ekyókxoho yókxexma keso náxop. Megkatnégwomek sa' néxa apteme wesse' apwányam, etnahagkok sa' chá'a apkeltamhókxa enxoho chá'a etnahagkok apyókxoho énxet'ák nak keso náxop, elyahakxohok sa'.’

Abdías 1:17

Ekpagkanamaxche sa' eyke katnehek ma'a egkexe ahagkok nak Sión, cham'a yaqwánxa sa' elyexánegwók nápakha énxet'ák. Emekxak sa' makham xapop apagkok ma'a Jacob aptawán'ák neptámen;