Daniel 7:10 - Biblia Enxet

¹⁰ máxa yegmen axta táhak ektepa táxa eyáléwe m'a apmonye' nak. Apxámok axta énxet apkeltemessáseykha, apxámok apagko' axta han apchaqneykha m'a aphakxa nak. Apcheynawók axta apmáheyo elyekpelkohok énxet'ák ma'a segyekpelchémo. Kélmeykeságkokxeyk axta weykcha'áhak.

Daniel 7:10 ပူးပေါင်းရင်းမြစ်များ

1 Reyes 22:19

Aptáhak axta Micaías: —Yeyxho sa' aptáhakxa appeywa Wesse' egegkok: Ekwet'ak xeyk Wesse' egegkok apha m'a néten aptaháno eyeymáxkoho, keñe han apchaqnáncha'a apyókxoho apkelásenneykha m'a nápakha, ekpayho nak apkelya'assamakxa', tén han ma'a ekpayho nak nepsagqalwa.

2 Crónicas 18:18

Aptáhak axta Micaías: —Kóleyxho sa' aptáhakxa appeywa Wesse' egegkok: Ekwet'ak xeyk Wesse' egegkok apha m'a néten aptaháno eyeymáxkoho, keñe han apchaqnáncha'a apyókxoho apkelásenneykha m'a nápakha, ekpayho nak apkelya'assamakxa', tén han ma'a ekpayho nak nepsagqalwa.

Job 25:3

Apxámok apagko' ma'a apkelásenneykha, keltátchessegkek élseyéxma apagkok ekyókxoho aqsok.

Salmos 103:21

¡Kólpeykesho Wesse' egegkok kélyókxoho kélteme nak apkelásenneykha kélxámokma, kéllane nak chá'a m'a apmopmenyého nak!

Salmos 18:8

Apwéhek axta teyapmak ekpánma, keñe apátog ekteyapma táxa segaqhamo nak; ¡apátog axta kelánteyapmak átex éláléweyak nak!

Salmos 50:3

Apxegakmek Dios egagkok, makke ewanmeyakmok, xegakmek apmonye' m'a táxa ekmassésseykmoho nak ekyókxoho aqsok, wakha'ak éxchahayam ekyennaqte agko' ma'a nepyáwa'.

Salmos 68:17

Xámok agko' yátnáxeg apkelyenyawasso apagkok ma'a Dios; Sinaí apkeñamak apmeyánto m'a tegma appagkanamap apagkok, yetlo m'a yátnáxeg apkelyenyawasso nak.

Isaías 30:27

Kólenmexho hana makhawo nak, apyókxoho apagko' apxegakmok Wesse' egegkok; aplókók apagko', máxa éten ekyentaxno ekpánmal'a entáhak aplo, negyekpelchawók aplawa m'a apátog nak, máxa táxa, ekmassesseykmohol'a aqsok entáhak ma'a apaxkok nak,

Isaías 30:33

Nanók agko' apkelánesso énxet'ák Asiria tén han wesse' apwányam apagkok ma'a ekyetnamakxa nak sẽllegassáseykegkoho ekmáske, ekyawe nak ekpayhakxa tén han ekmattawóneg, eyáléweykegkaxa nak ekyawe m'a táxa yetlo ekxámokma m'a yántapák. Wesse' egegkok apkennama sa' káléwaksek ma'a, máxa sa' katnehek ma'a ényél'a eyáléwe m'a aqsok ánek ekyátekto eyáléwomól'a.

Daniel 12:1

“Ewaták sa' Miguel, apteme nak Dios apchásenneykha apyennaqte, apkelmasma nak xép énxet'ák apagkok. “Yentexek sa' katnehek xa ekhem nak, megkótémaxko axta katnehek ma'a sekxók axta eyeynamókxa ekteyapma m'a apheykegkaxa énxet. Wokmek sa' agkok xa ekhem nak, elwagkasakpok sa' teyp apyókxoho énxet'ák apagkok eknaqtáxésamaxche nak apkelwesey weykcha'áhak.

Daniel 7:22

ekwokmoho apwa'a m'a Apkemha Apmonye' ekha kéláyo aptaqmelchessásekxo apheykha m'a Dios meyke nak ekhémo énxet'ák apagkok, hakte wokmek axta ekhem kélpekkenchessamakxa yaqwayam etnahagkok apagkok aptamheykegkaxa nak kelwesse'e apkelwányam ma'a Dios énxet'ák apagkok.

Daniel 7:26

Kalanaxchek sa' eyke kélyekpelchémo m'a segyekpelchémókxa nak, kólyementemekxak sa' apteme ekha apmopwána, kólmasséssamhok kélagko' sa'.

Zacarías 14:5

keñe sa' kéxegke kólmahagkok kólenyahagkok xa ekyapwate nak, peya nak keytek neyseksa m'a egkexe, hakte kawakxohok sa' ma'a yókxexma Asal, cham'a mók nekha nak. Kólenyahagkok sa' kéxegke, ektéma axta apkenyaheykegko m'a kélyapmeyk nano' apcháya m'a xóp ekyawheykha, ekteyapma axta aptémakxa axta wesse' apwányam Ozías ma'a Judá. Keñe sa' éxyamok Dios Wesse' ahagkok yetlo apkelxegexma'a m'a apyókxoho apkelásenneykha apkelpagkanamap nak.

Deuteronomio 33:2

Aptáhak axta s'e: “Sinaí apkeñamak ma'a Wesse' egegkok; Seír axta apkeñamak apwaya negyeseksa. Chápogwategkek axta élseyéxma apagkok ma'a egkexe Parán apxegeykmek axta apkeñama m'a Meribá-cadés; apmek apkelya'assamakxa axta ensókaseykmok ma'a segánamakxa táxa eyáléwe nak.