Daniel 6:7 - Biblia Enxet

⁷ Negaqnákxeyk negko'o negyókxoho nentáha nak nenláneykha apchókxa', negheyásawók mók nélpeywa yaqwayam kalanaxchek ma'a wesse' apwányam segánamakxa apagkok, ektéma nak se'e: treinta ekhem sa' kawomhok ekmeyámaxche kólpeykeshok xama aqsok kéláyókxa, tén han énxet, wánxa sa' aqsa exchep wesse'. Énxet melyaheykekxa enxoho, kólyenyók sa' kañe' máxek élyáqtamakxa nak yámakméwa.

Daniel 6:7 ပူးပေါင်းရင်းမြစ်များ

Salmos 10:9

máxa m'a méwa ekyetnól'a kañe' meteymog áxwa, elanha chá'a énxet apmopyósa m'a apkelyexanmeykegkaxa nak, eleyxek chá'a éphagwók ma'a apheykegkaxa nak, apmeyk agkok xa, éñawaksek chá'a yaqxegkesek yám'én apagkok.

Salmos 2:2

Apyepetchákxeyk pók kelwesse'e apkelwányam tén han apkelámha apmonye'e nak keso náxop, apkelánegkokxeyk aptamhágkaxa apkenmexa m'a Wesse' egegkok, yetlo m'a wesse' apwányam ektáha axta apkelyéseykha Wesse' egegkok.

Salmos 59:3

apyetneyk énxet'ák apkelyennaqte, sélhaxanma nak apmáheyo heyaqhek. Wesse', magwanmexeykekxak xép, malaneyk han may'assáxma;

Salmos 59:5

Wesse', Dios ekha nak apyennaqte, Dios apagkok nak Israel, exatakha', ellegássesagkoho xa énxet'ák melya'áseyak nak xép; nágkalapyósho elanok xa élmasagcha'a nak apkeltémakxa, apkelsexnenagko nak chá'a apnámakkok.

Salmos 62:4

Wánxa aqsa élxéneykencha'a kélwáxok hélyaqnegkesek; atsek chá'a kéxegke kóltéhek kélmowancha'a amya'a. Kélpeywa aqsa chá'a kaltaqmalmakha hélxének, keñe m'a kélwáxok nak, élxéneykencha'a chá'a hélteméssessamhok exma ekmaso.

Salmos 83:5

Apheyásawók mók apkelpaqhetchásamákpoho peya yenmexek xép, apyepetchákxeyk pók apkelánegkokxo aptamhágkaxa yaqwánxa etnéssesek se'e énxet'ák nak:

Salmos 94:20

Mopwanchek xép etnehek apkelxegexma'a énxet'ák segyekpelchémo megkapéwomo nak chá'a apkeltémakxa, ekmaso nak chá'a apkeltamheykha, apyetnakhasso nak chá'a segánamakxa;

Daniel 2:4

Aptáhak axta ekha apmopwancha'a apcháneya wesse' apwányam arameo appeywa s'e: —¡Megkamassegwomek sa' apteme wesse' apwányam! Hẽltennés sa' negko'o ektémakxa chá'a apwanmagko xép wesse', negko'o nentáha nak xép apkeláneykha, keñe sa' óltennaksek chá'a ektémakxa.

Daniel 3:11

keñe megkatne enxoho xa ektáha nak, kólyenyók hek xeyk táxa axagkok eyáléwágkaxa'.

Daniel 3:2

Apkeláneyáha axta m'a apyókxoho apkeltaqmelchesso nak chá'a apkelókxa xama apheykegkaxa, tén han ma'a sẽlpextétamo kelwesse'e, apkeláneykha nak chá'a apkelókxa, apkelpaqhetcháseykha nak chá'a kelwesse'e apkelwányam, apkeltaqmelchesso selyaqye, segyekpelchémo, tén han ma'a apyókxoho kelwesse'e nak ma'a apchókxa', yaqwayam epásegwók ma'a kélsawássessamo kéleykmássesso, apkeltémo axta kóllanaksek.

Daniel 3:27

keñe axta apkelyepetchegwokmoho apyókxoho apkelámha apmonye'e apkelwayam axta m'a, cham'a énxet'ák megkalwatna axta m'a táxa, apkelwet'ak axta megkalmeta ketsék enxoho m'a apwa'ák, apkeltásek axta aqsa han ma'a apkelnaqta, axta han elpaqnakmohok ma'a éten.

Daniel 3:6

Énxet meltekxekxo enxoho aptapnák xapop elpeykeshok ma'a kéleykmássesso, kólyenyók sa' kañe' táxa axagkok, eyáléwágkaxa nak.”

Daniel 6:16

Tén axta wesse' apwányam apkeltamho kólyentementák ma'a Daniel, keñe kólyenyók ma'a máxek élyáqtamakxa nak yámakméwa. Aptáhak axta wesse' apwányam apcháneya Daniel se'e: —¡Dios apagkok sa' ewagkasek teyp, meyenseykmo nak apyetleykha exchep!

Daniel 6:22

Apcháphássek xeyk apchásenneykha Dios ahagkok, apkeláhakkásegkokxeyk xeyk atña'ák yámakméwa, yaqwayam enxoho mehetnéssessamok exma ekmaso ko'o, hakte apya'ásegkok ko'o Dios sekteme meyke sektémakxa', malaneyk han xama aqsok ekmaso énmexma nak xép wesse'.

Miqueas 6:5

Énxet'ák ahagkok, kaxénwakxoho kélwáxok ma'a aqsok ekxeyenma axta apwáxok elának Balac, wesse' apwányam axta m'a Moab, tén han apchátegmoweykegkokxa axta m'a Balaam, Beor axta apketche. Kaxénwakxoho kélwáxok ma'a kélyeykhaya axta Sitim, kélmaheykegko m'a Guilgal, kaxénwakxoho kélwáxok appasmoma axta apkelmallahanchessama m'a Wesse' egegkok.”

Nahúm 2:12

eyaqhamakxa axta chá'a ekyógkexma m'a méwa, eyeykegko axta chá'a nekha m'a kelwána nak, tén han ma'a étkók nak, eklánéssama axta meteymog áxwa axagkok ma'a aqsok eyaqhe nak chá'a?