Daniel 5:23 - Biblia Enxet

²³ Apkenmexeykekxeyk xép Wesse' egegkok, apkeltémo kólsantagkasek egheykok tén han egheykok élyawe ekhéyak axta m'a tegma appagkanamap, apkelmáha axta apyena vino xa, yetlo m'a ektáha axta apkeláneyeykha, apkelpeykásawók han ma'a aqsok kéláyókxa élánamáxche nak sawo ekyátekto ekmomnáwa, tén han sawo ekmope ekmomnáwa, sawo ekyexwase, sawo ekyentaxno, yántéseksek tén han meteymog; aqsok kéláyókxa megkate nak exma, megkañe nak ektemegweykmoho exma, megkay'áseyak nak aqsok. Melpeykessamók ma'a Dios apmésso nak apyennaqte wesse', tén han apmésso nak chá'a ekyókxoho m'a apkelanakxa enxoho chá'a.

Daniel 5:23 ပူးပေါင်းရင်းမြစ်များ

Génesis 14:19

Axta aptáhak appeywa apkelmaxnéssesa aqsok éltaqmela Abram se'e: “Dios meyke ekhémo sa' epasmok xép, apkelane nak néten tén han keso náxop;

Génesis 2:7

Keñe axta Dios Wesse' egegkok apkelana énxet ma'a xapop ánek, apwátekhakkassek axta apwéhek apmésa apyennaqte. Cháxa aptamhákxo axta énxet ekha apkennama.

2 Reyes 14:10

Ekya'ásegkók ko'o apkelnapma axta m'a edomitas, cháxa ekméssama nak eyeymáxkoho apwáxok. Keyxkoho aqsa apwáxok; exa aqsa apxagkok. ¿Yaqsa ektáha peya nak esexnánékpekxohok apagko', tén han esexnenak ma'a Judá?”

Job 12:10

Dios apmeykha élyennaqte ekyókxoho aqsok ekha nak élennama.

Job 31:4

¿Enxeykel'a eteyk Dios ma'a aqsok séláneya nak? ¿Enxeykel'a eteyk ektémakxa nak sekxega?

Salmos 104:29

massék agkok chá'a exchep apkelano, kalyegweyk chá'a; apyementamákxeyk agkok élennama, kaletsapok chá'a, xapop chá'a katnekxa'.

Salmos 115:16

Wesse' egegkok apagkok ma'a néten, keñe énxet apméssama xapop.

Salmos 139:3

Apya'ásegkok ekyókxoho ektémakxa sekweynchámeykha, sekxega tén han sekheykekxa, ¡apya'ásegkok ekyókxoho aqsok sélane nak chá'a!

Salmos 146:4

hakte apkeletsekkek agkok ma'a xapop chá'a etnahagkokxa', cháxa néxa han chá'a katnehek ma'a aqsok apmáheyo elanagkok.

Proverbios 20:24

Wesse' egegkok eyke apkeláneséyak chá'a ektémakxa apxega énxet. Méko enxama negya'áseykegkoho chá'a yaqwánxa agmahagkok.

Isaías 13:11

Aptáhak Wesse' egegkok se'e: “Allegássesagkohok sa' ko'o apyókxoho énxet'ák eñama apkeltémakxa élmasagcha'a, keñe sa' ma'a énxet'ák élmasagcha'a agko' nak apkeltémakxa allegássesagkohok eñama m'a apkelánéyák aqsok ekmaso agko'. Amasséssessók sa' ko'o ektémakxa nak éleymáxkoho apkelwáxok ma'a énxet'ák apkeleymákpoho nak, mékoho sa' ko'o atnessásekxak ma'a megyésso nak eleykpoho tén han ma'a megkalyexnegwayam nak chá'a apkelpeywa elwanyaha apnámakkok.

Isaías 14:13

Aptéma axta chá'a kalchetmok apwáxok se'e: ‘Wántek sa' ko'o ekweykmoho m'a néten; apekkenwók sa' sektaháno ekyawe ektaqmalma m'a néten nak Dios yaw'a apagkok; axek sa' ko'o m'a makhawók agko' nak nexcheyha, cham'a egkexe eyaqneykekxexa nak ma'a aqsok kéláyókxa.

Isaías 2:12

cham'a ekhem apkelana sa' aqsok Wesse' ekha nak apyennaqte, yenmexek apyókxoho m'a énxet'ák apkeleymákpoho nak, tén han ma'a apyókxoho éleymáxkoho nak apkelwáxok, tén han ma'a apkene nak etnahágkok ekha kéláyo, yaqwayam etnessásekxak kóneg;

Isaías 33:10

Aptáhak Wesse' egegkok se'e: “Alának sa' ko'o kaxwók aqsok; axekmósek sa' kaxwók ekyókxoho sekteme sekwányam ahagko' tén han sekteme seyeymáxkoho.

Isaías 37:19

tén han apkexakkassama nátex ma'a aqsok apcháyókxa nak, hakte naqsók háwe dios ma'a, énxet apkelane, eñama nak ma'a yámet tén han meteymog. Cháxa keñamak apmassésseykmo nak.

Isaías 37:23

¿Yaqsa axta énxet apkenmexeyncha'a cha'a tén han apwanyeyncha'a chá'a? ¿Yaqsa axta énxet apkelpáxegkáseyncha'a chá'a tén han megyésa chá'a apkelano yetlo eyeymáxkoho apwáxok? ¡Apkenmexáha axta exchep ma'a Dios Appagkanamap nak Israel!

Isaías 42:5

Aptáhak apcháneya apkeláneykha Dios se'e, Dios apkelane axta m'a néten tén han appeykesso axta, apkelane axta m'a xapop tén han apkelántekkesso axta aqsok ekhéyak nak ma'a awáxok, apmésso nak apkelyennaqte tén han apkelennama m'a énxet'ák apheykha ma'a kañe':

Jeremías 10:23

Wesse', ekya'ásegkók ko'o énxet háwe apagkok ma'a apyennaqte nak, tén han háwe apya'áseykegkoho yaqwánxa katnehek apweynchámeykha.

Jeremías 48:26

Kólnáhakkas anmen énxet'ák Moab, hakte apkenmexeykekxeyk Wesse' egegkok. Keñe sa' eltexneykpekxak apkelyekxo m'a énxet'ák Moab, apyókxoho énxet'ák sa' elesmaksek ma'a.

Jeremías 50:28

(Apkelwákxeyk Sión ma'a énxet'ák apkelxegányam nak apkeleñama Babilonia, apkeltenneyncha'a ektáhakxa apyaqmagkáseykekxa Dios Wesse' egagkok apkeltémakxa m'a énxet'ák Babilonia, eñama apteméssessamakxa axta m'a tegma appagkanamap nak.)

Jeremías 50:29

“¡Kólwónmakha apyókxoho apkelmeykha nak chá'a yágke, yaqwayam sa' ektamagkok ma'a Babilonia! ¡Kólpakxenák sa' ma'a nepyáwa nak tegma apwányam, yaqwayam sa' megyenyehek exyenmok xama énxet enxoho! ¡Kólhésho mók ma'a apteméssessamakxa axta! ¡Kóltemésses ma'a apteméssessamakxa axta! Hakte cheymáxkók axta chá'a appeywa sexéneykencha'a ekmaso ko'o, ko'o sektáha nak Wesse' Dios Appagkanamap ma'a Israel.

Ezequiel 28:17

Eyeymáxkoho ekwányam apwáxok axta teméssessók ma'a aptaqmalma; apcheymákpoho axta keñamak ektawassáseykencha'a m'a apya'ásegwayam ektaqmela axta. Ekyenyenteyk axta ko'o exchep náxop, ekteméssessek axta aqsok ésmésamaxkohol'a kóllano' nápaqta'awók ma'a kelwesse'e apkelwányam.

Ezequiel 28:2

“Xép énxet, etne sa' yának wesse' apwányam Tiro s'e: “Keso aptáhakxa exchek appeywa Wesse' egegkok se'e: Awanhók agko' xép eyeymáxkoho apwáxok, apkenagkamchek xép etneyk xama aqsok kéláyókxa ekha ekmowána aphama chá'a m'a néten taháno ekyawe ektaqmalma ekheykegkaxa nak ma'a aqsok kéláyókxa, tén han ekwakhaya m'a wátsam ekwányam. Háwe exchep xama aqsok kéláyókxa ekha nak ekmowána, énxet xeyep apkenagkama chá'a kaxnémók apya'áseyak aqsok ma'a xama aqsok kéláyókxa.

Ezequiel 28:5

Apmopwána ekyawe nélyánmagkásamaxche keñamak apxámáseykegkoho apagko' ma'a aqsok apagkok, apcheymákpoho teméssessók ma'a aqsok apagkok ekxámokma nak.

Ezequiel 31:10

“Keso aptáhakxa nak appeywa Wesse' egegkok se'e: Ekwenaqte agko' táhak ma'a yámet, keltekxekwokmek naw'ék ma'a yaphope nak; wánegyek agko', eyeymáxkoho nahan táhak.

Daniel 11:12

Keyxkohok sa' apwáxok eñama apmallanma kempakhakma, tén han apxámokma apkelnapma m'a apkelenmexma nak, megkawegqók sa' eyke apteme ekha apyennaqte.

Daniel 4:37

“Élpeykessamók ko'o kaxwók ma'a Wesse' Apwányam apha nak néten, ko'o Nabucodonosor, eyáyók han, ekteméssessegkek han apcheymákpoho, hakte naqsók agko' ma'a ekyókxoho aqsok apkelane nak, péwók nahan, apwanchek etnessásekxak mékoho m'a apkenè nak chá'a etnahak ekha kéláyo.”

Daniel 8:11

wanyeyha axta han ma'a apkemha apmonye' nak élápogwátéyak néten; mágwokmek axta élánamáxche m'a aqsok ektekyawa, élánamáxche nak chá'a yókxoho ekhem, tawáseyha axta m'a kélpeykessamókxa axta chá'a.

Habacuc 2:4

Etaxés sa' exének énxet'ák élmasagcha'a nak apkeltémakxa apteme éleymáxkoho apkelwáxok; meletsepek sa' eyke m'a énxet'ák apkelpéwomo nak, eñama melya'ásseyam Dios.”

Jueces 16:23

Apchaqnákxeyk axta apkelámha apmonye'e filisteos, yaqwayam elsawaksohok apma m'a, keñe han egkések aqsok apkelnapma m'a dios apagkok Dagón. Aptáhak axta apkelmeneykmasa s'e: “Egméssek negko'o dios egagkok yaqwayam agmok ma'a Sansón, katnaha egmók nak.”

1 Samuel 17:26

Keñe axta David aptáha apkelmaxneyáncha'a m'a apchaqneykha axta nápakha: —¿Yaqsa aqsok kólmések énxet apchaqhe enxoho xa filisteo, keñe han apmasséssesso enxoho apkelmegqakto m'a Israel? ¡Mékoho apagko' xa filisteo mey'áseyak nak Dios, kaqhok etnehek elxénmakha ekmaso Dios memassegwayam nak sẽlpextétamo apagkok xa ektáha nak!

1 Samuel 17:36

Cháxa sektémakxa ko'o waqhek méwa essenhan aqsok nawhak eklo, ko'o sektáha nak xép apkeláneykha wesse'. Kaxhok sa' han ektáhakxa xa filisteo mey'áseyak nak Dios, hakte apkellókaseykegkek chá'a m'a Dios memassegwayam nak sẽlpextétamo apagkok.