Daniel 5:18 - Biblia Enxet

¹⁸ “Dios meyke nak ekhémo axta apmésso aptémakxa axta wesse' apwányam Nabucodonosor, apyáp axta exchep wesse', tén han apcheymákpoho, tén han ekha kéláyo.

Daniel 5:18 ပူးပေါင်းရင်းမြစ်များ

2 Reyes 25:28

apyánchessamók axta han apchápeykha nepyeseksa m'a apkelwesse'e apkelwányam apkelmomap apheykha axta xamo' ma'a Babilonia.

Salmos 47:2

Hakte apcheymap ma'a Wesse' egegkok apteme nak Meyke Ekhémo; cha'a apteme Wesse' apwányam ekyókxoho keso náxop.

Salmos 7:17

Alteméssesek sa' ko'o apcheymákpoho Wesse' egegkok, hakte péwók aptémakxa m'a; anneykmássesek sa' ko'o apwesey Wesse' egegkok, apwesey nak Meyke Ekhémo.

Salmos 9:2

Xép Meyke nak Ekhémo, ekmakók ko'o exchep awónchessesha yetlo ekpayheykekxa agko' ewáxok, ¡ekmakók anneykmássesek ma'a apwesey nak xép!

Salmos 92:8

Keñe exchep Wesse', meyke néxa apha m'a netno' nak.

Jeremías 25:9

aláneyha sa' ko'o apyókxoho énxet'ák apheykha nak nexcheyha yetlo séláneykha Nabucodonosor, wesse' apwányam nak ma'a Babilonia, yaqwayam sa' elxegma', ektámegmak se'e apchókxa nak, yetlo apyókxoho énxet'ák apheykha nak kañe', tén han ma'a apyókxoho énxet'ák apheykha nak neyáwa'. Amasséssók sa' ko'o ekyókxoho. Meteymog ektaháneykekxa mók meyke néxa sa' atnessásekxa', negaye agweta', tén han segyegwakkassamo.

Jeremías 27:5

Yetlo ekyawe sekmowána axta ko'o élaneyk nélwanmégkaxa, tén han énxet'ák, tén han aqsok nawha'ák élleykha nak awáxok, ewanchek han ko'o agkések sekmakókxa enxoho agkések.

Jeremías 27:7

Apkelásenneykha sa' etnehek ma'a apyókxoho pók aptémakxa énxet'ák nak, ekweykekxoho m'a apketche, tén han aptáwen, ekwokmoho sa' nahan ekmáxko m'a Babilonia. Apkelásenneykha sa' etnehek ma'a pók énxet'ák apkelókxa élyawe nak, tén han ma'a kelwesse'e apkelwányam apkelyennaqte nak.

Lamentaciones 3:35

essenhan manteméssesso nak chá'a ekpayhawo nak anteméssesek énxet nápaqtók ma'a meyke nak Ekhémo,

Lamentaciones 3:38

Wayak chá'a m'a aqsok ektaqmela nak, tén han aqsok ekmaso, hakte meyke Ekhémo chá'a apkeltémo kawa'.

Ezequiel 31:11

Cháxa keñamak sekyetnakhasa nak ko'o xa; wohok sa' ko'o emok ma'a xama wesse' apkeñama nak mók nekha, yaqwayam sa' etnéssesek, ekhawo m'a ektémakxa nak chá'a élane m'a ektémakxa ekmaso.

Daniel 4:17

Cháxa apkeltamhókxa nak kólteméssesek ma'a Dios apkelásenneykha apkelpagkanamap apkelhaxneykha nak chá'a, yaqwayam elya'asagkohok chá'a apyókxoho énxet'ák ekha apmopwána m'a Dios meyke nak ekhémo, nepyeseksa m'a aptamheykegkaxa nak chá'a kelwesse'e apkelwányam énxet, apteméssesso nak chá'a apkeláneykha apchókxa m'a apmakókxa enxoho chá'a etnéssesek, tén han apteméssessamo nak chá'a apkemha apmonye' nepyeseksa énxet'ák m'a mékoho nak.’

Daniel 4:19

“Keñe axta Daniel, kéltéma nak han Beltsasar, apwanmeya sekxo', ekyegwakkasa m'a ektáhakxa axta apwáxok. Ektáhak axta ko'o seyáneya, sektáha nak wesse' apwányam: ‘Beltsasar, nágkatnéssesha aqsa apwáxok sekwanmagko, sekwete exchek ko'o, keñe han yaqwayam nak héltennaksek.’ Aptáhak axta Beltsasar apchátegmowágkokxo: ‘¡Hay, wesse' apwányam, kalpehewakxoho annal'a apkelenmexma xa ektáhakxa nak apwanmagko!

Daniel 4:2

Émenyeyk ko'o kólya'asagkohok kéxegke aqsok sempelakkasso nak agweta', sexekmósa nak ma'a Dios meyke ekhémo.

Daniel 4:32

kóltekkesek sa' xép nepyeseksa apnámakkok, aqsok nawha'ák sa' epaxqaha; pa'at sa' etwok ektémól'a weyke, ekweykmoho siete apyeyam, ekwokmoho apya'ásegwokmo ekha apmopwána m'a Dios meyke nak ekhémo, nepyeseksa m'a aptamheykegkaxa nak chá'a kelwesse'e apkelwányam keso náxop, tén han apteméssesso chá'a apkeláneykha apchókxa m'a apmakókxa enxoho chá'a etnéssesek.”

Daniel 4:34

“Xama axta ekwokmo néxa ekxénamaxchexa hélteméssesek, énmexawok axta néten, ko'o Nabucodonosor, ekwetágkok axta ekmassa sekteme seyeyháxma; tén axta sekteméssesa apcheymákpoho m'a Dios meyke nak ekhémo, axta ektáhak sekpaqmeta sélpeykásawo m'a memassegwayam nak: “Megkamassegwomek sa' chá'a apmopwána; katnahagkok sa' chá'a aptémakxa nak wesse' apwányam.

Daniel 5:21

Kéltekkessegkek axta nepyeseksa apnámakkok, aqsok nawhak axta aptamheykekxa'; yámelyeheykok nawha'ák axta appaxqeykha, pa'at axta aptók ektémól'a weyke, yássessegkek axta yálye m'a apyókxa, ekwokmoho apya'ásegwokmo ekha apmopwána m'a Dios meyke nak ekhémo, nepyeseksa m'a aptamheykegkaxa nak chá'a kelwesse'e apkelwányam énxet, tén han apteméssesso chá'a apkeláneykha apchókxa m'a apmakókxa enxoho chá'a etnéssesek.

Daniel 6:22

Apcháphássek xeyk apchásenneykha Dios ahagkok, apkeláhakkásegkokxeyk xeyk atña'ák yámakméwa, yaqwayam enxoho mehetnéssessamok exma ekmaso ko'o, hakte apya'ásegkok ko'o Dios sekteme meyke sektémakxa', malaneyk han xama aqsok ekmaso énmexma nak xép wesse'.

Deuteronomio 32:8

Xama axta apkelmeyáseykegko chá'a xama xama xapop apagkok énxet'ák tén han apkelókxa m'a Meyke nak Ekhémo, appekkenchek axta chá'a néxa apkelweynchámeykegkaxa m'a énxet'ák. Xénchek axta eyke apwáxok ma'a israelitas,