Daniel 5:13 - Biblia Enxet

¹³ Kélyentamákxeyk axta Daniel aphakxa m'a wesse' apwányam, aptáhak axta wesse' apwányam apkelmaxneyáncha'a s'e: —¿Xeyepya Daniel? ¿Xeyepya axta han apkelxegexma'a m'a judíos apkelmoma axta wesse' apwányam Nabucodonosor, táta axta ko'o, kéleñama axta kélnaqleykenta m'a Judea?

Daniel 5:13 ပူးပေါင်းရင်းမြစ်များ

Esdras 10:7

Keñe axta kélwónencha'a apyókxoho m'a apheykha axta Judá, tén han Jerusalén, yaqwayam yaqnekxak apyókxoho Jerusalén ma'a apkelweykta axta makham kélnaqleykekxa megkatnahakxa apkelókxa'.

Esdras 4:1

Xama axta apkelleg'a amya'a m'a apkelenmexma nak Judá énxet'ák apagkok, tén han Benjamín, apxátekhásekxo makham Wesse' egegkok tegma appagkanamap apagkok, Dios nak Israel ma'a apkelweykta axta makham kélnaqleykekxa axta megkatnahakxa apkelókxa,

Esdras 6:16

Apkelsawassásawók axta yetlo élpayheykekxa apkelwáxok Dios tegma appagkanamap apagkok ma'a israelitas, apkelmaxnéssesso Dios énxet'ák apagkok, levitas, tén han ma'a apyókxoho kélnaqleykekxa axta m'a megkatnahakxa apkelókxa'.

Daniel 1:1

Apwokmek axta Jerusalén ma'a wesse' apwányam Nabucodonosor, wesse' apwányam nak Babilonia, ekweykmo axta apqántánxo apyeyam apteme wesse' apwányam ma'a Joaquim, wesse' apwányam axta m'a Judá, apwakhegwokmek axta sẽlpextétamo apagkok ma'a tegma apwányam.

Daniel 1:2

Apméssek axta Wesse' egegkok Nabucodonosor yaqwayam emok ma'a Joaquim, tén han apkeltamho elmok ekxámokma agko' ma'a aqsok kélmeykegkaxa ekhéyak axta m'a Dios tegma appagkanamap apagkok. Apnaqlákxeyk axta Nabucodonosor Babilonia m'a énxet apkelma axta, tén axta apnegkenwákxo aqsok kélmeykegkaxa élpagkanamaxche m'a apxátamakxa axta chá'a aqsok élmomnáwa, tegma appagkanamap agkok ma'a aqsok apcháyókxa';

Daniel 1:21

Keñe axta apheykekxo Daniel ma'a ekwokmoho aptáha xama apyeyam apteme wesse' apwányam ma'a Ciro.

Daniel 1:6

Daniel axta han apkelxegexma'a xa wokma'ák nak, tén han Ananías, Misael, Azarías, apkeleñama axta nepyeseksa Judá énxet'ák apagkok,

Daniel 2:25

Yetlókok axta han apyentameykekxa Arioc, Daniel ma'a aphakxa nak wesse' apwányam Nabucodonosor, aptáhak axta apcháneya wesse' apwányam se'e: —Ekwet'ak ko'o xama énxet nepyeseksa m'a judíos kélnaqleykenta axta s'e, yaqwayam eltennaksek ektémakxa m'a apwanmagko wesse' apwányam.

Daniel 2:48

Tén axta wesse' apwányam apteméssesa ekyawe kéláyo m'a Daniel, apkelméssek axta ekxámokma agko' aqsok apkelmésso naqsa éltaqmalma; apteméssessek axta han apkeláneykha apchókxa m'a Babilonia, keñe han apkemha apmonye' nepyeseksa apyókxoho ekha nak apkelmopwancha'a xa apchókxa nak.

Daniel 5:11

hakte apheyk xama énxet se'e aptémakxa nak xép wesse' apwányam, appékessáseyak nak chá'a m'a Dios appagkanamap espíritu apagkok. Hakte cham'a aptémakxa axta wesse' apwányam ma'a apyáp axta exchep wesse', cháxa énxet nak, wetamaxcheyk axta ektaqmalma apyekpelchémo aqsok, tén han apmopwána, keñe han apya'áseykegkoho aqsok, ektéma nak ma'a aqsok kéláyókxa'. Axta keñamak wesse' apwányam Nabucodonosor, apyáp axta exchep wesse', apteméssessama apkemha apmonye' nepyeseksa apkelyohóxma, tén han apkelya'áseykegkoho nak chá'a aqsok ekpowásamáxche, ekha nak apkelmopwancha'a, tén han apwetayo nak chá'a aqsok yaqwánxa katnehek ma'a apchókxa nak,

Daniel 5:14

Eklegayak ko'o exchep apha apwáxok Dios espíritu apagkok, tén han ektaqmalma apyekpelchémo, keñe han apmopwána aqsok, tén han apyekpelchémo aqsok.

Daniel 5:18

“Dios meyke nak ekhémo axta apmésso aptémakxa axta wesse' apwányam Nabucodonosor, apyáp axta exchep wesse', tén han apcheymákpoho, tén han ekha kéláyo.

Daniel 5:2

Chátsegwokmek axta apyenéyak vino, apkeltamhók axta kólsantagkasek egheykok Belsasar, tén han egheykok élyawe sawo élyátekto élmomnáwa, keñe han sawo élmope élmomnáwa, apkelseykekxa axta Nabucodonosor, apyáp axta, éleñama tegma appagkanamap nak Jerusalén. Kélsánteyk axta m'a egheykok tén han egheykok élyawe, apkelmáha axta apyena wesse' apwányam vino xa egheykok nak, yetlo apnaqteyegka'a, tén han kelán'a apkelmeykha naqsa, keñe han ma'a apyókxoho ektáha axta apkeláneyeykha epásegwók ektámáxche ekyawe.

Daniel 6:13

Tén axta aptáha makham apkelpaqmeta s'e: —Xama énxet Judá, cham'a Daniel, kélyentameykenta axta apmomap se'e, megyáyók xép wesse', tén han ma'a segánamakxa apagkok apkelane axta exchep, negweteyak chá'a negko'o aptéma ántánxo apkelmaxnagko xama ekhem.

Daniel 8:1

“Ekwet'ak axta makham ko'o mók aqsok sélxekmósso, ko'o Daniel, ekweykmo axta apqántánxo apyeyam apteme wesse' apwányam ma'a Belsasar, natámen axta sekwete sekwanmagko m'a mók axta.

Daniel 8:27

“Ko'o Daniel, eklegágkok axta ekmassa sekyennaqte, yáma wenaqtémók axta han sekháxamáxche'. Tén axta sekhákxo néten sekmákxo makham sektamheykha axta segkésso m'a wesse' apwányam. Temessáseyha agko' axta eyke ko'o ewáxok ma'a aqsok sekwete, hakte axta ay'ásegwokmok.