Daniel 4:34 - Biblia Enxet

³⁴ “Xama axta ekwokmo néxa ekxénamaxchexa hélteméssesek, énmexawok axta néten, ko'o Nabucodonosor, ekwetágkok axta ekmassa sekteme seyeyháxma; tén axta sekteméssesa apcheymákpoho m'a Dios meyke nak ekhémo, axta ektáhak sekpaqmeta sélpeykásawo m'a memassegwayam nak: “Megkamassegwomek sa' chá'a apmopwána; katnahagkok sa' chá'a aptémakxa nak wesse' apwányam.

Daniel 4:34 ပူးပေါင်းရင်းမြစ်များ

2 Samuel 22:31

“Péwók ma'a Dios ámay apagkok; payhawók megkólya'ássemek ma'a apxeyenma nak elának Wesse' egegkok. ¡Eltaqmelcheshok chá'a Dios ma'a apyókxoho énxet'ák ektáha nak chá'a apcháyo!

1 Crónicas 29:10

Keñe axta David apteméssesa apcheymákpoho Wesse' egegkok nápaqta'awók ma'a apyókxoho énxet'ák. Aptáhak axta s'e: “¡Apcheymákpoho sa' chá'a kólteméssesek xép Wesse' egegkok, Dios apagkok nak ma'a ẽlyapmeyk nanók Israel!

1 Crónicas 29:13

Cháxa keñamak negmésa nak ekpayheykekxa egwáxok xép Dios egagkok, tén han nélpeykásawo m'a ektémakxa nak xép apwesey eyeymáxkoho;

Job 1:21

Aptáhak axta s'e: —Méko axta xama aqsok sekseykha sekwaya s'e nélwanmeygkaxa', méko sa' han xama aqsok asakxak ataqhoho'. Wesse' egegkok axta sélmésso ekyókxoho, keñe sélyementamákxo makham; ¡eyeymáxkoho sa' kólteméssesek apwesey Wesse' egegkok!

Salmos 10:16

Wesse' egegkok apteme Wesse' apwányam memassegwayam, ¡kólántekkesek sa' apkelókxa m'a melya'áseyak nak Dios!

Salmos 102:24

Axta ektáhak ko'o s'e: “Dios ahagkok, nágyoho watsapok sektáhakxoho étkok.” ¡Méko néxa exchep apha!

Salmos 107:15

Kólmés ekxeyenma kélwáxok Wesse' egegkok, eñama segásekhayo, ¡tén han apkelánésso chá'a aqsok éltaqmalma appasmo m'a énxet'ák!

Salmos 107:22

Kólmés kélnaqtósso kélnapma kélmésso nak ekxeyenma kélwáxok, kólxén yetlo ekpayheykekxa kélwáxok ma'a aqsok apkelane nak.

Salmos 107:31

Kólmés ekxeyenma kélwáxok Wesse' egegkok, eñama segásekhayo, ¡tén han apkelánésso chá'a aqsok éltaqmalma appasmo m'a énxet'ák!

Salmos 107:8

Kólmés ekxeyenma kélwáxok Wesse' egegkok, eñama segásekhayo, ¡tén han apkelánésso chá'a aqsok éltaqmalma appasmo m'a énxet'ák!

Salmos 111:7

Péwók ma'a aqsok apkelane nak, naqso' nahan; payhawók magya'ássók ma'a segánamakxa apagkok nak,

Salmos 121:1

Axta ektáhak ko'o ekpaqméteyncha'a ewáxok sénmexawo élámhakxa nak meteymog élwenaqte s'e: “¿Háxko sa' ko'o kañék sepasmo?”

Salmos 123:1

Wesse', énmexawok ko'o exchep aphakxa sekwóneyncha'a, énmexawok ma'a aptémakxa nak Wesse' apwányam néten.

Salmos 145:13

Megkamassegwomek ma'a aptémakxa nak xép Wesse' apwányam, megkatnégwomek chá'a néxa apteme Wesse'.

Salmos 146:10

Oh Sión, etnehek sa' chá'a wesse' apwányam meyke néxa m'a Wesse' egegkok, etnehek sa' chá'a wesse' apwányam megkatnégwayam néxa m'a Dios agkok. ¡Aleluya!

Salmos 50:14

¡Kóltemésses aqsok kélmésso naqsa ekxeyenma kélwáxok ma'a Dios; kóllána aqsok kéltennasso axta kóllanaksek ma'a Meyke nak Ekhémo!

Salmos 66:7

Apmopwána keñamak aptéma wesse' apwányam meyke néxa; meyenyókáseykha apaqtek apkeláneykencha'a m'a apkelókxa nak, yaqwayam enxoho melenmexekxék ma'a énxet'ák apkelenmexeykekxoho nak chá'a.

Salmos 7:17

Alteméssesek sa' ko'o apcheymákpoho Wesse' egegkok, hakte péwók aptémakxa m'a; anneykmássesek sa' ko'o apwesey Wesse' egegkok, apwesey nak Meyke Ekhémo.

Salmos 9:2

Xép Meyke nak Ekhémo, ekmakók ko'o exchep awónchessesha yetlo ekpayheykekxa agko' ewáxok, ¡ekmakók anneykmássesek ma'a apwesey nak xép!

Salmos 92:1

Wesse' egegkok, Meyke nak Ekhémo, ¡tásók agko' nak la'a exchep agmések ekxeyenma egwáxok, tén han agmeneykmássesek negmeneykmasso!

Isaías 13:11

Aptáhak Wesse' egegkok se'e: “Allegássesagkohok sa' ko'o apyókxoho énxet'ák eñama apkeltémakxa élmasagcha'a, keñe sa' ma'a énxet'ák élmasagcha'a agko' nak apkeltémakxa allegássesagkohok eñama m'a apkelánéyák aqsok ekmaso agko'. Amasséssessók sa' ko'o ektémakxa nak éleymáxkoho apkelwáxok ma'a énxet'ák apkeleymákpoho nak, mékoho sa' ko'o atnessásekxak ma'a megyésso nak eleykpoho tén han ma'a megkalyexnegwayam nak chá'a apkelpeywa elwanyaha apnámakkok.

Isaías 2:11

Elháxahagkok sa' yetlo apkelmegqakto m'a énxet'ák apkeleymákpoho nak; kólmasséssesek sa' nahan apkeleymákpoho m'a apkene nak etnahágkok ekha kéláyo. Wesse' egegkok sa' aqsa exekmósek apteme apwányam apagko' xa ekhem nak,

Isaías 24:15

Keñe sa' nahan ma'a apheykha nak teyapmakxa ekhem tén han ma'a apkelókxa ekhéyak nak neyáwa wátsam ekwányam, elteméssesek nahan apcheymákpoho m'a Wesse', cham'a Israel Dios apagkok nak.

Jeremías 10:10

Wesse' egegkok apteme Dios apmámnaqsoho, Dios megyetsapma, Wesse' apwányam memassegwayam. Aplókek agkok ma'a, kayawheykha chá'a xapop; mopwanchek elenmaxakpohok aplo m'a pók aptémakxa énxet'ák.

Lamentaciones 3:38

Wayak chá'a m'a aqsok ektaqmela nak, tén han aqsok ekmaso, hakte meyke Ekhémo chá'a apkeltémo kawa'.

Daniel 12:7

Apkelya'ássek axta néten apmék ma'a énxet apkelántaxneykekxa axta apáwa apkelexyawe, apmésa appeywa ekmámnaqsoho agko' yetlo apxeyenma apwesey m'a Dios memassegwayam. Aptáhak axta s'e: ‘Wokmek sa' agkok apqántánxo apyeyam nepxet pók, ekmassa sa' kélmasséssekmo apteme apkelyennaqte m'a Dios énxet'ák apagkok, kamassegwók sa' xa ekyókxoho aqsok nak.’

Daniel 2:44

Epekkenek sa' xama apchókxa megkólmowána nak kólmasséssók ma'a Dios apha nak néten, neyseksa aptamhéyak apkelwesse'e apkelwányam xa apkelwesse'e nak, memek sa' xama enxoho m'a pók wesse', kamasséssók sa' ekyókxoho mók apkelókxa nak, megkamassegwomek sa'.

Daniel 4:2

Émenyeyk ko'o kólya'asagkohok kéxegke aqsok sempelakkasso nak agweta', sexekmósa nak ma'a Dios meyke ekhémo.

Daniel 4:26

Keñe m'a apkeltémo axta kóleymok aqsa m'a awhak nak, tén han ma'a kepmenák, cháxa ekteme peya makham exkekxak xép apteme wesse', apya'ásegwokmo sa' Dios apha nak néten, apteme apkeláneykha ekyókxoho aqsok.

Daniel 4:3

¡Awanhók agko' ma'a aqsok apkelane, tén han sempelakkasso nak agweta'! Megkamassegwomek sa' ma'a aptémakxa nak wesse' apwányam, megkatnégwomek sa' néxa ekha apmopwána.

Daniel 4:32

kóltekkesek sa' xép nepyeseksa apnámakkok, aqsok nawha'ák sa' epaxqaha; pa'at sa' etwok ektémól'a weyke, ekweykmoho siete apyeyam, ekwokmoho apya'ásegwokmo ekha apmopwána m'a Dios meyke nak ekhémo, nepyeseksa m'a aptamheykegkaxa nak chá'a kelwesse'e apkelwányam keso náxop, tén han apteméssesso chá'a apkeláneykha apchókxa m'a apmakókxa enxoho chá'a etnéssesek.”

Daniel 4:36

“Yetlókok axta sekya'ásegwayam exma, tén han sekxaweykekxa seyeymáxkoho sektémakxa nak wesse' apwányam, keñe han ekha séláyo, tén han sekteme wesse'. Élya'aweykteyk axta m'a sepaqhetcháseykha axta chá'a, tén han séláneykha ekyawe axta chá'a kéláyo, ektamhákxeyk axta ko'o makham sémha emonye' m'a seyókxa nak, ekxawákxeyk axta makham sekteme wesse' apwányam ma'a sektémakxa nak wesse', ekyawe agko' séláyo axta eyke táhak, megkaxnémo axta m'a nanók axta.

Daniel 5:18

“Dios meyke nak ekhémo axta apmésso aptémakxa axta wesse' apwányam Nabucodonosor, apyáp axta exchep wesse', tén han apcheymákpoho, tén han ekha kéláyo.

Daniel 5:21

Kéltekkessegkek axta nepyeseksa apnámakkok, aqsok nawhak axta aptamheykekxa'; yámelyeheykok nawha'ák axta appaxqeykha, pa'at axta aptók ektémól'a weyke, yássessegkek axta yálye m'a apyókxa, ekwokmoho apya'ásegwokmo ekha apmopwána m'a Dios meyke nak ekhémo, nepyeseksa m'a aptamheykegkaxa nak chá'a kelwesse'e apkelwányam énxet, tén han apteméssesso chá'a apkeláneykha apchókxa m'a apmakókxa enxoho chá'a etnéssesek.

Daniel 6:26

éltamhók ko'o kóláwho tén han kólyahakxohok Daniel Dios apagkok ma'a ekyókxoho yókxexma séláneykegkaxa nak. “Hakte cham'a apteme Dios megyetsapma m'a, megkatnégwomek néxa apha. Megkólmasséssemek han ma'a aptémakxa nak wesse' apwányam megkamassegwomek nahan apmopwána.

Daniel 7:14

Kélméssek axta apmopwána, apcheymákpoho tén han aptémakxa wesse' apwányam. Apyókxoho énxet'ák apheykha nak ekyókxoho apkelókxa tén han mók ektémakxa nak chá'a apkelpeywa axta aptamhágkok chá'a apkeltamhókxa axta etnahagkok. Megkamassegwomek sa' ma'a ektémakxa nak apmopwána, megkólmasséssemek han ma'a aptémakxa nak wesse' apwányam.

Daniel 7:27

Kólmeyásekxak sa' Dios meyke nak ekhémo énxet'ák apagkok ma'a aptémakxa nak wesse' apwányam, ekha apmopwána ekha apcheymákpoho, ekyókxoho yókxexma keso náxop. Megkatnégwomek sa' néxa apteme wesse' apwányam, etnahagkok sa' chá'a apkeltamhókxa enxoho chá'a etnahagkok apyókxoho énxet'ák nak keso náxop, elyahakxohok sa'.’

Daniel 9:14

Wesse' egegkok, cháxa keñamak senlánéssama nak negko'o yaqwayam henlegássesagkohok xa aqsok ekmaso nak, tén han apcháphasa negyeseksa negko'o; hakte péwók chá'a katnehek ma'a ekyókxoho aqsok apkelane nak xép, Dios Wesse' egegkok; makke negko'o agmáheyók ageyxhok chá'a exchep.

Jonás 1:14

Keñe axta aptáha apkelmaxneya Wesse' egegkok se'e: “Wesse', nágyoho aqsa negko'o agmaskok eñama s'e énxet nak. Méko sa' agkok aptémakxa, ná hempehésseta aqsa negko'o m'a apketsapa enxoho, hakte xép Wesse', elának chá'a exchep ma'a apmakókxa enxoho elána'.”

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!