Daniel 4:22 - Biblia Enxet

²² xeyep xa yámet nak, wesse', eyánteykegko nak apteme ekha kéláyo, tén han apyennaqte. Chánteykegkek xép apteme apcheymákpoho, wesse', weykmók ma'a néten, sawheykekxók han apkeláneykha ekyókxoho yókxexma nak keso náxop.

Daniel 4:22 ပူးပေါင်းရင်းမြစ်များ

Génesis 11:4

Keñe axta aptáha apkelpaqmeta s'e: “Kólchempoho, anlának xama tegma apwányam, tén han xama tegma néten apwenaqte apweykmoho néten. Keñe sa' ólxénaxchek chá'a negko'o negmowána aqsok, móxpaqnehek sa' chá'a ekyókxoho keso náxop.”

Génesis 28:12

Cha'a ekwanmésakxa axta han apwet'a xama kélchántéyak néten eyeynamo m'a náxop nak, ekweykekxoho néten, apkelyetlánteyk axta chá'a apkelchexyekmo m'a Dios apkelásenneykha, apkeltaqháwok axta han chá'a.

2 Samuel 12:7

Keñe axta Natán aptáha apcháneya s'e: —¡Xeyep neykhe xa énxet nak! Keso aptáhakxa nak xép apxéna Wesse' egegkok, Dios apagkok nak Israel se'e: ‘Élyéseykha axta ko'o exchep yaqwayam etnehek wesse' apwányam ma'a Israel, ekwagkassegkek axta teyp apmáheyo yaqhek ma'a Saúl;

2 Crónicas 28:9

Aphegkek axta han xama Wesse' egegkok appeywa aplegasso m'a, apwesey axta Obed, apkelanyexeykmo axta sẽlpextétamo apmáheyo elántexek ma'a Samaria. Aptáhak axta apkeláneya s'e: —Apkeltaqnaweygkek énxet'ák Judá m'a Wesse' egegkok, Dios apagkok axta m'a kélyapmeyk nano' nak kéxegke, cháxa keñamak apkelmésa nak kéxegke yaqwayam kólmok. Kélnapchek eyke kéxegke yetlo kélnaqtawáseykegkoho, wákxók apkelwehéseykha m'a néten.

Salmos 108:4

Hakte awanhek xép segásekhayo, yeykhágweykmók ma'a néten nak. ¡Weykmok ektémakxa mehegyenyaweykha m'a yaphope ekyápaqmate nak!

Salmos 36:5

Wesse', weykmók eyke exchep segásekhayo m'a néten, weykmók ektémakxa mehenyenyaweykha m'a yaphope ekyápaqmate nak.

Jeremías 27:5

Yetlo ekyawe sekmowána axta ko'o élaneyk nélwanmégkaxa, tén han énxet'ák, tén han aqsok nawha'ák élleykha nak awáxok, ewanchek han ko'o agkések sekmakókxa enxoho agkések.

Ezequiel 17:3

Etne sa' elának se'e: “Keso aptáhakxa exchek appeywa Wesse' egegkok se'e: Wa'ak xama náta ekyawe agko' ma'a Líbano; élwányam ma'a axempenák, ahóxekche'ék agko' nahan, sawheykekxók nahan ektáxama éltaqmalma m'a axempenák nak. Kelmeyk naw'ék ma'a yámet cedro,

Daniel 2:21

Cham'a apyaqmagkasso chá'a ektémakxa ekhem ma'a tén han ektémakxa nak chá'a aqsok ekteyapma; cham'a apnegkenma chá'a kelwesse'e apkelwányam, tén han apkelántekkesso chá'a, cham'a apkelmeyáseyak chá'a apkelmopwancha'a m'a ekha nak chá'a apkelmopwancha'a, tén han apkelya'áseyak chá'a aqsok ma'a apkelya'áseyak nak chá'a aqsok.

Daniel 4:11

Wánégyek axta xa yámet nak yawak axta han ma'a awhak nak; keltekxekwákxok axta naw'ék ma'a néten, agwethok axta katnamok makhawók agko' nak keso náxop.

Daniel 4:21

éltaqmalma nak áwa', tén han ma'a ekxámokma ekyexna, eksawhomo nak yaqwayam etawagkok apyókxoho énxet, élyexánegweyktamxa nak chá'a pessesse agkok ma'a aqsok nawha'ák élleykha nak yókxexma, éláneykegkaxa nak axanák aktegák ma'a náta,

Daniel 4:29

Apweynchámeykha axta néten apxagkok aptaqmalma Babilonia m'a wesse' apwányam, natámen axta ekteme xama apyeyam,

Daniel 4:36

“Yetlókok axta sekya'ásegwayam exma, tén han sekxaweykekxa seyeymáxkoho sektémakxa nak wesse' apwányam, keñe han ekha séláyo, tén han sekteme wesse'. Élya'aweykteyk axta m'a sepaqhetcháseykha axta chá'a, tén han séláneykha ekyawe axta chá'a kéláyo, ektamhákxeyk axta ko'o makham sémha emonye' m'a seyókxa nak, ekxawákxeyk axta makham sekteme wesse' apwányam ma'a sektémakxa nak wesse', ekyawe agko' séláyo axta eyke táhak, megkaxnémo axta m'a nanók axta.