Daniel 3:17 - Biblia Enxet

¹⁷ Apwanchek negko'o hẽlwagkasek teyp neyseksa eyáléweykha táxa axagkok ma'a Dios egagkok, nélpeykessamo nak, tén han ekyókxoho ekmaso apmakókxa enxoho henteméssesek xép wesse', hẽlwagkasek sa' teyp.

Daniel 3:17 ပူးပေါင်းရင်းမြစ်များ

Génesis 17:1

Apxekmowáseykpók axta Wesse' egegkok Abram, ektéma axta noventa y nueve apyeyam apagkok. Aptáhak axta apcháneya s'e: —Ko'o sekteme Dios ekha sekyennaqte, etne ekpéwomo aptémakxa nahaqtók ko'o.

Génesis 18:14

¿Yetnéya aqsok megkamopwána elának ma'a Wesse' egegkok? Pók apyeyam sa' makham atnehek meyk'a, kótak sa' étche apkenna Sara ekwokmo enxoho xa.

Job 34:29

Apwanmakkek agkok ma'a Dios, ¡méko awanchek kaxének megkapayhawo aptáhakxa'! Agkok eltamhok éteyakpok, ¿yaqsa awanchek kóta'? Cha'a apkeláneykha chá'a apkelókxa m'a tén han ma'a énxet'ák

Job 5:19

Megkatnégwomek sa' nahan néxa apmallahanchesso chá'a neyseksa aqsok ekmaso, megyohok sa' káhapwak ma'a aqsok ekmaso nak.

Salmos 115:3

Apheyk Dios egagkok ma'a néten, elának chá'a ekyókxoho m'a apmakókxa enxoho elána'.

Salmos 37:39

Wesse' egegkok keñamak apkelwayam teyp ma'a énxet'ák éltaqmalma nak apkeltémakxa, chá'a apkelyexánegweykekxexa chá'a ekwa'a enxoho ekmaso apheykha.

Salmos 37:40

Epasmok chá'a Wesse' egegkok elmallahanchesek. Elegketchesek chá'a m'a élmasagcha'a nak apkeltémakxa, tén han elwagkasek chá'a teyp, hakte apkelye'eykekxeyk chá'a aptegyeykencha'a élmasma m'a.

Salmos 73:20

Wesse', apkempákxeyk sa' agko' xép néten, aptáha enxoho m'a aptémól'a xama énxet exatakhak kawanmaksek, yának sa' elmassegwók, tén han elwagqamakpok.

Isaías 12:2

Dios apteme chá'a sewagkasso teyp; may'ásseykmok nahan, magwayék nahan. Wesse' egegkok apteme sekyexanmo tén han segkésso sekyennaqte, cha'a apteme sewagkasso teyp ma'a.”

Isaías 54:14

Keynnaqtések sa' xeyep ma'a ekpéwomo nak nentémakxa, kamaskok sa' kóltawasagkoho', kamaskok sa' nahan apkelmenaye, kamaskok sa' nahan kapekhaksek apwáxok ma'a apyegwakto nak.

Jeremías 1:8

Nágye' aqsa xama énxet enxoho, hakte sekxegexma sa' ko'o atnehek xép yaqwayam amyók chá'a. Ekméssek ko'o sekpeywa, sektáha nak Wesse' apagkok.”

Jeremías 15:20

Máxa sawo ekyexwase kélhaxtegkessól'a tegma apwányam sa' ko'o atnéssesek xép nepyeseksa xa énxet'ák nak, megkólaqtassól'a. Yempakhakpok sa' eykhe, mexók sa' eyke, hakte ko'o sekxegexma exchep, yaqwayam awagkasek teyp, tén han amallahanchesek. Ekméssek ko'o sekpeywa, sektáha nak Wesse' apagkok.

Jeremías 15:21

Magwohok sa' emok ma'a énxet'ák élmasagcha'a nak apkeltémakxa, ¡awagkasek sa' teyp neyseksa apmáheyo emok ma'a énxet'ák apkelyennaqteyáseykha nak chá'a apyempe'ék!”

Daniel 3:26

Apkenegwokmek axta Nabucodonosor ma'a átog nak táxa axagkok, aptáhak axta apkelwónencha'a s'e: —¡Sadrac, Mesac tén han Abed-negó, kélteme nak apkeláneykha m'a Dios meyke ekhémo, kólántép, kólmeyenta s'e! Apkelántekkek axta neyseksa táxa eyáléwe m'a apqántánxo nak,

Daniel 4:35

Mékoho apancha'awók nápaqtók ma'a apyókxoho énxet'ák nak keso náxop. Elának chá'a apmakókxa enxoho chá'a elána', cham'a aqsok ekhéyak nak néten tén han keso náxop. Méko awanchek kanmexekxak apmopwána, tén han katnehek kának se'e: ¿Yaqsa ektáha aptáha nak xa ektáha nak?”

Daniel 6:16

Tén axta wesse' apwányam apkeltamho kólyentementák ma'a Daniel, keñe kólyenyók ma'a máxek élyáqtamakxa nak yámakméwa. Aptáhak axta wesse' apwányam apcháneya Daniel se'e: —¡Dios apagkok sa' ewagkasek teyp, meyenseykmo nak apyetleykha exchep!

Daniel 6:23

Payhékxók agko' axta apwáxok wesse' apwányam, keñe apkeltamho kóltekkesek kañe' máxek ma'a Daniel. Axta han kóteyáxchek xama enxoho apyense kéltekkesa m'a, hakte axta ey'ásseykmok Dios apagkok.

Daniel 6:27

Cham'a apteme segwagkasso teyp ma'a tén han segmallahanchesso; tén han apkelane aqsok sempelakkasso nak agweta' néten tén han keso náxop. Cha'a apwagkasso teyp Daniel ma'a neyseksa yámakméwa éllo.”

Miqueas 7:7

Aleyxek sa' eyke ko'o m'a Wesse' egegkok; malwataksek sa' sélhaxanma m'a Dios ahagkok sewagkasso nak teyp, hakte yeyxhok sa' ko'o sélmaxnagko m'a.

1 Samuel 17:37

Wesse' semallahanchesso nak chá'a neyseksa sẽlnápomáxche m'a méwa tén han aqsok nawhak eklo, sa' han hemallahanchesek neyseksa apmáheyo heyaqhek xa filisteo. Keñe axta aptáha apcháneya Saúl se'e: —Exeg, Wesse' egegkok sa' etnehek apxegexma.

1 Samuel 17:46

Hegkések sa' ko'o exchep ma'a Wesse' egegkok, sakhem sa' ko'o waqhek xép, keñe sa' ma'a sẽlpextétamo nak filisteos aphopák, almésagkok yaqwayam etawagkok máma, tén han aqsok nawha'ák éllo. Keñe sa' ekyókxoho nélwanmeygkaxa kólya'asagkohok apha xama Dios ma'a Israel.