Daniel 2:45 - Biblia Enxet

⁴⁵ Cháxa ekyetchesamaxkoho meteymog apweteya axta exchep xa wesse', ekyettelegweykento axta eñama m'a néten egkexe, meykexho axta eykhe ekyega; ektemessásekxo axta ánek agko' ma'a sawo ekyentaxno, sawo ekyexwase, yelpa', sawo ekmope tén han sawo ekyátekto ekmomnáwa. Apxekmóssegkek xép Dios meyke nak ekhémo, yaqwánxa katnehek egmonye' wesse'. Naqsók ma'a ektémakxa nak apwanmagko, ekpékessásawók han séltennasso.”

Daniel 2:45 ပူးပေါင်းရင်းမြစ်များ

Génesis 41:26

Siete apyeyam ekteme m'a siete weyke éltaqmalma nak, ekhawo han ma'a siete hótáhap apyexna apkeltaqmalma nak. Hawók mók xa apwanmagko nak.

Génesis 41:28

Cháxa sektáhakxa exchek seyáneya exchep xa: Dios apkeltennásak xép yaqwánxa etnehek, wesse'.

Génesis 41:32

Ánet ekwanmésso axta exchep wesse', hakte Dios axta apmakók elának xa, kaxwók sa' han elána'.

2 Samuel 7:22

Wesse' ahagkok, ¡apwányam apagko' xép! ¡Hakte méko ekhawo exchep, méko han aqsok kéláyókxa ekhawo exchep, ekhawo m'a ekyókxoho ektémakxa nak chá'a negko'o nenlegaya.

1 Crónicas 16:25

hakte Wesse' egegkok apteme apwányam apagko', payhawók ólteméssesek apcheymákpoho, apcheymáp nahan neyseksa m'a ekyókxoho aqsok ekha nak élmowancha'a.

Nehemías 4:14

Xama axta ko'o sekwet'a apkelaka m'a, émpákxeyk axta néten, ektáhak axta séláneya m'a apkelwesse'e nak, tén han ma'a apkelámha apmonye'e nak, tén han ma'a apyókxoho énxet'ák nak: “Nágkóle aqsa. Kaxén kélwáxok Wesse' egegkok apteme apwányam, tén han apcheymap, kólempakha kólmeyók kélókxa xamo', kélketchek apkelennay'a, tén han kelwán'ák, tén han ma'a kélnaqteyegka'a, tén han kélxanák.”

Nehemías 9:32

“Dios egagkok, Dios meyke ekhémo, tén han apyennaqte, tén han ekha kélaye, tén han meyaqmagkasseyam nak ekhémo mók nélpaqhetchásamáxkoho apagkok, tén han ekyawe segásekhayo, kaxén apwáxok ekyókxoho aqsok ekmaso ektémakxa axta m'a kelwesse'e apkelwányam egagkok, tén han apkelámha apmonye'e egagkok, tén han ma'a apkelmaxnéssesso Dios énxet'ák apagkok, tén han ma'a apkellegasso nak appeywa, tén han ma'a ẽlyapmeyk nano' axta, tén han ma'a apyókxoho énxet'ák egagkok, eyeynmo m'a apheykegkaxa axta apkelwesse'e apkelwányam axta Asiria, ekwokmoho s'e kaxwo' nak.

Job 36:26

Apwányam apagko' ma'a Dios, mogwanchek agya'asagkohok aptémakxa; mogwanchek nahan ólyetsetchesagkok apyeyam apagkok.

Salmos 135:5

Ekya'ásegkók ko'o Dios Wesse' egegkok apteme apwányam apagko', megkaxnawok ma'a ekyókxoho aqsok kéláyókxa.

Salmos 145:3

Apwányam apagko' ma'a Wesse' egegkok, payhawók agko' nahan kólteméssesek apcheymákpoho; mogwanchek agya'asagkohok ekyókxoho m'a ektémakxa nak apteme apwányam.

Salmos 2:9

Elnápok sa' kelwesse'e apkelwányam meyke apmopyósa apkelányo; ¡máxa sógweygke kéllanel'a yelpa' kélteméssesso nak nápakha'a apketkók sa' etnéssesek elnápok!”

Salmos 48:1

¡Apwányam apagko' Wesse' egegkok! ¡Payhawók kólteméssesek apcheymákpoho Dios egagkok ma'a tegma apwányam apagkok nak, tén han ma'a egkexe ekpagkanamaxche apagkok nak!

Salmos 96:4

hakte Wesse' egegkok apteme apwányam apagko', payhawók ólteméssesek apcheymákpoho, ¡apcheymáp nahan neyseksa m'a ekyókxoho aqsok ekha nak élmowancha'a!

Isaías 28:16

Ékeso éñamakxa, aptáha nak appeywa Wesse' egegkok se'e: “Apekkenek sa' ko'o xama meteymog ma'a Sión, meteymog kélyéseykha tén han ektaqmalma agko', yaqwayam sa' katnehek meteymog kélmámenyého kélagko' kólmaha, katnehek sa' ekyennaqtésso tegma apowhak. Énxet apcháyo enxoho xa, méko sa' katnehek apha.

Daniel 2:24

Keñe axta apya'aweykxo Daniel ma'a Arioc, natámen xa, cham'a apkeltamho axta elnápekxak wesse' apwányam ma'a ekha nak apkelmopwancha'a apheykha nak Babilonia. Aptáhak axta apcháneya s'e: —Ná elnáhap aqsa sekxók ekha nak apkelmopwancha'a. Héntemekxa sa' ko'o m'a aphakxa nak wesse' apwányam, altennaksek sa' ko'o ektémakxa m'a apwanmagko.

Daniel 2:28

Apheyk eyke xama Dios ma'a néten, senxekmóssamo nak ektémakxa aqsok magya'áseyak, apya'assásegwokmek xép yaqwánxa katnehek egmonye' wesse'. Altennaksek sa' xép ektémakxa apwanmagko, wesse', tén han aqsok apwete neyseksa apteyenma:

Daniel 2:29

Kelchetamchek axta kexa exchep apwáxok yaqwánxa katnehek egmonye' neyseksa apyetno néten apyetnamakxa, wesse', apya'assásegwokmek xép aqsok magya'áseyak ma'a senxekmóssamo nak chá'a aqsok megkólya'áseyak.

Daniel 2:44

Epekkenek sa' xama apchókxa megkólmowána nak kólmasséssók ma'a Dios apha nak néten, neyseksa aptamhéyak apkelwesse'e apkelwányam xa apkelwesse'e nak, memek sa' xama enxoho m'a pók wesse', kamasséssók sa' ekyókxoho mók apkelókxa nak, megkamassegwomek sa'.

Daniel 8:25

Tásek sa' katnehek ekteyapma ekyókxoho aqsok apkelane, eñama apmopwána elyexanchesha pók, tén han apteme apmopwána amya'a. Keyxkohok sa' apwáxok, elnápekxak sa' apxámokma m'a énxet'ák ektaqmalma nak apheykha, eñama appelakkassesso chá'a. Yenmexek sa' ma'a kelwesse'e wesse' apagkok nak, emátog sa' eyke.

Hageo 2:22

amasséssók sa' ko'o aptamhéyak chá'a apkelwesse'e apkelwányam keso náxop, néxa sa' atnéssesek aptamhéyak apkelwesse'e; alpeynchók sa' ma'a yátnáxeg apkelyenyawasso kélanchesso nak kempakhakma, yetlo m'a ektáha nak chá'a apkelchánte, eletsapok sa' yátnáxeg, tén han ma'a apheykha nak chá'a apkap'ák; yetsapok sa' chá'a xama apkelyetxeykekxa pók sawo.

Zacarías 12:3

“Atnessásekxak sa' ko'o meteymog ekyentaxno agko' Jerusalén xa ekhem nak, megyexyawaksek sa' chá'a m'a pók aptémakxa nak énxet'ák. Kapexyekhak sa' chá'a m'a apmáheyo nak chá'a éxnések néten. Épetchekxak sa' pók apyókxoho pók aptémakxa énxet'ák yenmexek ma'a Jerusalén,

Malaquías 1:11

Apyókxoho pók aptémakxa énxet'ák chá'a ko'o etnehek seyáyo, ekyókxoho yókxexma chá'a hélwatnések ma'a aqsok ánek ekmátsa nak ekpaqneyam éten agkok, tén han hélmések chá'a aqsok sélmésso naqsa ekpayhawo nak chá'a hélmések.

Deuteronomio 10:17

hakte cham'a Dios Wesse' kélagkok nak kéxegke apteme Dios Wesse' agkok ma'a ekyókxoho aqsok kéláyókxa nak tén han apteme Wesse' apagkok ma'a apyókxoho kelwesse'e apkelwányam nak keso náxop; apteme nahan Dios apwányam apagko', ekha apyennaqte tén han mageysso agè', metnéssesso nak han apyeykhamap pók elanok énxet tén han memà nak exkak ma'a aqsok kélmésso naqsa yaqwayam mexének ektemegweykmohoxma;