Daniel 2:35 - Biblia Enxet

³⁵ Ánek agko' axta tamhákxak ma'a sawo ekyentaxno, yelpa', sawo ekyexwase, sawo ekmope tén han ma'a sawo ekyátekto ekmomnáwa nak, ektémól'a kataxchek ma'a ekmexanmakxal'a exma, kélchexakkassamakxal'a chá'a apyempe'ék ma'a hótáhap apaktek, kelsókek axta éxchahayam meyke eyeymomáxche'. Keñe m'a meteymog ektégweykta axta m'a kéleykmássesso, ektamhákxo m'a meteymog émha ekyawe, eksawheykekxoho axta ekyókxoho xapop.

Daniel 2:35 ပူးပေါင်းရင်းမြစ်များ

Job 6:17

massék agkok xa yeyám appok nak, kalyameygkok ma'a alwáta' nak, keñe ekmexna enxoho, keymaksek ma'a yegmen.

Salmos 103:16

wátekhapchek agkok chá'a éxchahayam, kamassegwók chá'a, kamassegwók han chá'a ekwetamaxche'.

Salmos 22:27

Kaxén sa' kélwáxok kéxegke Wesse' egegkok kélyókxoho pók aptémakxa nak énxet'ák kélheykha keso náxop, kólyo'óta sa' ma'a; ¡kóltekxeyák sa' kéltapnák apmonye' m'a!

Salmos 37:10

Kaxwók sa' emassegwók ma'a énxet'ák élmasagcha'a nak apkeltémakxa; elchetmok sa' eykhe, melwetekxeyk sa' eyke.

Salmos 37:36

keñe sekmeyákxo makham ma'a, ekmassa sekwet'a, étamchek axta eykhe, axta eyke óteyákxa'.

Salmos 46:9

apmasséssekmek kempakhakma, ekweykmoho m'a néxa xapop nak keso nélwanmeygkaxa; apkelekkexchek ma'a yágke, nekha'a étkók aptemessásak ma'a sawhéwa, ¡apkelwatnékxeyk ma'a yátnáxeg apkelyenyawasso apkenchesso nak kempakhakma!

Salmos 66:4

apyókxoho énxet'ák apkelpeykásawók xép apheykha nak keso náxop, apkelmeneykmássessek han ma'a negmeneykmasso apkelxéna apwesey.”

Salmos 86:9

Oh Wesse', xép apkelane apyókxoho pók aptémakxa énxet'ák, sa' han xép elyo'ótak yaqwayam elpeykeshok ma'a, tén han elteméssesek eyeymáxkoho apwesey.

Isaías 11:9

Méko sa' xama enxoho kalának ekmaso ekyókxoho m'a egkexe ekpagkanamaxchexa ahagkok nak, hakte kasawhekxohok sa' apya'áséyak Wesse' egegkok ma'a ekyókxoho nak apchókxa, sa' katnehek ma'a ektémól'a ekláneyo yegmen ma'a wátsam ekwányam.

Isaías 8:9

Kólaqnekxa sa', énxet'ák kélheykha nak apkelókxa, kólyegwáwho kélagkók sa' nahan; kóleyxho s'e, kélyókxoho kélheykha nak apkelókxa makhawo': kólmekxak sa' eykhe chá'a kélmeykha kólmáwhok kólempakha' kólyegweyk sa' aqsa chá'a; naqso', kólmekxak sa' eykhe chá'a kélmeykha kólmáwhok kólempakha' kólyegwék sa' aqsa chá'a.

Daniel 2:44

Epekkenek sa' xama apchókxa megkólmowána nak kólmasséssók ma'a Dios apha nak néten, neyseksa aptamhéyak apkelwesse'e apkelwányam xa apkelwesse'e nak, memek sa' xama enxoho m'a pók wesse', kamasséssók sa' ekyókxoho mók apkelókxa nak, megkamassegwomek sa'.

Oseas 13:3

Cháxa keñamak peya nak elxohok ma'a téyáméten ekteyapmól'a axto'o, ektémól'a m'a yálye ektéyam la'a amonye' élseye, ekmanyehe nak chá'a kamassegwók, elxohok sa' ma'a ektémól'a pa'at apák élsól'a éxchahayam, tén han ektémól'a éten ekteyapmól'a m'a néten ekpánmakxa'.

Miqueas 4:13

¡Tegma apwányam Sión, yempekxa néten, ellegássesagkoho apkelenmexma! Hakte aptáhak Wesse' egegkok se'e: “Agkések sa' ko'o exchep apyennaqte ektémól'a m'a weyke kennawo' sawól'a kepet'ák, tén han sawo ekyexwasel'a aphék, yaqwayam sa' enaqtawasagkohok apxámokma apagko' énxet'ák. Elyementók sa' xép ma'a aqsok apagkok ekxámokma apkelmenyexcháseyak axta pók énxet'ák, keñe sa' hélmések ko'o, sektáha nak Wesse' ekyókxoho keso náxop.”

Zacarías 12:3

“Atnessásekxak sa' ko'o meteymog ekyentaxno agko' Jerusalén xa ekhem nak, megyexyawaksek sa' chá'a m'a pók aptémakxa nak énxet'ák. Kapexyekhak sa' chá'a m'a apmáheyo nak chá'a éxnések néten. Épetchekxak sa' pók apyókxoho pók aptémakxa énxet'ák yenmexek ma'a Jerusalén,