Daniel 2:22 - Biblia Enxet

²² Cha'a senxekmósso chá'a aqsok ekmáske nak agya'asagkoho', tén han ekpowásamáxche nak; hakte apweteyak ma'a ekhéyak nak ekyáqtésakxa exma, yetnegkek xamo' ma'a élseyéxma nak.

Daniel 2:22 ပူးပေါင်းရင်းမြစ်များ

Génesis 41:16

—Mowanchek eyke ko'o ay'asagkohok ahagko' —axta aptáhak José; Dios sa' eyke ey'ássesagkohok xép wesse', yaqwayam kapasmok.

Job 12:22

Henxekmóshok han chá'a m'a aqsok ekpowásamáxkoho agko' nak, yáxña'akxoho chá'a enegkenekxak ma'a ekhéyak nak ekyáqtésakxa exma.

Job 26:6

Yáxñakxoho temék apkelányo Dios ma'a takhaxpop, apkelmaheykegkaxa nak apkeletsapma.

Salmos 104:2

apchaqlamakpek élseyéxma, ektémól'a negaqlamaxche'. ¡Appeykessegkek xép néten ektémól'a apáwa kélapmal'a!

Salmos 25:14

Apxegexma Wesse' egegkok ma'a énxet aptáha nak chá'a apcháyo, elxekmósek chá'a m'a ekhémo mók nélpaqhetchásamáxkoho apagkok nak.

Salmos 36:9

hakte xép apteme ekteyapmakxa negyennaqte, élseyéxma apagkok keñamak negmowána agwetak negko'o m'a élseyéxma nak.

Eclesiastés 8:1

¿Yaqsa ekhawo m'a énxet apya'áseykegkoho nak aqsok? ¿Yaqsa ekya'ásegkoho ektémakxa m'a aqsok? Nápat chá'a agyekpelkohok ma'a énxet apya'áseykegkoho nak aqsok; kamasséssesek chá'a eklo nak nápat.

Isaías 41:22

Hẽltennáseta yaqwánxa katnehek egmonye', hẽltennásekxoho nahan ektémakxa axta m'a nentámen axta, ageyxhok sa' negko'o; henlegés aqsok peya nak kaxegma', yaqwayam sa' agya'asagkohok ekwánxa katnehek.

Isaías 41:26

¿Yaqsa axta eklegassama sekxók eyeynókxa axta xa yaqwayam enxoho agya'asagkoho'? ¿Yaqsa axta éltenneykencha'a sekxók axta, yaqwayam enxoho anxének ekpayhawo ektémakxa? Méko kélxama kéxegke kélxeyenma xa, méko eklegaya xama enxoho kélpeywa.

Isaías 42:9

Temék ekyókxoho m'a aqsok seklegassama axta katnehek, axnagkok aqsok sa' kaxwók allegaksek; alya'assásegwók sa' ko'o kéxegke amonye' ekwe xa.”

Isaías 45:7

Ko'o sélane m'a élseyéxma tén han ekyaqtéssóxma, sektekkesso nahan ma'a ektaqmalma nak negha tén han ma'a ekmaso nak negha. Ko'o sélane chá'a xa ekyókxoho aqsok nak, sektáha nak Wesse'.

Jeremías 23:24

¿Yaqsa awanchek ko'o héxánegkesek? Eksawheykekxók ko'o néten tén han keso náxop, Ko'o sekxeyenma xa, sektáha nak Wesse'.

Jeremías 33:3

Hewónmakha, wátegmowagkok sa', keñe sa' altennaksek ma'a aqsok élyawe agko' nak, tén han ma'a aqsok élpowásamáxkoho nak, mey'ásegko nak xép.

Daniel 2:11

Askehek ampékásekxak ma'a aqsok apkeltémo nak xép ey'asagkoho wesse' apwányam, méko xama énxet apwanchek eltennaksek, wánxa m'a aqsok kéláyókxa nak; ¡makke kaxneykha nepyeseksa énxet'ák ma'a!

Daniel 2:19

Kélxekmóssek axta han Daniel axta'a ektémakxa xa aqsok megkólya'áseyak nak, tén axta Daniel apkelteméssesa apcheymákpoho m'a Dios apha nak néten,

Daniel 2:47

Tén axta aptáha apcháneya Daniel se'e: —Naqsók agko' apteme apwányam apagko' Dios kélagkok nak kéxegke neyseksa m'a ekyókxoho aqsok kéláyókxa nak; kelwesse'e apkelwányam Wesse' apagkok, senxekmóssamo nak chá'a aqsok megkólya'áseyak nak, hakte xeyep apwet'ak xa aqsok megkólya'áseyak nak.

Daniel 5:11

hakte apheyk xama énxet se'e aptémakxa nak xép wesse' apwányam, appékessáseyak nak chá'a m'a Dios appagkanamap espíritu apagkok. Hakte cham'a aptémakxa axta wesse' apwányam ma'a apyáp axta exchep wesse', cháxa énxet nak, wetamaxcheyk axta ektaqmalma apyekpelchémo aqsok, tén han apmopwána, keñe han apya'áseykegkoho aqsok, ektéma nak ma'a aqsok kéláyókxa'. Axta keñamak wesse' apwányam Nabucodonosor, apyáp axta exchep wesse', apteméssessama apkemha apmonye' nepyeseksa apkelyohóxma, tén han apkelya'áseykegkoho nak chá'a aqsok ekpowásamáxche, ekha nak apkelmopwancha'a, tén han apwetayo nak chá'a aqsok yaqwánxa katnehek ma'a apchókxa nak,

Daniel 5:14

Eklegayak ko'o exchep apha apwáxok Dios espíritu apagkok, tén han ektaqmalma apyekpelchémo, keñe han apmopwána aqsok, tén han apyekpelchémo aqsok.

Deuteronomio 29:28

apkelántekkessek nahan apchókxa yetlo aplómo apagko' tén han yetlo megkaleklo agko' apwáxok apkelányo, apkexakhagwokmek ma'a mók apkelókxa, ekhawo ektémakxa nak se'e kaxwo nak.’