Daniel 2:20 - Biblia Enxet

²⁰ aptáha appeywa s'e: “Kólpeykeshok sa' chá'a Dios apwesey meyke néxa', hakte apagkok ma'a ektémakxa nak negya'áseyak, tén han ekha negmowána.

Daniel 2:20 ပူးပေါင်းရင်းမြစ်များ

Génesis 14:20

apcheymákpoho sa' kólteméssesek Dios meyke nak ekhémo, apmallahanchesa nak nepyeseksa apkelenmexma.” Keñe axta Abram apkelmésa Melquisedec xama ektáhakxa nak chá'a diez ekyókxoho aqsok apkelmeykekxa'.

1 Reyes 8:56

“¡Apcheymákpoho sa' kólteméssesek Wesse' egegkok, apmésso axta meyke ektáhakxa apheykha m'a énxet'ák apagkok Israel, ekhawo ekyókxoho apkeltennassamakxa axta etnéssesek! Hakte apsawhomók apkeláneya m'a ekyókxoho appeywa ektaqmela apmésso axta, eñama apchásenneykekxa m'a apkeláneykha Moisés.

1 Crónicas 29:20

Tén axta David aptáha apkeláneya apyókxoho énxet'ák se'e: “Kólpeykesho sa' kaxwo' Dios Wesse' kélagkok.” Keñe axta apyókxoho énxet'ák apkelpeykásawo Wesse' egegkok, Dios apagkok axta m'a apyapmeyk nano', apkelháxahágkek axta apkeltekxeyágko aptapnák nápaqtók ma'a Wesse' egegkok, tén han nápaqtók wesse' apwányam, ekwokmoho apkeltekxeyágko nápaqta'a xapop.

2 Crónicas 20:21

Tén axta natámen apkelpaqhetchásamákpoho énxet'ák, apkelyésáha axta chá'a pók xama apkelmeneykmasso, yaqwayam elxog ma'a apmonye'e nak sẽlpextétamo, yetlo apkelántaxneykekxa m'a apáwa apkelpagkanamap. Yaqwayam etnehek elmeneykmássesek Wesse' egegkok negmeneykmasso s'e: “Kólmés ekxeyenma kélwáxok Wesse' egegkok, megkamassegwomek segásekhayo m'a.”

Nehemías 9:5

tén axta aptáha apkeláneya m'a levitas, cham'a Josué, Cadmiel, Binuy, Hasabnías, Serebías, Hodías, Sebaías, tén han Petahías: “Kólchempekxa néten, kólpeykesho Dios Wesse' kélagkok, yókxoho ekhem, megkatnégwayam néxa. ¡Kóltemésses apcheymákpoho, yetlo ektaqmalma kélxeyenma apwesey eyeymáxkoho meyke ekhémo!”

Job 12:13

Dios akke m'a ekha nak apya'áseykegkoho, tén han apyennaqte; cha'a apkeláneykekxa han chá'a yaqwánxa etnehek ma'a, keytlawhok han chá'a apkelane,

Salmos 113:1

¡Aleluya! ¡Kólpeykesho chá'a apwesey Wesse' egegkok! kéxegke apkeláneykha nak.

Salmos 113:2

¡Tásek sa' chá'a katnehek ekxénamaxche Wesse' egegkok apwesey, kaxwo' nak, tén han megkatnégwayam néxa!

Salmos 115:18

negko'o eyke, nélyenna nak makham, ólpeykeshok sa' chá'a, kaxwo' nak tén han megkatnégwayam néxa. ¡Aleluya!

Salmos 147:5

Apwányam apagko' ma'a Dios egagkok, awanhek han apmopwána; méko néxa m'a apya'áseykegkoho.

Salmos 41:13

¡Apcheymákpoho sa' chá'a kólteméssesek Wesse' egegkok, Dios apagkok nak Israel, kaxwo' nak, tén han megkatnégwayam néxa! ¡Katnahagkok sa'!

Salmos 50:23

énxet segkésso nak chá'a ekxeyenma apwáxok, cháxa seyáyo ko'o xa. ¡Awagkashok chá'a ko'o teyp ma'a aptaqmelchásamákpoho nak chá'a sétleykha!”

Salmos 62:11

Hágkaxwe ko'o añak etnehek appeywa Dios se'e: ektáha apagkok ma'a apmopwána, tén han ma'a segásekhayo nak. Tén han apmésso chá'a xama énxet ekpayhawo nak chá'a ektémakxa aqsok apkelane.

Proverbios 8:14

Kalchetamha chá'a sekxók ko'o ewáxok, keñe keytlawhok chá'a sélane, ko'o sekteme sekyekpelchémo aqsok tén han sekyennaqte.

Jeremías 32:19

Awanhók agko' xép ma'a aqsok ekxeyenma nak apwáxok elána', keltássók agko' ma'a aqsok apkelane nak. Apweteyak xép ekyókxoho aqsok apkeláneyak nak chá'a énxet'ák, egkések nahan chá'a xama xama m'a ekpayhawo nak chá'a egkések, ekhawo ektémakxa nak chá'a aqsok apkeláneyak.

Ezequiel 28:3

¿Yeykhágweykmók enxeykel'a exchep apya'áséyak aqsok ma'a Danel? ¿Apya'ásegkóya ekyókxoho m'a aqsok ekyexamaxche nak?