Daniel 12:7 - Biblia Enxet

⁷ Apkelya'ássek axta néten apmék ma'a énxet apkelántaxneykekxa axta apáwa apkelexyawe, apmésa appeywa ekmámnaqsoho agko' yetlo apxeyenma apwesey m'a Dios memassegwayam. Aptáhak axta s'e: ‘Wokmek sa' agkok apqántánxo apyeyam nepxet pók, ekmassa sa' kélmasséssekmo apteme apkelyennaqte m'a Dios énxet'ák apagkok, kamassegwók sa' xa ekyókxoho aqsok nak.’

Daniel 12:7 ပူးပေါင်းရင်းမြစ်များ

Isaías 62:12

Eltamhakpok sa' israelitas “Énxet'ák apkelpagkanamap”, “Wesse' egegkok apkelwagkasso teyp”, keñe sa' Jerusalén eltamhakpok, “Tegma apwányam kélmámenyého”, “Tegma apwányam metaqmópéyak”.

Jeremías 4:2

kélwanchek sa' hélmések kélpeywa yetlo kélxeyenma sekwesey, ekmámnaqsoho agko', tén han ektaqmalma tén han ekpéwomo. Sekwesey sa' chá'a elmaha elmaxnéssesek aqsok éltaqmalma apnámakkok ma'a pók aptémakxa énxet'ák, tén han ektaqmalma apkelxénamap.”

Ezequiel 20:5

Etne sa' elának se'e: ‘Keso aptáhakxa exchek appeywa Wesse' egegkok se'e: éláneyak axta ko'o ekhémo mók sélpaqhetchásamáxkoho aptawán'ák neptámen, sélyéseykencha'a axta ko'o m'a Israel; ekxekmowásamáxkók axta nahan ma'a kañe' Egipto. Axta ektemék sélanagkama sekméssama naqsók sekpeywa s'e: Ko'o sekteme Dios Wesse' kélagkok.

Daniel 10:5

Élyaháha axta, ekwet'ak xama énxet apkelántaxno apkelexyawe tén han aptete nepxet sawo ekyátekto ekmomnáwa agko'.

Daniel 11:13

Yánchásekxak sa' eyke makham sẽlpextétamo wesse' apwányam apha nak nexcheyha, apxámokma apagko' mexnawo m'a sekxók axta, keñe sa' yáma kawegqohok apkelyeykhéyak apyeyam, ektamagkokxak makham ma'a ekpayho nak nepyeyam, yetlo sẽlpextétamo apagkok apxámokma, tén han apkelmeykha éltaqmalma apkenchesso nak kempakhakma.

Daniel 12:6

Keñe axta xama aptáha apkelmaxneyeyncha'a énxet apkelántaxneykekxa axta apáwa apkelexyawe, apkenmeyncha'a axta m'a néten yegmen ma'a wátsam: ‘¿Háxko sa' ekwánxa kamassegwók se'e aqsok sempelakkasso nak agweta'?’

Daniel 12:8

“Ekhaxnawók axta eykhe ko'o aptáhakxa appeywa, axta eyke ay'ásegkok xama enxoho. Tén axta sektáha seyáneya sélmaxneyáncha'a s'e: ‘Wesse', ¿háxko sa' katnehek natámen xa ekyókxoho aqsok nak?’

Daniel 4:31

Axta han epenchásawok appeywa wesse' apwányam apleg'a xama kélpeywa eñama néten, ektáha eyáneya s'e: “Yeyxho sa' se'e wesse' apwányam Nabucodonosor. Háwe kaxwók xép apagkok aptémakxa nak wesse' apwányam;

Daniel 4:34

“Xama axta ekwokmo néxa ekxénamaxchexa hélteméssesek, énmexawok axta néten, ko'o Nabucodonosor, ekwetágkok axta ekmassa sekteme seyeyháxma; tén axta sekteméssesa apcheymákpoho m'a Dios meyke nak ekhémo, axta ektáhak sekpaqmeta sélpeykásawo m'a memassegwayam nak: “Megkamassegwomek sa' chá'a apmopwána; katnahagkok sa' chá'a aptémakxa nak wesse' apwányam.

Daniel 7:21

Keñe axta sekwet'a élnápexko Dios énxet'ák apagkok xa kepetek nak, mallanchek axta han,

Daniel 7:25

Kanmexmakha sa' appeywa m'a Dios meyke nak ekhémo enaqtawássesagkohok sa' ma'a énxet'ák apagkok; emáwhok sa' eyaqmagkasek mók ma'a Dios segánamakxa apagkok, tén han ma'a kélessawássessamókxa nak chá'a ekhem apagkok, elmok sa' ma'a Dios énxet'ák apagkok ekweykmoho apqántánxo apyeyam nepxet pók.

Daniel 8:14

Aptáhak axta apchátegmowágkokxo s'e: ‘Sa' katnégwók néxa m'a ektáha enxoho dos mil trescientos ekhem tén han axta'a. Keñe sa' kólaxñásekxak ma'a tegma appagkanamap nak.’

Daniel 8:24

Apmeyhek sa' etnehek, háwe sa' eyke etnehek apyennaqte apagkok apagko'; emasséssók sa' ekmaso agko' ekyókxoho aqsok, tásek sa' katnehek ekteyapma ekyókxoho aqsok apkelanakxa enxoho. Emasséssók sa' ma'a énxet apkelyennaqte nak tén han apxámokma apagko' ma'a Dios énxet'ák apagkok.

Deuteronomio 26:19

Sa' etnéssesek kéxegke néten agko' kéláyo nepyeseksa m'a apyókxoho énxet'ák ektáha axta apkelane, tén han kéleymáxkoho, tén han kélxénamaxche ekyókxoho yókxexma tén han ekha kéláyo, kóltéhek sa' énxet'ák apkelpagkanma m'a Dios Wesse' kélagkok, ekhawo m'a aptémakxa axta apkelanagkama.”

Deuteronomio 32:36

“Epasmok sa' énxet'ák apagkok Wesse' egegkok ma'a apwet'a sa' ekmassa apkelyenna. Apyósekak sa' elanok apkeláneykha Wesse' egegkok ma'a apwet'a sa' megyeymékpo xama m'a kélásenneykha nak tén han ma'a metnaha nak kélásenneykha,

Deuteronomio 32:40

Ekya'ássek sa' agkok ko'o néten émek, ekxénchek sa' agkok ekmámnaqsoho agko' sektáha mamassegwayam,

Deuteronomio 7:6

Hakte kéxegke kélteme énxet'ák kélpagkanamaxche apagkok ma'a Dios Wesse' kélagkok; apkelyéseykha axta kéxegke Wesse' egegkok nepyeseksa m'a apyókxoho énxet'ák nak keso náxop, yaqwayam enxoho kóltéhek kéxegke énxet'ák apagkok apagko'.