Daniel 12:13 - Biblia Enxet

¹³ Xép akke Daniel, elenxanmoho ekwokmoho apwagkasa néxa', tén sa' ellókasek apyampe, exatakhak sa' ma'a ektemégwokmo enxoho néxa ekhem, yaqwayam exkak ekyaqmageykekxa m'a aptamheykha.’”

Daniel 12:13 ပူးပေါင်းရင်းမြစ်များ

Salmos 1:5

Cháxa keñamak peya nak káhapwaták Dios sẽlyekpelchássessamo m'a énxet'ák élmasagcha'a nak apkeltémakxa, mexmakha sa' nahan ma'a yaqwánxa nak exmakha énxet'ák apkelpéwomo.

Salmos 16:5

Wesse', xép apwánxa apagkok segkésso aqsok eyeyméxchexa; apyánchessamók xép segkésso seyemleykekxoho, xép apmeykha sekyennaqte.

Salmos 16:9

Cháxa keñamak eyátseykencha'a nak ko'o ewáxok, tén han ekpayheykekxo ewáxok. Méko sa' chá'a katnehek ekyókxoho sekyókxa,

Éxodo 33:14

—Ko'o ahagko' sa' atnehek sekxegexma exchep tén han allókassesek apyampe —axta aptáhak Wesse' egegkok.

Daniel 12:3

Máxa aqsok élápogwátéyak néten sa' etnahagkok elápogwátek ma'a apkelyekpelchémo nak aqsok, apnaqlo axta chá'a ámay ekpéwomo m'a apxámokma énxet; ¡elápogwátek sa' meyke néxa, aptémól'a yaw'a!

Daniel 12:4

“Xép akke Daniel, ekpós sa' xép xa aqsok nak, épetches sa' apkelqahasso xa weykcha'áhak nak ekwokmoho ektemegwánxa néxa ekhem. Eyaqmagakpok sa' pók énxet etegyagkok apkelya'ásegwayam.’

Zacarías 3:7

“Keso aptáhakxa exchek appeywa Wesse' egegkok ekha nak apyennaqte s'e: ‘Étlow sa' ámay ahagkok, elána sa' nahan ekyókxoho m'a sekmésso axta séltémo elána'. Aptemék sa' agkok xa ektáha nak, etnehek sa' aptaqmelchesso m'a exagkok. Elanha sa' ma'a ekweykekxoho m'a kañe' apwáxok nak, agkések sa' ko'o exchep apmopwána etaxnegwaták chá'a nepyeseksa s'e sélásenneykha apkeltamheykha nak chá'a sekhakxa.